Deuteronomio 31:6 - Cofán: Chiga Tevaen'jen

⁶ Que'i injama'choma ñoñamba quinse'tsse iyicco'faja. Dyombe'yi tise'pai'ccu geraen'faja. Nane Na'su que'i Chiga tsu que'ima catimbe'yi que'i'ccu fae'ngae iyiccoya.”

Deuteronomio 31:6 ပူးပေါင်းရင်းမြစ်များ

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

1 Reyes 6:13

Toya'caen gi israel aindeccui'ccu can'jemba tise'pama catiya'bi. Nane ña in'jan'cho aindeccu tsu.”

1 Reyes 8:57

“Tsa'cansi ja'ño gi in'jan'fa cuintsu Na'su ingi Chiga ingi tayopi'su antiandeccui'ccu can'jenqquia'caen ingi'ccu can'jeñe. In'jambi gi tise ingima joqquitssiamba catiye.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Jeremías 1:8

Majameñi'qque dyojojama. Nane ñajan quei'ccu gi can'jeña quema coira'jeye. Ñajan Na'su gi, tansintsse afa'su.”

Jeremías 32:40

Toya'caen tise'pai'ccu gi tsangae fae'ngae injancco'fa'chove afaya. Ñoa'metsse su'choi'ccu gi tise'panga qquen condaya: Anttembe'yi gi tise'panga ñotsse tsomba in'jaeña cuintsu anttembe'yi ñame in'jamba paña'faye.

Números 13:20

¿Sho'yoqque'su ande ti?–tsambi'ta, ¿ega ande? ¿Quini'cco'qque ti jin?–tsambi'ta, ¿me'in? Dyombe'yi japa jongoesu tetacho tseni jinchoma ñani i'faja. Ofa tsaja naite tsu Moisésja tsa'caen a'ima manda.

Números 13:9

Benjamín aindeccu'su Palti, Rafú dutssi'ye;

Números 14:9

¡Tsa'ma Na'su Chigama pañambiqquia'caen tson'fajama ni tsa ande'su aindeccuma dyo'fajama! Nane tsendeccumanda gi panma anqquia'caen patsu'faya. Toya'caen majan tise'pama fuiteya'chove me'i'on tsu. Tsa'ma ingimajan Na'su Chiga tsu fuiteya. Tsa'cansi —¡Dyo'fajama!

Lucas 12:32

Que'i qui ña in'jan'cho ovejandeccu. Re'ricco'fa qui. Tsa'ma dyombe can'faja. Chiga que'i Quitsave in'jamba Tise in'jan'chove tta'ttasi tsu Tiseja que'ima na'suve tsoña.

1 Corinto'su 16:13

Ñotsse camba in'jan'faja. Antte'fajama Cristove in'jan'choma. Nane coenza a'i in'janqquia'caen dyombi'tsse Na'suve in'jamba canse'faja. Injama'choni quinsetsse canse'faja.

Efeso'su 6:10

Ja'ño faengasundeccu, Na'su Cristoi'ccu fae'ngae jinchosi tise que'ima quiñaensi tise quin'sui'ccu canse'faja.

Deuteronomio 31:7

Tsomba tse'i Moisésja Josuéma ttu'sepa, poiyi'cco israendeccu paña'jen'ni, tisenga qquen su: “Que injama'choma ñoñamba quinse'tsse tsonjan. Nane que qui va aindeccuma angacaña Na'su Chiga tise'pa tayopisundeccu'yenga tansintsse su'choi'ccu afeye qquen su'cho andeni. Queja tise'pama mandasi tsu tsa andema patsupa an'bian'faya.

Deuteronomio 31:8

Na'su que Chigaja quema o'tie japa quei'ccu can'jeña. Tiseja quema catiya'bi ni chi'gaya'bi. Tsa'cansi dyojama ni injansejama.”

2 Timoteoga 2:1

Que, ña dutssi'ye, Na'su Cristo Jesúsi'ccu jinchosi Tise quema ñotsse tsonsi injama'choni quinsetssie daja.

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Canjaen'cho 21:8

Tsa'ma poi dyopa ñama atiensundeccu, poi ñame in'jambindeccu, egave ttattapa tsave in'jan'chondeccu, cca'ima fi'ttisundeccu, poi tsandie, pushesu injanga fae'ngae egae can'jensundeccu, poi coragandeccu, poi ñoña'cho chiga'ca'me in'jan'chondeccu, poi afopoensundeccu'qque tsu asufre si'nge singu'ccunga japa tsangae pa'faya'cho.