Deuteronomio 8:2 - Cofán: Chiga Tevaen'jen

² Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

Deuteronomio 8:2 ပူးပေါင်းရင်းမြစ်များ

Génesis 22:1

Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Salmos 103:2

Pa'cco ña canse'pai'ccu gi Na'suma ñotsse afaya. Ni fae'ccoeyi'qque tise ñanga ñotsse tson'jen'choma aqque'paya'bi gi.

Salmos 106:7

Ingi tayopisundeccuja Egiptoni can'jemba que ti'tsse'tssia canjaen'choma chi'gapa que tise'pama ñotsse in'jan'choma aqque'pa'fa. Tsa'caen aqque'papa Cu'a mar jin'ttinga quema'qque chi'gapa cati'fa.

Éxodo 15:25

Tsonsi Moisésja Na'su Chigama iñajan cuintsu tisema fuiteye. Iñajansi Na'suja quinisisiccoma canjaen. Tsa'caen canjaensi Moisés tsa quinisisiccoma saipa tsa'ccunga ttovasi ñoa'me ñotssia tsa'ccuve da. Nane tseni tsu Na'su Chigaja israendeccu tson'choma atesuye in'jamba tsa'caen tson. Toya'caen tsu Na'su Chigaja israendeccunga qquen supa manda'choma afa tise'pa ma'caen canse'faya'chove:

Éxodo 16:35

Israendeccuja cuarenta canqque'fa pa'cco tsesu manáma amba canse'fa. Nane a'i can'jeni nepiya'ngae tsu tsa'caen an'jen'fa. Canaán andeni nepipa ca'niña'ngae tsu manáma an'jen'fa.

Éxodo 16:4

Tsonsi Na'su Chigaja Moisésnga su: —Unjin tuiqquia'caen gi sefacconi'su aña'cho nama amppiañe tson'jen cuintsu an'faye. Aindeccuta tsu poi a'ta japa tsequi a'tane'ñi tai'je'faya'cho. Atesuye gi in'jan majan ñama paña'faya'chove toya'caen majan me'inchoa've.

Éxodo 20:20

Tsonsi Moisésja su: —¡Dyombe can'faja! Chigata tsu ji ingima atesucañe. Ñoa'me dyo'ta gi tisema dyoe'sui'ccuyi injan'jemba egae tsincombe canse'faya.

Números 14:33

Tsa'cansi que'i dushundeccuja cuarenta canqque'fave ovejama coirasundeccuve dapa que'i poiyi'cco pa'faya'ngae a'i menia canse'faya. Nane tsa'caen tsomba tsu que'i egae tsincon'cho shacama nanitsse afepoen'faya.

Lucas 18:14

Ñoa'me gi su, impuestoma isu'suja avujatsse tise tsaoni ja tayo Chiga tise egae tsincon'choma joqquitssiansi. Tsa'ma Fariseoja me'i. Injanga afapa ja. Nane poiyi'cco majan patsuye in'jan'da bove'ccoe tsu da'faya. Tsa'ma poiyi'cco majan patsuye in'jambi'ta ti'tsse joccapitssia've tsu da'faya.

Juan 2:25

Nane Jesúsja poimbe injama'cho ma'caen jincho'choma atesuchosi tsu me'i'on tisenga ti'tsse a'ine conda'suve.

Santiago 1:3

Tayo qui atesu'fa Chigave in'jamba tsa'caen vana'jen'da anttembe'yi ti'tsse in'jaña'chove.

Santiago 4:10

Na'su Chiga caña'jen'nijan tisuma ansange'faja. Tsa'caen tsonsi Na'suja que'ima ccushaemba ti'tsse'tssia've tsoña.

Santiago 4:6

Tsa'cansi Chigaja ti'tsse ingima fuite'je tisu in'jan'choi'ccu. Tsane tsu Chiga tevaen'jenjan qquen su: “Chigaja ‘Ña gi ñotssi’ qquen in'jan'chondeccuma chi'ga. Tsa'ma opatssindeqquiamajan Tisu in'jan'choi'ccu fuite'je.”

1 Pedro 1:7

Vanaña'cho tsu que'i Chigave in'jan'choma canjaeñe. Nane corija sefaqque'su. Tsa'ma si'ngei'ccu oquepa tsu ñotssia corive atesuya'cho. Que'i Chigave in'jan'cho tsu corima ti'tsse'tsse barepa vanaña'choi'ccu canjaeña'cho ñotssiave. Tsa'caen que'i in'jan'cho ñotssiave canjae'ninda qui ti'tsse'tssia've da'faya Jesucristo jisi. Nane Jesucristoja que'ima ñotsse afapa joccapitssia've tsoña.

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Jueces 2:22

Na'suja tsa'caen antte israendeccu tsendeccui'ccu fae'ngae can'jemba ma'caen tsoña'choma atesuye; nane tise'pa tayopisundeqquia'caen Na'su Chigama pañañe, tsambi'ta pañambi'choave atesuye.