Deuteronomio 34:8 - Cofán: Chiga Tevaen'jen

⁸ Pasi israendeccuja treinta a'tave tse'tti Moab a'i menia can'jemba tisene ina'jen'fa, injan'jemba ñombi'ye'cho naniña'ngae.

Deuteronomio 34:8 ပူးပေါင်းရင်းမြစ်များ

Génesis 50:3

Nane tsa'caen pa'chombe ai'voma onjoeñe cuarenta a'ta tsa balsa'mo ñome'bai'ccu onjoen'jeña'cho. Nane tsa'caen tsu injienge. Tsonsi egiptondeccuja setenta a'ta pa'cco Israelne i'na'fa.

Números 20:29

Israendeccuja tsa Aarón pa'choma pañamba treinta a'ta tisene i'na'fa.

Génesis 50:10

Jordán na'ema chiga sombo'jefanga Atad trigo ttonoma qquesho'je'ttinga nepipa ñoa'me ñombi'yepa i'nañe ashaen'fa. Nane tse'ttinga tsu Joséja tise yaya pa'chone asi'ttaemba siete a'ta pa'cco ñombi'ye.

Tson'fa'cho 8:2

Tsa'ma tsa'caen ccuya'fasi majan Chigave in'jan'chondeccuja Estebanma mende'yepa a'tu'fa. Tsa'caen a'tupa tsain'bitsse i'na'fa Estebane.

Deuteronomio 34:7

Ciento veinte canqque'fave an'biamba tsu pa. Tsa'ma tise tso'fe toya ñotssiyi tise'qque toya quinse'tssiyi pa.

Deuteronomio 34:9

Nane Moisés tisu tivei'ccu Nun dutssi'ye Josuénga pporaensi Josuéja osha'chove in'jan'cho qquendya'pai'ccu mandasi israendeccu tisema pañamba Na'su Moisésnga mandaqquia'caen tson'fa.

2 Samuel 11:26

Tsonsi Urías pusheja pañamba ñombi'ye tise tsa'ndu pa'chone.