Deuteronomio 30:20 - Cofán: Chiga Tevaen'jen

²⁰ Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Deuteronomio 30:20 ပူးပေါင်းရင်းမြစ်များ

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Salmos 37:3

Tsa'ma osha'choma Na'sunga anttepa ñotsse tsonjan va andeni opatsse can'jemba ñotssiama isuye.

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 17:3

Yaya, que qui ñoa'me Chiga. Faesuveja me'i'on tsu. Ña gi Jesús que moen'cho Cristo. Majan ingima cachuipa in'jan'da tsu ñoa'me tsangae canseya.

Tson'fa'cho 11:23

Antioquíani japa Bernabéja Chiga tsenisundeccunga ñotsse tson'choma attepa avuja. Tsa'caen avujapa poiyi'cconga candusian cuintsu anttembe'yi Na'suve tansintsse in'jamba canse'faye.

Tson'fa'cho 17:25

Tiseja osha'choma oshachosi a'ija Tisema fuiteye osha'fambi. Nane Tiseja osha'choma inginga afe'su tsu, ingi canse'pa, ingi qquendya'pama'qque.

Tson'fa'cho 17:28

Nane Chiga'ye gi oyapa jacamba canse'fa. Majan que'i Atenasumbe settapoen'bama tevaensundeccuja qquen su'fa: “Ñoa'me gi ingija Chiga dushundeccu'fa.”

Romanos 12:9

Afopoembe'yi tisupapora ñotsse injancco'faja. Osha'cho egama chi'gapa osha'cho ñotssiama in'jan'faja.

Galacia'su 2:20

Cristoi'ccu gi fae'ngae avuja'cconga otiyepa paqquia'caen pa. Tsa'camba ñajan ja'ño cansembisi, Cristo tsu ñani canse. Tsa'ma ñajan toya ai'vopa can'jen'ma Chiga Dutssi'yeve in'jamba gi ñoa'me canse. Tiseja ñama in'jamba tisuma afe ñama ccushaeñe.

Deuteronomio 30:16

Nane ña ja'ño que'inga conda'choma pañamba Na'su que'i Chigama ñotsse in'jamba tisei'ccu jacanqquia'caen omboemba tise manda'choma tise su'choma'qque pañamba tson'da qui bo'tsse cansepa tsain'bio du'shuve atapa'faya. Toya'caen tsu Na'su que'i Chiga que'ima ñotsse tsoña que'i can'jeña'cho andeni can'jensi.

Deuteronomio 30:6

Tise que'i'ccu injancco'fa'choma tsu que'i injama'chonga tevaemba que'i dutssiyendeccu injama'chonga'qque tevaeña cuintsu pa'cco injama'cho, pa'cco canse'pai'ccu tisema in'jan'faye. Tsa'caen in'jamba tsu ñotsse canse'faya.

Deuteronomio 31:1

Ccase Moisés israendeccuma condapa qquen su:

Deuteronomio 6:2

Tsa'caen tson'jemba qui que'i dushundeccui'ccu Chiga que'i Na'suma ñotsse tson'faya. Poi a'ta, poi canqque'fa tsa'caen canse'fasi tsu Na'suja antteya que'i tsain'bitssi canqque'fave canse'faye.

Deuteronomio 6:5

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Josué 23:11

Tise tsa'caen tsonsi, injan'jeñi tisu injama'choma ñotsse ñoñamba Na'su que'i Chigama ñotsse in'jan'faja.

Josué 23:8

Nane que'i ja'ñopan tsonqquia'caen anttembe'yi Na'su que'i Chigama in'jan'faja.

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Canjaen'cho 22:1

Tsonsi sefacconi'su shondo'suja na'ema ñanga canjaen. Tsaja cansiaña'cho tsa'ccu tsu. Canccoa'caen veyaratssia've tsu ai'je. Chiga dyaipa'cho'ye, tsa Oveja dyaipa'cho'ye sombopa

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.