Deuteronomio 9:1 - Cofán: Chiga Tevaen'jen

¹ “¡Israendeccu, ñama paña'faja! Tayo tsu Jordánma iseya'cho nepi. Isepa qui que'ima ti'tsse quin'anma, ti'tsse injan'on aindeccuma patsuye ashaen'faya. Tise'pa rande canqquema'qque sefa'tssia ttuccui'ccu ttu'cho canqquema qui osuiamba patsu'faya.

Deuteronomio 9:1 ပူးပေါင်းရင်းမြစ်များ

Génesis 11:4

Omboe tsu su'fa: “Jinge rande canqqueve canqquiamba ñoa'me se'fatssia tsa'ove'qque tsao'ñañe sefacconi pporotsse. Tsa'caen tsao'ña'ninda tsu poiyi'cco cca'indeccuja ingima in'jan'faya joccapitssia've. Toya'caen tsa'caen tsomba gi biani attufambe'yi fae'ngae can'jen'faya.”

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Daniel 4:11

Tsa quini'jin tsu coemba randeve da. Tise tsutopaja chiga sefacconi ppo'rotssi. Nane ande shaca'chone'qque qui tsama atteye osha.

Números 13:22

Nane Néguevma panshamba Hebróni nepi'fa. Hebróni tsu can'jen'fa Ahimán, Sesai toya'caen Talmai. Tsendeccuta tsu Anac omba'su dushundeccu. Hebrón canqque tsu Egipto'su Zoan canqquema o'tie ñoña'cho siete canqque'fave panshan'cho.

Deuteronomio 6:10

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa.

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Josué 1:11

“Japa poiyi'cco a'inga conda'faja cuintsu osha'chove ñoña'faye. Tres a'tangae gi Jordán na'ema ise'faya'cho Na'su ingi Chiga inginga afeye su'cho andema itsapa an'biañe. Ingi'beya tsu.”

Josué 1:15

tsa andema patsuya'ngae. Tsa'caen tsu tsoña'cho Na'su Chiga afesi tise'pa ño'faya'ngae. Nane que'inga afeqquia'caen afesi tise'pa'qque tsa Chiga afe'cho andembe nasundeccuve da'faya'ngae tsu fuite'faya'cho. Tsa'ma tsa'caen afesi qui toequi shandaye osha'fa Chigama shondo'su Moisés que'inga afe'cho Jordán na'ema chiga sombo'jefa'su andema an'biamba canseye.

Josué 3:14

Tsa'caen susi aindeccuja ñoñamba sombo'fa Jordánma iseye. Chigama afasundeccu o'tie ja'fa Chiga a'i'ccu injancco'fa'cho cafoin'ccu.

Josué 3:16

na'en ai'je'choja pasa. Nane biani tsu tsa'caen bo ccutsu Adam canqque jini. Tsa Adam tsu Saretán pporotsse. Tsa'caen bo ccutsusi a'ningae Pa'cho marningae ai'je'cho'qque samba. Tsa'caen dasi poiyi'cco a'i tsui ise'fa Jericó isevetsse.

Josué 3:6

Toya'caen tsu Chigama afasundeccuma qquen manda: “Chiga a'i'ccu injancco'fa'cho cafonma opipa o'tie japa na'ema ise'faja.” Tsa'caen susi tsu opipa a'ima o'tie ja'fa.

Josué 4:19

Nane primer ccovu decimo a'ta tsu israendeccuja Jordán na'ema isepa Gilgalni ansundepa can'jen'fa. Gilgalta tsu Jericónima chiga sombo'jefani.

Josué 4:5

su: “Jordán enttingeni japa Chiga, que'i Na'su, a'i'ccu injancco'fa'cho cafonga catse'faja. Poiyi'cco tsu fae patuve isupa opipa iya'cho tsai'ccu doce israe'su aindeccuve canjaeñe.