Deuteronomio 6:7 - Cofán: Chiga Tevaen'jen

⁷ Anttembe'yi que'i dushundeccunga'qque tsama condase'faja. Tisu tsaoni dyai'a'qque tsambi'ta tsaiqui'ye jayi'a'qque tsane condase'faja. Nane anañe ccui'a'qque, toya'caen sinte qquendyapa jangi'a'qque tsane condase'faja.

Deuteronomio 6:7 ပူးပေါင်းရင်းမြစ်များ

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

Mateo 12:35

Ño'a a'ija tise injama'cho ñotsse in'jan'cho'suma somboemba ñotssiama tsu canjaen. Tsa'ma ega a'ija tise injama'cho egae in'jan'cho'suma somboemba egama tsu canjaen.

Lucas 6:45

Toya'caen ño'a a'ija tise injama'cho'su ñotsse in'jan'chone ñotssiama tsu canjaen. Tsa'ma ega a'ija tise injama'cho'su egae jincho'chone egama tsu canjaen. Nane tisu injama'cho jinchoqquia'caen tsu a'ija afa.

Efeso'su 4:29

Osha'cho egama afa'fajama. Tsa'ma a'ima fuiteye in'jamba ñotssiama tsu afaya'cho. Tsa'caen tsu afaya'cho pañasundeccu pañamba nafattu'faye.

Efeso'su 6:4

Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.

Deuteronomio 6:2

Tsa'caen tson'jemba qui que'i dushundeccui'ccu Chiga que'i Na'suma ñotsse tson'faya. Poi a'ta, poi canqque'fa tsa'caen canse'fasi tsu Na'suja antteya que'i tsain'bitssi canqque'fave canse'faye.

Colosa'su 4:6

Tise'pai'ccu ñotsse condasecco'faya'cho. Nane que'ija Cristove in'jamba condase'faya'cho. Tsa'camba majan que'ima Cristone iñajampañasi qui tise'panga ñotsse condaye osha'faya.

1 Pedro 3:15

Cristo tsu que'i na'su. Tsa'cansi injama'chone tisema ñotsse in'jan'faja. Toya'caen que'i Cristove in'jan'choma asi'ttaemba in'jamba ñotsse injan'jen'faja cuintsu faesuja, “¿Micomba qui Cristo a'ive da?” qquen su'nijan junde condaye. Tsa'ma vasuitsse ñotsse in'jamba tsu condaya'cho.

Rut 2:12

Que tsa'caen tsomba Na'su israe'su Chiganga jipa tise coira'je'choni ño'faqquia'caen can'jen'ninda cuintsu tise antteja quenga ñotsse afepa tsoña'chove.

Rut 2:4

Toya'caen tsequi a'ta Boozja canqquene nepipa tise'be taisundeccuma chigambian: —¡Cuintsu Na'su Chiga que'i'ccu can'jenjan! Ccane'qque chigambiamba su'fa: —¡Cuintsu Na'su Chiga quema ñotsse tsonjan!

Rut 4:11

Tsa'caen susi coenzandeccu toya'caen tseni bo'fa'chondeccuja su'fa: —Ju, tsa'can'fa gi. In'jan'fa gi cuintsu Na'su Chiga va pushesu que tsaoni jiya'choma ñoa'me Raquel toya'caen Leama'caen tsoñe. Nane tsendeccu'ye tsu poiyi'cco israendeccuja isuyepa sombo'fa. Toya'caen gi in'jan'fa cuintsu queja Efrata'su joccapitssia a'ive dapa Belén'su ti'tsse'tssia've daye.