Deuteronomio 30:9 - Cofán: Chiga Tevaen'jen

⁹ Que'i tsa'caen tsonsi Na'suja antteya que'i osha'cho tsoña'choma ñotssiave naniñe. Tsain'bio du'shuve atapapa tsain'bio aiña'chove'qque qui atapoen'faya. Toya'caen que'i jomba'cho'qque ñotsse sho'yosi qui injantsse tai'je'faya. Na'su que'i Chiga que'i tayopisundeccu'yenga ñotsse tsomba avujatssiqquia'caen tsu ccase que'inga ñotsse tsomba avujatssiya.

Deuteronomio 30:9 ပူးပေါင်းရင်းမြစ်များ

Isaías 65:19

Ña'qque tsa Jerusalénma attepa avujatssipa gi tseni can'jensundeccuma'qque attepa injama'choni avujaya. Nane tseni ti'tsse ina'jen'choma pañambipa ni ñombi'yepa fundo'je'choma ccase pañaña'bi.

Jeremías 31:27

Na'su Chigaja qquen tansintsse conda: “Jai'ngae gi aindeccuma Israelni Judáni'qque tsain'bitsse atapoemba tise'pa aiña'choma'qque tsain'bitsse atapoeña.

Jeremías 31:28

Nane tise'pa tson'jen'choma gi anttembe'yi caña'jen. Tsa'camba gi tise'pama sai isupa dañoqquia'caen da'ñomba nepian. Tsa'ma tsa'caen tise'pama camba dañoqquia'caen gi tise'pama camba ccase jonqquia'caen ñoñaña. Ña, Na'su Chiga gi que'inga conda.

Jeremías 32:41

Nane avujaya gi tise'panga ñotsse tsoñe. Pa'cco ña in'jan'choi'ccu gi tise'pa va andeni canseya'chove antteya.”

Levítico 26:4

gi unjin tuite unjima moeña cuintsu que'i ande'su jon'cho ñotsse sho'yosi que'i jombachoccu'su quini'cco'qque ñotsse nañe.

Levítico 26:6

Ña que'i andenga tsa'caen tsonsi qui opatsse can'jemba ppimppintsse ana'jen'faya. Nane putsa'su ttesia'can que'i andeni can'jeña'bi ni faesu ande'su sundarondeccu'qque geraeñe ji'faya'bi.

Lucas 15:32

Tsa'ma ja'ñojan ñotssi tsu ingi avujaye. Que quinshinjan tayo paqquia'can tsu ja'ñojan canse. Tsangae nepi'choma gi ccase atte'fa.”

Juan 15:11

Qquen gi que'inga conda cuintsu que'i ña'caen avujatssipa ti'tsse avujatssi'faye.

Deuteronomio 28:63

Na'suja que'ima ñotsse tsomba atapoemba avujatssiqquia'caen tsu que'ima dañomba nepian'an'qque avujatssiya. Nane jon'choma sai isuqquia'caen tsu que'ima que'i can'jeña'cho ande'ye quian'me joqquitssiaña.

Deuteronomio 30:8

Tsa'ma que'ija toequi Na'sunga jipa qui pa'cco ña ja'ño manda'choma pañamba tson'faya.