Efeso'su 6:18 - Cofán: Chiga Tevaen'jen

¹⁸ Tsa'caen Chiga Qquendya'pa que'ima in'jaen'nijan ánttembe'yi Chigama iñajan'faja. Ñotsse in'jamba quia'me iñajan'faja. Ñoquimbimbe'yi ñotsse injan'jemba poi Cristove in'jan'chondeccune Chigama iñajan'faja.

Efeso'su 6:18 ပူးပေါင်းရင်းမြစ်များ

1 Reyes 8:52

“¡Ña quema shondo'su quema iñajansi que Israel aindeccu'qque quema afa'ninda tise'pama pañajan! ¡Pañajan Chiga Quitsa, ingi quenga i'namba afa'choma!

1 Reyes 8:54

Salomónjan tsa'caen Na'su Chigama iñajamba afe'je'ttima camba tsutta'choi'ccu puntssan dyai tise tivema sefacconingae yasapa. Iñajan nanimba

1 Reyes 8:59

Toya'caen gi in'jan Na'su ingi Chiga ña afa'jesi tise paña'choma cuintsu ñotsse an'biamba a'ta cose'ye'qque aqque'pambe'yi injan'jeñe. Tsa'caen injan'jemba tsu ña tisema shondo'suma ingi tise a'i israendeccuma'qque tansintsse fuiteya maqui ingi shaca'ninda.

1 Reyes 9:3

Tisenga attiamba su: “Que ñama iñajamba afa'choma gi tayo paña. Ñoa'me gi va ñama iñajan'jen'cho ettima in'jan. Va que ñambe tsao'ña'choni tsu tsangae ña iniseja can'jeña. Tsangae gi tsama coira'jepa tseni ronda'jeya.

Daniel 6:10

Tsa'caen mandapa na'su tisu inisema tevaen'choma in'jamba Danielja tisu tsaoni ja. Japa tisu anambaccunga ca'nimba Jerusalén canqque jinfa'su ventanama fettapa ccaru dyai Chigama iñajamba tisenga ñotsse afaye. Tsa'caen tsu fae a'ta tres se Chigama iñajamba canse.

Zacarías 12:10

“Toya'caen gi Jerusaléni can'jensundeccu, David omba'su dutssiyendeccunga'qque cuna qquendya'pama moeña cuintsu ñotsse in'jamba ñanga iñajan'faye. Tsa'caen tsonsi tsu tise'panga quiccuye'choma atte'faya. Tisema attepa tsu i'na'faya du'shu fae'ccoa pasi i'naqquia'caen. Nane aisheve isu'cho dutssi'ye pasi i'naqquia'caen tsu ñombi'yepa i'na'faya.”

Mateo 17:21

Nane ambe'yi tsu tsain'bitsse Chigama iñajaña'cho va cocoya'ca'ma joqquitssiañe;

Mateo 26:41

Anambe'yi Chigama iñajan'faja qquepa egae tsinconsa'ne. Nane que injama'cho tsosipie in'jan'ma qui ai'voni shacapa tsa'caen tsoñe oshambi.

Marcos 13:33

Tsa'cansi ñotsse in'jamba caña'jen'faja. Toya'caen Chigama iñajan'jen'faja. Nane atesu'fambi qui maqui tsa hora napiya'chove.

Marcos 14:38

Ñotsse qquendyapa Chigama iñajan'jen'faja tisupa qquepa egae tsinconsa'ne. Nane injama'cho tsosipie in'jan'ma qui ai'voni shacapa tsa'caen tsoñe oshambi.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Lucas 22:46

Attepa tise'pama su: —¿Micomba qui ana'jen'fa? Jangipa Chigama iñajan'jen'faja egae tsinconsa'ne.

Lucas 3:26

Tsaja Maat dutssi'ye. Tsaja Matatías dutssi'ye. Tsaja Semei dutssi'ye. Tsaja Josec dutssi'ye. Tsaja Judá dutssi'ye.

Lucas 3:37

Tsaja Matusalén dutssi'ye. Tsaja Enoc dutssi'ye. Tsaja Jared dutssi'ye. Tsaja Mahalaleel dutssi'ye. Tsaja Cainán dutssi'ye.

Tson'fa'cho 1:14

Poiyi'cco fae'be injama'choa'caeñi in'jamba bo'je'fa Chigama iñajañe. Toya'caen Jesús chan María, Jesús quinshingendeccu, faesu pushesundeccu'qque tise'pai'ccu fae'ngae bo'je'fa.

Tson'fa'cho 10:2

Cornelio poiyi'cco tise tsaoni can'jensundeccu'qque Chigave in'jan'fa. Tiseja dyoe'sui'ccu Chigama in'jamba paña. Se'pimbe'yi tsu osha'choma afeye atesu israendeccunga. Poi a'ta tsu Chigama iñajan'jen.

Tson'fa'cho 12:5

Tsa'caen Pedro picco'je'cho ettinga piccoyesi Jesúsve in'jan'chondeccuja ti'tsse'tsse Chigama iñajan'fa tisene.

Tson'fa'cho 6:4

Ingija toya Chigama iñajan'jen'faya. Toya'caen Chiga Aya'fama atesian'jen'faya.

Romanos 12:12

Chigaja osha'cho ñotssiama que'inga tsoña qquen in'jamba avujatsse canse'faja. Vana'je'an'qque opatsse canse'faja. Anttembeyi Chigama iñajan'faja.

Romanos 8:15

Que'ini can'jen'cho Chiga Qquendya'paja ega na'sia'caen panshaen mandambi cuintsu que'i ccase dyojo'cco canse'faye. Tsa'ma Chiga Qquendya'pa ingima in'jaensi gi Chiga dushundeccuve dapa Tisenga su'fa: “¡Ingi Yaya qui!”

Galacia'su 4:6

Tsa'caen da'fasi Chigaja Tise Dutssi'yembe Qquendya'pama'qque que'i injama'chonga moen. Tsa'caen moensi que'ini can'jemba que'ima in'jaen cuintsu Chigave in'jamba, “Ingi Yaya” qquen su'faye.

Efeso'su 1:16

anttembe'yi que'ine Chigama iñajan'jen. Injan'jemba gi que'ine avujatsse Tisema iñajan'jen.

Efeso'su 2:22

Tsa'caen atapapa qui cca'indeccui'ccu fae'ngae Cristoi'ccu jincho'fa cuintsu Chiga Qquendya'pa que'ima in'jaensi Chiga Quitsaja ñoa'me que'ini can'jeñe.

Efeso'su 3:18

Tsa'caen gi iñajan que'i'qque poiyi'cco Jesúsve in'jan'chondeccui'ccu Jesucristo ingima in'jan'choma in'jan'faye. Cristo ingima in'jan'choja ñoa'me injantssia tsu. Nane attajatssia tsu. Bia'a tsu. Se'fa'tssia tsu. Tso'sitssia tsu. Ñoa'me tsu Tiseja ingima in'jan. Ingija pa'tssi Tise ingima in'jan'choma atesuye osha'fambi. Atesu'masia tsu. Tsa'ma ma'caen osha'ta gi Tise ingima in'jan'choma atesu'faya'cho. Tsa'caen tsu Chigaja Tisuma inginga canjaemba tsangae ingima injaen'jen.

Efeso'su 3:8

Ñajan poiyi'cco Jesúsve in'jan'chondeccuma utu'ccoa. Cristo an'biamba inginga afeya'choja ñoa'me ti'tsse'tssiasi gi in'jañe osha'fambi injama'cho shacasi. Tsa'ma ñajan utu'ccoasi Chigaja ñama in'jamba antte cuintsu ñajan israembindeqquianga va joccapitssia Jesucristone condase'choma candusiañe.

Efeso'su 6:19

Toya'caen ñane'qque Chigama iñajan'faja cuintsu Tise ñama afaensi dyombi'tsse va tayoe condambi'choa Jesucristone ñotsse condase'choma condaseye.

Filipo'su 1:4

Ñajan que'ine Chigama iñajamba gi avujatsse iñajan.

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

Colosa'su 1:3

Que'i Jesucristove in'jamba poiyi'cco Chiganga ttuseye'chondeccuma in'jan'fa qquen pañamba gi Na'su Jesucristo Yaya Chiga Quitsama que'ine iñajan'da ingi aya'fai'ccu Tisema “Chigatsuafepoenján” qquen afa'je'fa.

Colosa'su 4:2

Anttembe'yi Chigama iñajamba canse'faja. Anambiqquia'caen injama'chone Chigama ñotsse afapa iñajan'faja.

1 Tesalónica'su 5:17

Chigama iñajan'jen'choma antte'fajama.

1 Timoteoga 2:1

O'tie gi quenga conda poiyi'cco a'ine tsu Chigama iñajaña'cho. Nane tise'pama fuiteye tsu tsa'caen Chigama iñajaña'cho. Chiga a'ima ñotsse tson'jen'chone tsu Tisema ñotsse afaya'cho.

2 Timoteoga 1:3

Ña tayopi'su coenzandeccuja Chigave in'jamba tansintsse Tise mandaqquia'caen canse'fa. Tsendeccu tsa'caen canse'fasi gi ña'qque tsa'caen cansepa anttembe'yi quene Chigama iñajamba ñotsse afa'je. Nane a'ta, cose'qque quema injan'jemba gi Chigama iñajan.

Filemónga 1:5

Nane queja Na'su Cristove in'jamba qui poiyi'cco Cristove in'jan'chondeccuma ñotsse in'jan. Tsa'cansi gi quene ñotsse afa'je.

Hebreo'su 5:7

Tsa'cansi Cristoja a'ive dapa va andeni can'jemba ina'jemba fundondo'e Chiga Quitsama quia'me iñajan. Nane Chiga Quitsayi tsangae paya'cho'ye tisema ccushaeñe oshasi tsu Tisema iñajan. Tsa'caen dyoe'sui'ccu Chigave in'jamba iñajansi Chigaja tisema paña.

1 Pedro 4:7

Osefaeña'cho a'ta tayo tsu napiji. Tsa'cansi que'ija ñotsse in'jamba opatsse Chigama iñaján canse'faja.

Judas 1:20

Tsa'ma ña in'jan'chondeccu, que'i Jesúsve in'jan'choja Chiga que'ima in'jaen'cho tsu. Tsave in'jamba ti'tsse in'jan'faja. Chiga Qquendya'pa que'ima in'jaen'choi'ccu Chigama iñajan'faja.

1 Samuel 1:12

Tsa'caen Ana bia'ave Na'suma iñajan'jensi Chigama afa'su Elíja aya'fa oya'je'choma atte.