Deuteronomio 30:3 - Cofán: Chiga Tevaen'jen

³ tsu Na'su que'i Chiga que'ima mende'yepa ñotssiama ccase que'inga afeya. Poi andeni tise que'ima shequian maña'cho ande'ye tsu que'ima ttu'sepa boñaña.

Deuteronomio 30:3 ပူးပေါင်းရင်းမြစ်များ

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Génesis 48:21

Omboe Joséma su: —Que canjan, paye gi tson'jen. Tsa'ma Chiga tsu quei'ccu can'jemba toequi que tayopi'su coenzandeccu'ye canse'cho andeni angaya.

Nehemías 1:9

Tsa'ma tsa'caen asi'ttaen japa ccase ñame in'jamba, ña manda'choma tson'fa'ninda gi mapán ande shaca'choni canjen'fa'ni'qque ccase Jerusaléni iya. Tsa Jerusalén tsu ñoa'me ña in'jamba isu'cho ande.’

Job 42:10

Job tsa'caen tise amigondeccune iñajansi Chigaja Jobnga ñotsse tson. Nane osha'cho tise tayoe an'bianqquia'caen ccase afepa ti'tsse tsa'cantsseyi ccase afe.

Isaías 56:8

Israendeccu'su ccani angapa can'jen'chondeccuma tayo ttu'sepa gi toya faesu cca'tti cca'tti can'jensundeccuma'qque ttu'sepa tise'pai'ccu fae'ngae boñaña.” Tsa'caen tsu Na'suja ñoa'me su.

Jeremías 23:3

Mapán que'i ña ovejandeccuma faesu andeni tteya maña'fa'ni'qque gi enttinge jinchoma ccase ipa boñamba antteya cuintsu tise'pa potreroni can'jemba atapa'faye.

Jeremías 29:14

Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Romanos 11:23

Toya'caen israendeccu ccase Chigave in'jan'ninda Chigaja ccase tsendeccuma in'jaña. Ttembama ccase quini'cconga setsaenqquia'caen Chigaja osha qque'chondeccuma ccase in'jañe.

Romanos 11:26

poiyi'cco israendeccu'qque ccusha'faya. Nane Chiga Tevaen'jen tsu su: Ccushaen'suja Zión canqqueni jiya. Jipa Jacob aindeccu egae jincho'choma ccuchaya.

Romanos 11:31

Tsa'caen tsendeccu ja'ño Chigama pañambipa qque'fasi Chigaja que'ima in'jamba ccushaenqquia'caen tsu tise'pama'qque ccushaeña.