Efeso'su 1:17 - Cofán: Chiga Tevaen'jen

¹⁷ Iñajan gi cuintsu ingi Na'su Jesucristombe Chiga, ñoa'me Ti'tsse'tssia Chiga Quitsa, que'ima in'jaeñe. Iñajan gi Tise que'ima in'jaensi ti'tsse injama'pave dapa Tise Jesucristone canjaen'choma atesupa Jesucristove bove ñotsse in'jan'faye.

Efeso'su 1:17 ပူးပေါင်းရင်းမြစ်များ

Job 42:5

Tayoeja aqquia tsosinai'ccu quene pañamba gi ñoa'me quema atesumbi. Tsa'ma ja'ño gi tisu tso'fei'ccu quema attepa

Isaías 11:2

Na'su Chiga Qquendya'pa tsu tisei'ccu tsangae can'jemba in'jaeña cuintsu osha'choma atesupa in'jañe. Qquendya'pa can'jensi tiseja cca'ima ñotsse in'jaemba tansintsse mandapa Na'su Chigama ñotsse in'jamba dyoe'sui'ccuyi paña'jeña.

Jeremías 31:34

Nane tayoe a'ija tisupapora atesian'fa. Quindya tsu tise quinshinma nafattian cuintsu Na'su Chigave in'jañe. Tsa'ma tsequi a'ta poiyi'cco pañamba ñame in'jansi majameñi'qque atesiañe me'i'on tsu. Nasundeccu, utu'ccoandeqquia'qque tsu ñame in'jan'faya. Nane tise'pama mende'yepa gi tise'pa egae tsincon'choma agattoya'bi. Tise'pa shacama gi aqque'paya. Ña, Na'su Chiga gi que'inga conda.”

Jeremías 9:24

Nane majan ñoa'me quinsepoeñe in'jan'da tisu ñame in'jan'choi'ccu tsu quinsepoeña'cho. ‘Na'su Chiga tsu’ qquen in'jamba tsu quinsepoeñe ñotssi. Nane ñoa'me gi Na'su. In'jamba gi va andeni ñotsse tsomba tansintsse mandapa avujatssi. Ñotssiaveyi tsomba gi avujatssi. Ña, Na'su Chiga gi qquen que'inga conda.”

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Mateo 16:17

Tsonsi Jesúsja su: —Simón, Jonás dutssi'ye, Chiga tsu quema ñotsse tson. A'i in'jan'choi'ccu ya'caen afambipa qui Chiga ña Quitsa quenga canjaen'choi'ccu afa.

Mateo 20:33

Tise'paja su'fa: —Na'su, in'jan'fa gi tso'fe bittaye.

Mateo 6:13

Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.

Lucas 12:12

Que'i tseni ccutsu'ninda Chiga Qquendya'pa tsu que'ima in'jaeña jongoe qquen suya'chove.

Lucas 2:14

Sefacconi'su Chigaja ñoa'me ñotssia tsu. Va ande'su aindeccuma ñotsse in'jamba Chigaja in'jan cuintsu poiyi'cco a'i tisupapora ñotsse in'jamba opatsse canse'faye.

Lucas 21:15

Nane ña gi que'ima in'jaemba afaeña que'i tansintsse afasi cuintsu que'ima noñangiansundeccu ziyaye.

Juan 14:17

Tsaja Chiga Qquendya'pa tsu, tansintsse conda'su. Va ande'su a'ija Tisema atteya'bi ni atesuya'bi. Tsa'camba tisema an'biañe osha'faya'bi. Tsa'ma Tiseja que'i'ccu can'jensi qui que'ija Tisema atesu'faya. Tiseja tsangae que'i injama'choni can'jeña.

Juan 14:26

Tsa'ma Chiga Quitsa tsu Tise Qquendya'pama moeña. Ña'caen tsu tsa Fuite'suja que'inga osha'choma atesiaña. Tiseja que'ima in'jaeña cuintsu que'i osha'cho ña que'inga su'choma injan'jeñe.

Juan 16:3

Nane Ña Yayama atesumbipa ñama'qque atesumbipa tsu tsa'caen tson'faya.

Juan 17:3

Yaya, que qui ñoa'me Chiga. Faesuveja me'i'on tsu. Ña gi Jesús que moen'cho Cristo. Majan ingima cachuipa in'jan'da tsu ñoa'me tsangae canseya.

Juan 20:17

Jesúsja su: —Ñama pporo'roembe antteja. Toya gi sefacconi ña Yaya can'jeni jambi. Tsa'ma japa fae'ngae ñame in'jan'chondeccunga condaja: Ñanda gi ña Yaya, que Yayani jaya. Ña Chigani, que Chigani gi jaya.

Tson'fa'cho 6:10

Tsa'ma Chiga Qquendya'pa Estebanma in'jaensi ñotsse atesupa afasi tisei'ccu afaccosundeccuja tisema ti'tsse patsuye osha'fambi.

Tson'fa'cho 7:2

Estebanjan su: —Ña antiandeccu, ña coenzandeccu, ñama paña'faja: Ingi tayopi'su ccashe'ye Abrahamnga toya Mesopotamia andeni can'jeinte toya Harán andeni jambite ingi ñonccatssia Chiga tsu Tisuma Abrahamnga attian.

Romanos 1:28

Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.

Romanos 15:6

Tsa'caen fae'ngae avujatsse cansepa qui fae aya'fa'caen Chiga Quitsama ñotsse afa'faya. Nane Chigaja ñoa'me ingi Na'su Jesucristo Quitsa tsu.

1 Corinto'su 12:8

Chigaja Tise Qquendya'pai'ccu majama in'jaen cuintsu ñotsse in'jamba afa'faye. Cca'ima'qque toe Chiga Qquendya'pai'ccu in'jaensi osha'choma atesupa atesian'jen'fa.

1 Corinto'su 14:6

Tsa'cansi, faengasundeccu, ñajan que'ini jipa ccaninga aya'fangae condase'ta ¿ma'caen gi que'ima fuiteya? Tsa'ma Chiga ñama in'jaensi Tise condase'choma pañamba a'i aya'fangae conda'ta gi que'ima in'jaemba fuiteya. Toya'caen jongoesuma atesupa que'ima atesian'da gi que'ima in'jaemba fuiteya.

1 Corinto'su 2:10

Tsa'ma Tise Qquendya'pa fuitesi Chigaja tsane inginga conda. Nane Chiga Qquendya'pa osha'choma atesupa Chiga in'jan'chove'qque atesupa conda.

1 Corinto'su 2:8

Ja'ño'su ande nasundeccu va Chiga in'jan'choma atesu'fambi. Nane in'jan'choecan'da ñoa'me tsu Joccapitssia Na'su Cristoma avuja'cconga fi'tti'fambiye'can.

2 Corinto'su 12:1

Tisuma ñotssiave panshaen afapa ñoa'me patsuye oshambi qquen gi in'jan. Tsa'ma ti'tsse gi condaseya'cho. Ja'ño gi Na'su ñanga attian'choma condaya. Na'su ñama in'jaen'choma'qque gi condaya.

Efeso'su 1:3

Ñoa'me'qque ti'tsse'tssia tsu Chiga ingi Na'su, tsa Jesucristo Quitsa. Ingija Cristoi'ccu fae'ngae jincho'fasi Chigaja sefacconi osha'cho tsangae ñotssiave ingimbe tayo ñoña.

Efeso'su 3:5

Chigaja tayopi'su a'inga condambi. Tsa'ma ja'ño Tise Qquendya'pai'ccu a'ima in'jaemba conda. Tise'be ño'a Jesúsne afasundeccuma, Tisema afasundeccuma'qque in'jaensi tsu atesu'fa.

Efeso'su 4:13

Tsa'caen in'jaemba tsu fuite'je cuintsu ingija fae a'ia'caen fae'ngae in'jamba Chiga Dutssi'yene pa'tssima atesu'faye. Tsa'caen atesupa gi a'i tayo coenqquia'caen, injama'pae dapa Cristoa'caen ñotssiave napi'faya.

Filipo'su 3:15

Nane poiyi'cco ingi majan bo'tsse Jesúsi'ccu jacansundeccu tsa'caen toya napimbi'ta ya'caen tsu in'jan'faya'cho. Tsambipa majan que'i'su ccaningae in'jan'ninda Chigaja bove ñotsse tsane que'inga canjaeña.

2 Timoteoga 2:25

Cca'indeccu tisema pañañe in'jambi'ni'qque ñotsse vasuitsse tsendeccuma nafattiaña'cho. Tsa'caen nafattiamba tsu Chiga tsendeccumbe injama'choma ñoñaña qquen in'jamba ron'daya'cho. Nane Chiga tsendeccumbe injama'choma ñoñasi tansintsse su'choma in'jamba

Titonga 1:1

Ña Pablo gi Chigambe sema'su. Jesucristone afa'su gi. Jesúsja ñama ttu'sepa moen Chiga in'jan'cho aindeccuma fuitesi cuintsu Tise've ti'tsse in'jan'faye. Tsendeccunga tsu ñama moen Chiga tansintsse su'choma atesiansi cuintsu ñotsse atesupa canse'faye.

Santiago 2:1

Ña faenga'su Cristove in'jan'chondeccu, que'ija ingi Ti'tsse'tssia Na'su Jesucristo a'ita ¿ma'caen qui fae a'i faesuma ti'tsse'tssia qquenjan in'jaña?

2 Pedro 1:3

Chigaja osha'choma oshachopa inginga ñotsse afe cuintsu vani ñotsse cansepa Tisema ñotsse in'jan'faye. Tsa'caen afe cuintsu ingija ingima Ttuse'suma atesu'faye. Tsaja ti'tsse'tssia, osha'choma bove ñotssiapa ingima ttu'se.

2 Pedro 3:18

Tsa'ma bove ñotsse atesu'faja Na'su Jesucristo, ingima ccushaen'suve. Tise que'ima in'jamba aqquiatsse ñotsse tsoña'chove ti'tsse in'jan'faja. Ja'ño tiseja ti'tsse'tssia. Tsangae tiseja ti'tsse'tssia tsu. Tsangaeyi.

Canjaen'cho 7:12

qquen supa: Tsangaeyi. Chigaja Ñotssiasi Tisema ñotsse afa'faja. Tiseja injama'pa quin'amba osha'choma oshachosi avujatsse afa'faja. Nane tsa'caen afa'je'ta ingi Chigama gi tsangae ñotsse afa'je'fa. Tsangaeyi.