Deuteronomio 7:1 - Cofán: Chiga Tevaen'jen

¹ Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Deuteronomio 7:1 ပူးပေါင်းရင်းမြစ်များ

1 Reyes 16:31

Nane tiseja tsa Nabat dutssi'ye Jeroboam tsonqquia'caen egae tsincomba ti'tsse tsu egae tsincon Jezabelma pushepa. Tsa Jezabel tsu sidóni'su pushesu, tsa andeni'su na'su Et-baal onque'nge. Tisema pushepa tsu Acabja chiga Baalma iñajamba avu'jaen.

Salmos 78:55

Ipa israendeccu ca'nisi tseni can'jensundeccuma joqquitssian mañamba tise'pa andema israendeccunga afe. Yaya tise dutssiyendeccunga afeqquia'caen tsa andema attufaemba afe cuintsu israe'su aindeccu cca'tti, cca'tti canqquiamba can'jen'faye.

Éxodo 23:28

Nane pa'ttanga dyopa ccuyaqquia'caen tsu heveondeccu, hititandeccu, toya'caen cananeondeccu que'ima attepa ccuya'faya.

Éxodo 23:32

“Tise'pai'ccu injancco'fajama ni tise'pa chigandeccuma in'jan'fajama;

Éxodo 23:33

ni tise'pama antte'fajama cuintsu que'i'ccu fae'ngae que'i andeni can'jeñe. Nane tsa'caen fae'ngae can'jen'fajama tise'pa que'ima in'jaensi tise'pa chigandeccuma in'jamba ñama egae tsinconsa'ne. Tsa'caen tson'da qui tisupama tsangae qqueña'faya.”

Éxodo 33:2

Ña gi moeña ñama shondo'suma cuintsu que'ima angaye. Toya'caen gi tsoña cuintsu tsa ande'su cananeondeccu, amorreondeccu, hititandeccu, ferezeondeccu, heveondeccu, toya'caen jebuseondeccuma joqquitssiañe.

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

Números 14:31

Tsa'ma que'i'ccu iyiccosundeccu itsa'faya qquen su'cho dushundeccuma gi tsa andenga angapa ca'niaña. Nane que'i tsa andema chi'gasi gi que'i dushundeccunga afeya cuintsu tsa andema isupa avuja'faye.

Tson'fa'cho 13:19

Tsa'caen angacamba Canaán andeni napipa tseni'su siete ande'su aindeccuma fitti'ttipa tsa andema israendeccunga afe. Tise'panga afe cuintsu tise'pa, tise'pa dutssiyendeccu'qque tsa andeni canse'faye.

Deuteronomio 31:3

Tsa'ma Na'su que'i Chiga tsu que'ima o'tie jayipa tsa ande'su aindeccuma patsupa nepiaña que'i tseni can'jen'faye. Na'su suqquia'caen Josué tsu que'ima mandapa angacaña.

Deuteronomio 6:1

Qquen tsu Na'su que'i Chigaja tise manda'choma afapa manda ña que'inga atesiañe cuintsu que'i an'biaña'cho andeni can'jemba tsama pañamba tsa'caen tson'faye.

Deuteronomio 6:10

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa.

Deuteronomio 6:19

Toya'caen tsu Na'suja tise suqquia'caen poiyi'cco que'i enemigondeccuma tteya mañaña.

Deuteronomio 9:1

“¡Israendeccu, ñama paña'faja! Tayo tsu Jordánma iseya'cho nepi. Isepa qui que'ima ti'tsse quin'anma, ti'tsse injan'on aindeccuma patsuye ashaen'faya. Tise'pa rande canqquema'qque sefa'tssia ttuccui'ccu ttu'cho canqquema qui osuiamba patsu'faya.

Deuteronomio 9:3

“Tsa'ma ñotsse in'jan'faja: Na'su que'i Chiga tsu si'nge anchandaqquia'caen que'ima o'tie jayipa tsa aindeccuma patsupa nepiaña. Nane Na'su suqquia'caen qui junde tsa aindeccuma joqquitssiamba nepian'faya.

Deuteronomio 9:4

Na'su que'i Chiga tsa'caen que'i'ccu va faesu canqque'su aindeccuma joqquitssiansi tisu injama'choni qquen su'fajama: ‘Ingija ñotssisi tsu Na'su Chigaja ingima fuite va andema patsuye.’ Nane tsa ande'su aindeccu egae tsinconsi tsu Na'su Chigaja tise'pama patsupa joqquitssian.”

Josué 3:10

Tise canjen'choma attepa in'jan'faja ñoa'me cansian Chiga ingi'ccu can'jemba ingima o'tie cananeondeccu, hititandeccu, heveondeccu, ferezeondeccu, gergeseondeccu, amorreondeccu toya'caen jebuseondeccuma'qque metsse tteya mañaña'choma.