Deuteronomio 27:26 - Cofán: Chiga Tevaen'jen

²⁶ Majan va manda'choma chi'gapa tsa'caen tsombi'ninda tsu Chigaja iyicca'yepa tsangae qqueñaña.” Tsonsi poiyi'cco israendeccu tsama pañamba su'fa: “Ju, tsa'can tsu.”

Deuteronomio 27:26 ပူးပေါင်းရင်းမြစ်များ

2 Reyes 22:13

—Japa ñane Na'su Chigama iñajamba poi Judá'su aindeccune'qque iñajan'faja. Nane va atte'cho tevaen'jema camba gi in'jan Na'su Chiga ingima ñoa'me iyicca'ye'choma. Ingima tayopisundeccu va manda'choma pañambi'fa. Pañambipa va manda'cho tevaen'jema mandaqquia'caen tson'fambi.

Mateo 25:41

Tsomba tsu na'suja tise pavefani ccutsu'chondeccuma suya: “Ña'ñe joqquitssipa si'nge anchanda'je'chonga tsangae ja'faja. Cocoya na'sune tisema shondosundeccune'qque tsu si'nge anchanda'je'chove tayo ñoña. Tsama Chiga que'ima'qque chi'gasi tseni japa tsangae can'jen'faja.

Romanos 10:5

Manda'choi'ccu ño'ame daya'chone Moisésja qquen tevaen: “Majan a'i pa'cco manda'choma pañamba tson'da, tsa tsu canseya.”

1 Corinto'su 16:22

Majan a'i Na'su Jesúsma ñotsse in'jambi'ta cuintsu tise'paja tsangae catiyepa pa'faja. ¡Na'su Jesús tsu jiya!

2 Corinto'su 3:9

Nane tseyi Chiga a'i'ccu injancco'fa'choja a'tatssiasi a'i tsama pañamba egae tsincomba pa'fa. Tsa'ma omboe Chiga a'i'ccu injancco'fa'choja a'ima ño'ame tsomba tsaja ñoa'me ti'tsse a'tatssia.

Galacia'su 3:10

Nane poiyi'cco majan manda'choma pañamba ccushaye qquen in'jan'chondeccu tsu ñoa'me tsangae qque'faya. Tayo tsu tevaen qquen su'choma: “Majan va manda'choma pañamba pa'ccoma tsombi'ta ñoa'me tsu tsangae qque'faya.”