Deuteronomio 30:16 - Cofán: Chiga Tevaen'jen

¹⁶ Nane ña ja'ño que'inga conda'choma pañamba Na'su que'i Chigama ñotsse in'jamba tisei'ccu jacanqquia'caen omboemba tise manda'choma tise su'choma'qque pañamba tson'da qui bo'tsse cansepa tsain'bio du'shuve atapa'faya. Toya'caen tsu Na'su que'i Chiga que'ima ñotsse tsoña que'i can'jeña'cho andeni can'jensi.

Deuteronomio 30:16 ပူးပေါင်းရင်းမြစ်များ

1 Reyes 3:3

Salomónjan Na'su Chigama ñotsse in'jamba pa'ccoma tise yaya David'ye mandaqquia'caeñi in'jamba tsa'caen manda'je. Tsa'can'ma ccotta'cco'su Chiganga afe'je'ttinga japa afe'choma Chiganga afepa ñome'bama'qque oque oraen.

Proverbios 3:1

Ña du'shu, ña quema atesian'choma aqque'pajama. Ña manda'choma'qque ñotsse injan'jenjan.

Isaías 1:19

Que'i in'jamba ñama paña'da qui osha'cho va ande'su ñotssiama an'faya.

Juan 14:21

Majan ña manda'choma pañamba canse'ta ñama tsu ñotsse in'jan. Majan ña manda'choma pañamba canse'ta ñama tsu ñotsse in'jan. Majan tsa'caen ñama ñotsse in'jan'ninda ña Quitsa'qque tsama ñotsse in'jaña. Ña'qque tisema ñotsse in'jamba tisuma attiaña Tisenga.

1 Corinto'su 7:19

Nane chhiyitevaen'choja barembi. Toya'caen chhiyitevaembi'choa'qque barembi. Tsa'ma Chigaja in'jan tise aindeccuja Tise manda'choma pañamba tsa'caen canse'faye.

Deuteronomio 30:17

Tsa'ma osha'choma chi'gapa pañambipa ccaningae daqquia'caen faesu chigandeccunga ccarupa iñajan'da

Deuteronomio 30:19

Sefacco, ande jin'ni gi ja'ño ñoa'metsse que'inga conda cuintsu que'i majame in'jan'da tsama isu'faye: canseya'cho tsambi'ta paya'choma isuye, toya'caen Na'su inginga ñotsse tsoñe tsambi'ta ingima egae tsoñe. Tsa'cansi canseya'choma isu'faja que'i, que'i dushundeccu'qque canse'faye.

Deuteronomio 30:6

Tise que'i'ccu injancco'fa'choma tsu que'i injama'chonga tevaemba que'i dutssiyendeccu injama'chonga'qque tevaeña cuintsu pa'cco injama'cho, pa'cco canse'pai'ccu tisema in'jan'faye. Tsa'caen in'jamba tsu ñotsse canse'faya.

Deuteronomio 6:5

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Josué 23:11

Tise tsa'caen tsonsi, injan'jeñi tisu injama'choma ñotsse ñoñamba Na'su que'i Chigama ñotsse in'jan'faja.