Daniel 5:13 - Cofán: Chiga Tevaen'jen

¹³ Tsonsi Daniel na'suni i'fasi na'suja tisema iñajampaña: —¿Que ti qui Daniel, tsa Judea andema ña yayaccashe'ye Nabucodonosor'ye patsupa indipa i'chondeccu'su?

Daniel 5:13 ပူးပေါင်းရင်းမြစ်များ

Esdras 4:1

Judá, Benjamín aindeccu'qque tsa'caen Babiloniane toequi jipa ccase Na'su tsa Israel Chigambe ettive tsaoña'jen'fa'choma tise'pa enemigondeccuja paña'fa.

Esdras 6:16

Nani'fasi israendeccu, Chigama afasundeccu, levítandeccu toya'caen faesu Babiloniani anga'fasi can'jemba ji'chondeccu avujatsse fiestaen'fa Chiga ettive tsaoña'jen'choma nani'fa'chone.

Daniel 1:1

Joacim Judá na'suve dapa tres canqque'fave Judáma manda'je'ni Babilonia'su na'su Nabucodonosor tise sundarondeccui'ccu Jerusaléni jipa pa'cco Jerusalén canqquema ttu.

Daniel 1:2

Tsonsi Na'su Chigaja antte cuintsu Nabucodonosor Joacimma patsupa osha'cho Chiga etti'su tasa, apisho'ttoma'qque isupa angaye. Tsa'caen Na'su Chiga anttesi Nabucodonosorja patsupa aindeccuma'qque indipa Babiloniani anga. Toya'caen osha'cho Chiga etti'su tasa, apisho'ttoma'qque angapa tise chigandeccu ettinga boña.

Daniel 1:21

Danielja tse'ttini can'jen Ciro na'suve dapa mandaya'ngae.

Daniel 1:6

Tsa dusungandeccui'ccu tsu can'jen'fa Daniel, Ananías, Misael toya'caen Azarías. Tsendeccuta tsu Judá aindeccu.

Daniel 2:25

Tsa'caen susi jundeyi Ariocja Danielma na'su Nabucodonosornga angapa na'sunga su: —Atte gi judá'sundeccu indiyepa ji'cho'su fae'cco tsu que ayo'ochoma condapa, jongoesune Que Ti'tsse'tssia tsa'caen ayo'ochoma condaye osha.

Daniel 2:48

Tsa'caen supa omboe Danielma ti'tsse joccapitssia've tsomba osha'cho ñotssiama afe. Toya'caen Babilonia'su provinciambe na'suve tisema ca'niamba poi tsa ande'su atesu'chondeccumbe ti'tsse joccapitssia na'suve tson.

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Daniel 5:14

Nane paña gi queni Chiga Qquendya'pa can'jemba in'jaensi queja osha'choma a'tatsse in'jamba ñoa'me injama'pa, toya'caen atesu'cho qquen.

Daniel 5:18

“Nane joccapitssia Chiga tsu na'suve tsomba osha'cho jincho'cho ñocca'tssiama, toya'caen ti'tsse'tssia'ma Que Ti'tsse'tssiambe yayaccashe'ye Nabucodonosor'yenga afe.

Daniel 5:2

Tsa'caen avujatsse vinoma cui'jepa ccusipa na'su Belsasarja in'jan tise yayaccashe'ye Nabucodonosor'ye Jerusaléni'su Chiga etti'su cori tasa toya'caen totoacori tasama i'choma. Tsa'caen in'jamba manda cuintsu tsa tasama i'ngapa tiseni i'faye. I'fasi tsesu tasanga na'su, tise pushendeccu, tise ambian'chondeccu, toya'caen poiyi'cco tsa fiestani canjensundeccu'qque cui'je'fa.

Daniel 6:13

Tsa'caen susi pañamba tsendeccuja ti'tsse afapa qquen su'fa: —Tsa Judá'suma indipa i'cho, Daniel, tsu Que Ti'tsse'tssiama ni va que tevaemba manda'choma pañambi. Nane tayo gi atte'fa tiseja fae a'ta tres se tsu tise Chigama iñajan'jen.

Juan 7:1

Tsomba tse'i Jesúsja Galileani jacan. Nane Judea'su israendeccu tisema fi'ttiye in'jan'fasi Judeani jacañe in'jambi.

Juan 7:3

tise quinshingendeccu'qque su'fa: —Shandajama va'ttinga. Tsa'ma Judeani jaja cuintsu tseni canjen'su quema shondosundeccu'qque que tson'choma atte'faye.