Deuteronomio 7:2 - Cofán: Chiga Tevaen'jen

² Na'su que'i Chiga anttesi que'ija tsendeccuma patsupa tise'pama metsse nepiaña'cho. Nane tise'pama mendeye'fajama ni injancco'fa'chove tise'pai'ccu afa'fajama.

Deuteronomio 7:2 ပူးပေါင်းရင်းမြစ်များ

Génesis 14:20

Nane Sefacconi'su Joccapitssia Chiga ñotssipa quema fuitesi quema iyiccayesundeccuma patsu'ta tisema ñotsse afa'faja.” Tsa'caen susi Abramjan tise patsupa itsapa angaji'choma fae chonga'ccoeyi Melquisedecnga afe.

Salmos 106:34

Na'su majan canqquema sefaeñe manda'ni'qque israendeccuja tsa'su aindeccuma sefaen'fambi.

Números 21:2

Tsa'caen tson'fasi israendeccuja Na'su Chigama ñoa'me su'choi'ccu qquen su'fa: “Nane que va aindeccuma patsuye ingima fuite'ninda gi poiyi'cco va ande'su canqquema metsse sefaen'faya.”

Números 31:17

Tsa'cansi va pushesundeccuma'qque poiyi'cco majan tsandiendeccui'ccu can'jen'fa'choma fitti'ttiya'cho, poi tsandie du'shuma'qque.

Deuteronomio 2:33

Tsa'ma Na'su ingi Chiga ingima fuitesi gi tise, tise dutssiyendeccu, tise sundarondeccuma'qque metsse patsu'fa.

Deuteronomio 2:34

Toya'caen gi pa'cco tise canqquema asi'tta da'ñomba poi tsandie, pushesu, dushundeccuma'qque fitti'tti sefaen'fa. Nane ni fae'ccoveyi'qque antte'fambi gi cuintsu canseye.

Deuteronomio 31:5

Na'su tsa'caen anttesi que'i tsa andesundeccuma patsu'ta ña que'inga mandaqquia'caen tise'pama tson'faya'cho.

Deuteronomio 9:3

“Tsa'ma ñotsse in'jan'faja: Na'su que'i Chiga tsu si'nge anchandaqquia'caen que'ima o'tie jayipa tsa aindeccuma patsupa nepiaña. Nane Na'su suqquia'caen qui junde tsa aindeccuma joqquitssiamba nepian'faya.

Josué 2:14

Tsonsi a'tutsse jacansundeccuja su'fa: —Ingima ccushaen'chone gi ccane'qque que'ima ccushaen'faya. Que'i ingine a'tiemba condambi'choa'ne gi que'ima ccushaemba ñotsse tson'faya, Na'su Chiga va andema inginga afesi.

Josué 8:24

Israendeccuja tsa'caen tise'pama sinjunccu tsa a'i menia mandiamba ji'cho Hai canqquesundeccuma metsse matichi'ccu fitti'tti nanimba, toequi Hai canqqueni japa majan toya tseni canjensundeccuma fittitti'fa.

Josué 9:24

Pañamba Josuénga su'fa: —Que'ima shondosundeccu gi a'tatsse paña'fa ma'caen Na'su que'i Chiga tisema shondo'su Moisésma manda cuintsu anttembe pa'cco va ande'su aindeccuma fitti'tti sefaemba pa'cco va andema tisumbe isuye. Tsa'caen paña'jemba gi paye dyojopa tsa'caen afopoen'fa tisupama ccushaeñe.

Josué 9:7

Tsa'ma israendeccuja tsa heveondeccunga su'fa: —Isha que'ija ingi'ccu pporotsse canjensundeccumajan ¿ma'caen gi que'i'ccu fae'ngae injancco'faya?