Deuteronomio 2:25 - Cofán: Chiga Tevaen'jen

²⁵ Ja'ño a'ta tsu poiyi'cco tsa ande'su aindeccu que'ima ñoa'me dyojoye ashaen'faya. Nane que'ine jongoesuma paña'da tsu ttun'dundu'je'e dyojo'faya. Toya'caen que'ine asi'ttaen'da tsu ñotsse in'jambitsse da'faya.”

Deuteronomio 2:25 ပူးပေါင်းရင်းမြစ်များ

Génesis 35:5

Tsa'caen a'tupa tsa canqque'ye sombo'fasi Chigaja poiyi'cco tse'tti pporotsse canjensundeccuma dyo'faya'chove in'jaen cuintsu Jacob dushundeccuma mandiambe can'faye.

Salmos 105:38

Egiptondeccuja israendeccuma dyopa avujatsse tise'pama can moe'fa.

Éxodo 23:27

“Nane ña gi tsoña cuintsu poiyi'cco cca'isundeccuja ña que'i'ccu can'jen qquen in'jamba dyojo'faye. Toya'caen mani'su aindeccunga que'i ja'fa'nijan tise'pa injama'choma gi qqueñaña cuintsu que'ima attepa ccuya'faye.

Números 22:3

Toya'caen Moab aindeccuja ñoa'me dyo'fa israendeccu tsain'bitssi'fasi attepa.

Josué 9:24

Pañamba Josuénga su'fa: —Que'ima shondosundeccu gi a'tatsse paña'fa ma'caen Na'su que'i Chiga tisema shondo'su Moisésma manda cuintsu anttembe pa'cco va ande'su aindeccuma fitti'tti sefaemba pa'cco va andema tisumbe isuye. Tsa'caen paña'jemba gi paye dyojopa tsa'caen afopoen'fa tisupama ccushaeñe.

Canjaen'cho 3:9

Majan a'ija Satanane atesian'jen'ttisundeccu can'jen'fa. “Israendeccu gi” qquen supa ñoa'me israendeccumbipa aqquia tsu afopoen'fa. Ña gi tise'pama que tsutteccofanga ipa ccuiñaña. Tsa'caen tise'pama patsupa ccuiñasi tsu ña quema in'jan'choma in'jan'faya.