Daniel 6:16 - Cofán: Chiga Tevaen'jen

¹⁶ Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Daniel 6:16 ပူးပေါင်းရင်းမြစ်များ

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Jeremías 26:14

Tsa'ma ñama tayo indi'ta cuintsu que'i in'janqquia'caen tson'faja.

Jeremías 38:5

Tsonsi na'su Sedequíasja su: —Ñotssi tsu. Que'i in'janqquia'caen tisema tson'faja. Ñajan que'ima se'piye oshambi.

Jeremías 38:6

Tsonsi Jeremíasma indipa na'su dutssi'ye Malquías tsa'ccuma boña'jen'chonga o'fai'ccu andian cati'fa. Tsa'ccu tayo sambasi aqquia tssipaccungayi andian cati'fa. Tsa boña'jen'cho chango tsu na'sumbe sundarondeccu atandunduni jincho.

Daniel 3:15

¿In'jan'fambi ti qui ma'caen osha'cho jenqque'suma jeña'fasi junde ña mandasi corima ñoña'chonga ccarupa tsanga iñajaña'choma? Tsa'caen tsombi'ta qui ja'ñoñi oshacho'choma oque'jeye ñoñaccu'su si'nge anchanda'je'chonga ttova caniange'faya. Tsonsita ¿Jongoesu chiga tsu que'ima ccushaen'me'se?

Daniel 3:17

Ingi Chiga, tsa ingi iñajan'jen'cho, tsu osha'choma oque'jeccu'su si'ngeye ccushaemba Que Ti'tsse'tssia ma'caen egae tsoñe injan'cho'ye'qque ingima ccushaeña.

Daniel 3:28

Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 6:20

Tayo pporotsse japa na'suja ñoa'me ñombi'ye'cho aya'fai'ccu Danielma qquen afa: —Daniel, Cansian Chigama shondo'su, ¿que Chiga, tsa que ñoa'me in'jamba tsain'bitsse shondocan'chota ti ttesindeccu'ye quema ccushaeñe osha?

Daniel 6:7

Poiyi'cco que mandasi na'suve da'chondeccu gi bopa in'jan'fa cuintsu que tevaen'jema tevaemba poiyi'cco a'inga que manda'chove canjaeñe: Cuintsu treinta a'tave majañi'qque jongoesu chigama ni a'ima iñajambe'yi jo'su Que Ti'tsse'tssia'veyi iñajan'jen'faye. Nane majan tsa'caen tsombi'ta tsu ttesi changonga ttova catiyeya'cho.

Tson'fa'cho 24:27

Nane dos canqque'fa tsa'caen pasasi Félix na'suve da'cho nanisi faesu a'i, Porcio Festo, tsu governarorve da. Israendeccu tiseja ño'a qquen in'jan'faye in'jamba Félixja Pabloma toyayi picco antte.

Tson'fa'cho 25:11

Ñanda egae tsincomba ñoa'me paye jincho'choecan'da dyojombi gi paye. Tsa'ma tise'pa ña egae tsincon qquen afapa aqquia afopoen'fa'ninda oshambi qui ñama tise'panga moeñe. In'jan gi cuintsu César Na'suyi ña tsincon'choma pañamba tsane tansintsse afaye.

Tson'fa'cho 25:9

Tsa'ma Festoja israendeccu tiseja ño'a qquen in'jan'faye in'jamba Pabloma iñajampaña: —¿In'jan ti qui Jerusaléni japa tseni ccutsupa ñanga afaye israendeccu queja egae tsincon qquen su'chone?

Romanos 13:3

Quini'ccopandeqquiaja ñotsse tsonsundeccuma dyoñañe can'jen'fambi. Tsa'ma egae tsinconsundeccuma dyoñañe tsu can'jen'fa. ¿Goviernoma dyojombe can'jeñe'da ti qui in'jan'fa? Ñotsse canse'faja. Tsa'caen cansesi tsu goviernojan que'ima ñotsse afaya.

2 Corinto'su 1:10

Ñoa'me paye tson'jen'choma tsu Chigaja ingima ccushaen. Toya tsu Tiseja ingima ccushaen'jen. Tsangae tsu Tiseja ingima ccushaeña. Qquen in'jamba gi canse'fa.