Daniel 6:22 - Cofán: Chiga Tevaen'jen

²² Ña Chiga tsu tisema sefacconi'su shondo'suma ñani moe cuintsu ñama mingae tson'fasa'ne ttesi aya'fama piccoye. Nane Chigata tsu atesu ñajan ño'an a'ive, toya'caen ñajan mingae Que Ti'tsse'tssiama egae tsincombi'choa've.

Daniel 6:22 ပူးပေါင်းရင်းမြစ်များ

Génesis 40:15

Nane ñajan hebreo ande'suma cca'namba vani ipa ña mingae egae tsincoma'caen piccopa an'bian'fa.

Salmos 118:28

Na'su, queja ña Chigasi gi queja ti'tsse'tssia qquen ñotsse afaya. Que ñama ñotsse tson'jensi gi quema avujatsse afa'jeya.

Salmos 34:7

Nane Na'suma sefacconi'su shondo'suja Na'suma pañasundeccuma ttupa ccushaen.

Daniel 3:28

Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 6:20

Tayo pporotsse japa na'suja ñoa'me ñombi'ye'cho aya'fai'ccu Danielma qquen afa: —Daniel, Cansian Chigama shondo'su, ¿que Chiga, tsa que ñoa'me in'jamba tsain'bitsse shondocan'chota ti ttesindeccu'ye quema ccushaeñe osha?

Daniel 6:23

Tsonsi na'suja avujapa manda cuintsu Danielma tsa chango'ye somboen'faye. Somboemba camba ni fae fuchha'ttiveyi'qque atte'fambi tise Chigama in'jansi tisema mende'yepa ccushaensi.

Daniel 6:4

Tsama in'jansi tsu fae'ngae presidentendeccu, toya'caen governadorondeccu'qque ma'caen tsomba tise egae tson'choma attepa na'sunga tsesuma egae tsomba shacaen qquen suye in'jamba tta'tta'fa. Tsa'ma Danielja ñoa'me ñotssia a'isi jongoesu shacama atte'fambi. Tsa'camba osha'fambi jongoesu tson'choi'ccu tisenga shacave tsoñe.

Daniel 6:7

Poiyi'cco que mandasi na'suve da'chondeccu gi bopa in'jan'fa cuintsu que tevaen'jema tevaemba poiyi'cco a'inga que manda'chove canjaeñe: Cuintsu treinta a'tave majañi'qque jongoesu chigama ni a'ima iñajambe'yi jo'su Que Ti'tsse'tssia'veyi iñajan'jen'faye. Nane majan tsa'caen tsombi'ta tsu ttesi changonga ttova catiyeya'cho.

Miqueas 7:7

Tsa'ma ñajan Na'su Chigave in'jamba gi ronda'jeya. Tise ñama pañasi gi ccushaen'su qquen tisema in'jamba canseya.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.

Mateo 27:46

Tayo ondusesi Jesúsja fundondo'e afapa su: —Elí, Elí, ¿lema sabactani? —qquen tsu su: Ña Chiga, ña Chiga, ¿jongoesie qui ñama cati'je?

Tson'fa'cho 12:11

Tsa'caen tisema catipa jasi Pedroja ñoa'me in'jamba su: —Ja'ño gi in'jan ñoa'me tsu na'su Chiga Quitsaja Tisema sefacconi'su shondo'suma mandamoemba ñama ccushaen Herodes tsoña'cho'ye toya'caen israendeccu in'jamba ronda'je'cho'ye'qque.

Tson'fa'cho 24:16

Tsa'caen in'jamba gi ma'caen osha'ta ñotsse canse, Chiga caña'jen'ni, toya'caen aindeccu caña'jen'ni'qque.

Tson'fa'cho 27:23

Ña gi Chiga Quitsama shondo'su. Tsaja ña na'su tsu. Nane ja'ño cose tsu Tisema sefani'su shondo'su ñanga catse ccutsupa

2 Corinto'su 1:12

Qquen in'jamba gi dyombi'tsse su: Injama'cho tsosipie gi in'jan'fa ñotsse gi tson'jen'fa va andeni can'jemba. Nane Chiga caña'jensi gi Tise in'janqquia'caen in'jamba tansintsse canse'fa. Va ande'su a'i ñotsse in'jan'cho angacambisi tsu Chiga ingima fuitepa angacansi gi ñotsse tson'fa. Nane ñoa'me que'i'ccu can'jensi Chiga ingima angacansi gi tsa'caen canse'fa.

2 Timoteoga 4:17

Tsa'ma Na'su Jesús ñai'ccu can'jemba tsu ñama quiñaen. Quiñaensi gi a'tatsse pa'cco Jesucristone ñotsse condase'choma conda. Condasesi tsu poiyi'cco israembindeqquia'su nasundeccu'qque paña'fa. Tsa'caen tsu Na'su Jesúsja fi'ttiya'chone ñama ccushaen ttesinga cati'je'fa'choma ccushaenqquia'caen.

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Hebreo'su 11:33

Nane tsendeccuja Chigave in'jamba faesu andesundeccuma patsu'fa. Na'suve dapa israendeccuma ñotsse manda'fa. Chiga tise'pama ñotsse tsoña'choma pañamba in'jan'fa. In'jansi Chigaja tsa'caen tise'pama ñotsse tson. Cca'indeccu tise'pama fi'ttiye ttesinga ttova cati'fasi Chigaja ttesi aya'fama picco tise'pama ansa'ne.

1 Samuel 17:37

Na'su Chigaja ttesi toya'caen oncomari'ye ñama ccushaen fi'ttipa ansa'ne. Tsa'caeñi tsu ñama ccushaeña va filisteo'ye. Tsonsi Saúlja su: —Ñotssi tsu. Na'su Chiga quei'ccu jasi japa fi'ttija.