Deuteronomio 6:18 - Cofán: Chiga Tevaen'jen

¹⁸ Tsa'caen tson'ninda tsu Na'suja camba avujatssipa tsa que'i tayopisundeccu'yenga jai'ngae afeya'cho qquen su'cho ñotssia andema que'inga afesi qui ca'nimba opatsse cansepa an'bian'faya.

Deuteronomio 6:18 ပူးပေါင်းရင်းမြစ်များ

Salmos 19:11

Ñajan quembe sema'supa gi que manda'choma pañamba in'jan. Pañamba gi ñotssiama isu.

Éxodo 15:26

“Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Romanos 12:2

Va ande'su a'i in'jan'choma in'jan'fajama. Tsa'ma Chiga cuna injama'choma que'inga afe'ninda cuna a'ive qui da'faya'cho. Tsa'caen dapa qui Chiga in'jan'choma atesu'faya. Nane Chiga in'jan'choja ñotssia. Ñotsse in'jamba in'jan'cho tsu. Ñotsse tsu naniñeña.

Deuteronomio 6:10

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa.

Deuteronomio 6:19

Toya'caen tsu Na'suja tise suqquia'caen poiyi'cco que'i enemigondeccuma tteya mañaña.