Deuteronomio 21:22 - Cofán: Chiga Tevaen'jen

²² A'i ñoa'me egae tsinconsi fi'ttipa quini'cconga anga dusiañe manda'a'qque

Deuteronomio 21:22 ပူးပေါင်းရင်းမြစ်များ

Génesis 40:19

Tres a'ta pasasi quene injanjangipa na'su faraónjan mandasi quema quini'cconga fi'ttiya. Fi'ttisi chhiriria que ai'voma an'faya.

Números 25:4

Moisésnga qquen su: —Poiyi'cco va aindeccu nasundeccuma boñamba fi'ttipa ñoa'me a'tatsse canjaen'faja ña caña'jen'ni. Attepa gi ña tise'pama iyicca'ye'choma ñoquiya.

Mateo 26:66

¿Mingae gi tson'faya? Tsonsi poiyi'cco tsu su'fa: —Tisema fi'ttiya'chove tsu shacaen.

Marcos 14:64

Que'i'qque qui tayo paña'fa tise Chigane egae su'choma. ¿Jongoe qquen qui in'jan'fa? Tsonsi poiyi'cco Jesúsma fi'ttiye qquen su'fa.

Lucas 23:33

“Tsove tsu'tta” qquen su'cho ccotta'cconga napipa tse'ttinga Jesúsma avuja'cconga otipa ccutsian'fa. Tsa dos egae tsinconsundeccuma'qque faesu avuja'cconga otipa ccutsian'fa fa'emajan Jesús tansinfanga, faesumajan Jesús pavefanga.

Tson'fa'cho 23:29

Tseni gi in'jan israendeccu manda'chone tiseja ccaningae afasi nasundeccuja tisema egae afa'fa. Tsa'ma fi'ttiya'cho, ni piccoya'cho shacave attian'fambi.

Tson'fa'cho 25:11

Ñanda egae tsincomba ñoa'me paye jincho'choecan'da dyojombi gi paye. Tsa'ma tise'pa ña egae tsincon qquen afapa aqquia afopoen'fa'ninda oshambi qui ñama tise'panga moeñe. In'jan gi cuintsu César Na'suyi ña tsincon'choma pañamba tsane tansintsse afaye.

Tson'fa'cho 25:25

Tsa'ma attembi gi ma'caen tsincon'chove tisema fi'ttiyeja. Tise'yi César Na'su tise tsincon'choma pañamba tsane tansintsse afaye qquen in'jansi gi tisema na'sunga moeña.

Tson'fa'cho 26:31

cca'ttinga condaseccoye jaja'fa. Japa qquen condasecco'fa: —Va a'ija ma'caen paya'chove ni ma'caen piccoyeya'chove jinchoyembi.

Josué 8:29

Josuéja Hai canqque'su na'suma cose'tsse quini'cconga tandan dusiamba fi'tti. Sime tayo chiga amppisi manda cuintsu tsa ai'voma andiamba canqque'su sombo'tti jin'ttinga ttova cati'faye, toya'caen tise ombanga cuintsu tsain'bitssi patuve boña'faye. Tsa'qque tsu ja'ño a'tapan toya jincho.