Deuteronomio 2:30 - Cofán: Chiga Tevaen'jen

³⁰ Tsa'caen iñajansi tsu na'su Sehónjan se'pi ingi tise andengae pashañe. Nane Na'su que'i Chiga tsu tisema in'jaen cuintsu tsa'caen ñoa'me se'pisi que'ija tisema geraemba patsu'faye. (Nane tsa'caen tsu Na'su Chigaja tayo tson.)

Deuteronomio 2:30 ပူးပေါင်းရင်းမြစ်များ

1 Reyes 12:15

Na'su Chiga tsa'caen anttesi tsu na'su Roboamjan aindeccu su'choma in'jambi, cuintsu Na'su Chiga tayoe Jeroboamnga suqquia'caen somboye. Nane tayo tsu Chiga aya'fama afa'su Ahías tsa'caen Jeroboamnga conda, tsa Silo canqque'su Nabat dutssi'yenga.

Éxodo 11:10

Moisés toya'caen Aarón osha'cho canjaen'choma faraónga tsa'caen canjaen'fa'ni'qque Na'su Chiga tisema in'jaensi iyicca'yepa se'pipa israendeccu Egipto ande'ye somboya'chove anttembi.

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 7:14

Omboe Na'su Chigaja Moisésnga su: —Faraónda tsu ñoa'me iyicca'yepa se'pi cuintsu israendeccu sombombe'yi can'faye.

Números 21:23

Tsa'ma Sehónjan israendeccuma tise ande'ye panshañe se'pi. Tsa'caen se'pipa poiyi'cco tise aindeccuma ipa a'i menia ji israendeccuma cachuiye. Tsa'caen jipa Jahazani nepipa iyiccoye ashaen.

Números 21:33

Tteya moemba omboe Basán canqqueni ja'jengae ja'fa. Tsa'ma Og, Basán canqque na'suja tise sundarondeccui'ccu sombopa Edreini israendeccuma cachuipa iyiccoye ashaen.

Números 21:34

Tsonsi Na'su Chiga Moisésnga su: “Dyombe can'faja, ña gi que'ima fuiteya cuintsu que'i tsendeccuma patsuye. Nane ña fuitesi qui pa'cco tise sundarondeccu, tise andema, amorreondeccu na'su Sehón can'jen'cho Hesbón canqquema tsonqquia'caen tson'faya.”

Deuteronomio 2:31

Tsonsi Na'su Chigaja ñama su: “Ja'ño gi ashaen na'su Sehón, pa'cco tise andema'qque quenga afeye. Japa tise andenga ca'nimba pa'ccoma patsupa itsa'faja.”