Deuteronomio 30:1 - Cofán: Chiga Tevaen'jen

¹ “Ñajan que'inga conda osha'cho ñotssia toya'caen osha'cho egae da'choma cuintsu que'i majame in'jan'da tsama tson'faye. Na'su que'i Chiga faesu andeni que'ima shequian mañasi can'jen'da qui tsane asi'ttaen'faya.

Deuteronomio 30:1 ပူးပေါင်းရင်းမြစ်များ

Génesis 4:14

Ja'ño qui ñama tteyamoeña va ande'ye. Biani poiyi'ccoma dyopa ccuyin japa injanga jacan'suve dasi majan ñama atte'ta tsu fi'ttiya. Ni quema gi ccase atteya'bi.

Nehemías 1:9

Tsa'ma tsa'caen asi'ttaen japa ccase ñame in'jamba, ña manda'choma tson'fa'ninda gi mapán ande shaca'choni canjen'fa'ni'qque ccase Jerusaléni iya. Tsa Jerusalén tsu ñoa'me ña in'jamba isu'cho ande.’

Jeremías 29:14

Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Lucas 15:17

Tsonsi chu'aja injama'choni tisuma in'jamba su: “Poiyi'cco ña yayambe semasundeccuja ttepupa tsu can'jen'fa. Nane an antteye'choma'qque aqquia cati'je'fa. Tsa'ma ñajan vani ti'tsse can'jen'da qquipoe'supa paya.

Deuteronomio 28:64

Joqquitssiamba tsu Na'suja que'ima shequian mañaña poi faesu andenga, sefacco já ccutsuni. Tseni can'jemba qui faesu chigandeccuma iñajan'faya. Nane que'i ni que'i tayopisundeccu'ye atesumbi'choa quini'cco toya'caen patuma ñoña'cho chigandeccuma qui iñajan'faya.”

Deuteronomio 30:15

“Que canjan, ja'ño a'ta gi canseya'chove ñotssiama isuya'chone que'inga condapa toya'caen paya'chove egama isuya'chone'qque conda que'i majame in'jan'da tsama isu'faye.

Deuteronomio 30:19

Sefacco, ande jin'ni gi ja'ño ñoa'metsse que'inga conda cuintsu que'i majame in'jan'da tsama isu'faye: canseya'cho tsambi'ta paya'choma isuye, toya'caen Na'su inginga ñotsse tsoñe tsambi'ta ingima egae tsoñe. Tsa'cansi canseya'choma isu'faja que'i, que'i dushundeccu'qque canse'faye.