Deuteronomio 6:5 - Cofán: Chiga Tevaen'jen

⁵ Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Deuteronomio 6:5 ပူးပေါင်းရင်းမြစ်များ

1 Reyes 3:3

Salomónjan Na'su Chigama ñotsse in'jamba pa'ccoma tise yaya David'ye mandaqquia'caeñi in'jamba tsa'caen manda'je. Tsa'can'ma ccotta'cco'su Chiganga afe'je'ttinga japa afe'choma Chiganga afepa ñome'bama'qque oque oraen.

2 Reyes 23:25

Me'i'on tsu faesu na'su Josías'can Na'su Chigave in'jamba paña'su. Nane tisema o'tie ni tisema omboe tsu majan na'su tisia'cambi. Pa'cco injama'choi'ccu, pa'cco in'jan'choi'ccu, ma'caen osha'ta tsu Moisés tevaen'cho manda'choma pañamba canse.

Mateo 10:37

Majan a'ija tise yayama, tise mamama ñama ti'tsse in'jan'da ñotssimbi tsu ña a'ive daye. Majan tise dutssi'yema, tise onque'ngema ñama ti'tsse in'jan'da ñotssimbi tsu ña a'ive daya.

Mateo 22:37

Jesúsja su: —“Pa'cco que injama'choi'ccu Chiga Quitsa que na'suma ñotsse in'janjan. Pa'cco que canse'pai'ccu, pa'cco que in'jan'choi'ccu Tisema ñotsse in'janjan.”

Marcos 12:30

Pa'cco que injama'choi'ccu Chiga que Na'suma ñotsse in'jan'faja. Nane pa'cco que canse'pai'ccu, pa'cco que in'jan'choi'ccu, pa'cco que ai'voi'ccu Tisema ñotsse in'jan'faja.” Tsa tsu o'tie tsoña'chove manda'cho.

Marcos 12:33

Nane pa'cco injama'choi'ccu, pa'cco canse'pai'ccu, pa'cco in'jan'choi'ccu, pa'cco ai'voi'ccu Chigama in'jañe, toya'caen tisuma in'janqquia'caen tisupapora in'jañe'qque –tsa tsu pa'cco oque oraen'choma bove ñotssi. Tsa tsu pa'cco Chiganga fi'ttipa afe'choma'qque bove ñotssi.

Lucas 10:27

Tiseja pañamba su: —Na'su que Chigama ñotsse in'jaña'cho. Nane pa'cco injama'choi'ccu, pa'cco que in'jan'choi'ccu, pa'cco que quin'sui'ccu tsu Na'su Chigama ñotsse in'jaña'cho. Toya'caen faenga'suma tisuma'caen ñotsse in'jaña'cho.

Deuteronomio 30:10

Nane Na'su que'i Chigama ñotsse pañamba va tise tevaen'cho manda'choma'qque pañamba tson'ninda tsu tiseja avujatssiya. Toya'caen pa'cco que'i injama'choi'ccu, pa'cco canse'pai'ccu toequi Na'sunga jipa in'jan'ninda tsu tiseja avujatssiya.

Deuteronomio 30:16

Nane ña ja'ño que'inga conda'choma pañamba Na'su que'i Chigama ñotsse in'jamba tisei'ccu jacanqquia'caen omboemba tise manda'choma tise su'choma'qque pañamba tson'da qui bo'tsse cansepa tsain'bio du'shuve atapa'faya. Toya'caen tsu Na'su que'i Chiga que'ima ñotsse tsoña que'i can'jeña'cho andeni can'jensi.

Deuteronomio 30:20

Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Deuteronomio 30:6

Tise que'i'ccu injancco'fa'choma tsu que'i injama'chonga tevaemba que'i dutssiyendeccu injama'chonga'qque tevaeña cuintsu pa'cco injama'cho, pa'cco canse'pai'ccu tisema in'jan'faye. Tsa'caen in'jamba tsu ñotsse canse'faya.

1 Juan 5:3

Chigama in'jan'chota tsu Tise manda'choma pañaña'cho. Aiye'pambi tsu Tise manda'choma pañamba tson'faye.