Daniel 5:12 - Cofán: Chiga Tevaen'jen

¹² Tsa tsu Daniel. Tsama tsu que yayaccashe'ye na'suiteja Beltsasar qquen inisian. Tsani tsu Chiga Qquendya'pa can'jemba in'jaensi ñoa'me injama'pa've dapa osha'choma pañamba in'jañe atesu. Toya'caen jongoesune ayo'ocho ma'caen in'jamba conda'masia'ma'qque condaye osha. Ma'caen tise conda'ninda tsa'caen tsu daya. Tsa Danielma ttu'seja, Ti'tsse'tssia. Tsa tsu va ttuccu utufanga tevaen'choma camba jongoesu qquen su'choma condaye osha.

Daniel 5:12 ပူးပေါင်းရင်းမြစ်များ

Salmos 16:3

Queve in'jamba ño'andeccu va andeni can'jensi gi attepa tise'pa ñotssiave tsonsi tise'pai'ccu avujatssi.

Daniel 1:17

Tsa cuatro dusungandeccunga tsu Chigaja antte cuintsu ñotsse in'jamba pañamba pa'cco tevaen'jeni jinchoma toya'caen pa'cco atesu'choma'qque atesu'faya'chove. Danielja jongoesuma attian'cho, toya'caen jongoesune ayo'ochoma'qque atesu'chove da.

Daniel 1:7

Tsesu inisendeccuma tsu na'su tsa'oma coira'suja ccaningae ini'sian: Danielmajan Beltsasar; Ananíasmajan Sadrac; Misaelmajan Mesac; toya'caen Azaríasmajan Abednegove.

Daniel 2:26

Tsa'caen susi pañamba na'suja Danielma su: —¿Ñoa'me ti qui su? ¿Osha ti qui ma'caen ña ayo'ochoma condapa, toya'caen jongoesune ña tsa'caen ayo'ochoma condaye?

Daniel 4:19

“Tsa'caen susi pañamba Daniel, tsa Beltsasar qquen inisecho'choja, jongoesune ayo'ochoma tayo in'jamba dyopa asi'ttaen ccutsu. Tsonsi gi ña, na'suja, tisema su: ‘Beltsasar, ña ayo'ochone, toya'caen condaya'chone panshaen asi'ttaenjama.’ Ña tsa'caen susi tsu Beltsasarja qquen su: ‘Ay, tsa Que Ti'tsse'tssiambe ayo'ocho te ma'caen'qque que enemigonga tsa'caen daye'can.

Daniel 4:8

Osefa'poe tsu Daniel, tsa Beltsasar'qque ña chigandeccune ñotssiave inisian'choaja ji. Tsama tsu ñoa'me joccapitssia Chiga Qquendya'paja angacan. Tise jisi gi ña ayo'ochoma condaseye ashaemba qquen su:

Daniel 5:14

Nane paña gi queni Chiga Qquendya'pa can'jemba in'jaensi queja osha'choma a'tatsse in'jamba ñoa'me injama'pa, toya'caen atesu'cho qquen.

Daniel 5:16

Nane queja osha'cho aiye'pa atesupa conda'masia'ma'qque condaye osha qquen gi paña. Ja'ño que oshapa va su'choma camba jongoesu qquen su'choma ñanga conda'ninda gi na'sumbe cu'a sarupa ondiccu'jema ondiqquiamba que tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Daniel 6:3

tsa tisei'ccu fae'ngae presidentendeccuma ti'tsse injama'pa. Tsa'cansi tsu na'suja in'jan Danielma poiyi'cco nasundeccuma ti'tsse'tssia've tsoñe.

Daniel 6:4

Tsama in'jansi tsu fae'ngae presidentendeccu, toya'caen governadorondeccu'qque ma'caen tsomba tise egae tson'choma attepa na'sunga tsesuma egae tsomba shacaen qquen suye in'jamba tta'tta'fa. Tsa'ma Danielja ñoa'me ñotssia a'isi jongoesu shacama atte'fambi. Tsa'camba osha'fambi jongoesu tson'choi'ccu tisenga shacave tsoñe.

Colosa'su 1:29

Chiga ñama ñoa'me in'jaensi gi pa'cco ña quin'sui'ccu tsane sema'jen.