Daniel 5:11 - Cofán: Chiga Tevaen'jen

¹¹ Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Daniel 5:11 ပူးပေါင်းရင်းမြစ်များ

Génesis 41:38

Tsa'camba faraónjan su: —¿Osha'fa ti gi faesu tsandie qquen Chiga Qquendya'pama an'bian'chove atteye?

Daniel 1:4

majan ñotssipa, giya'tssipa, injama'pa, ñotsse pañaña'cho, pa'ccoma atesu'chondeccuma isi na'su ettini shondo'je'faye. Tsendeccunga tsu Babilonia'su aya'fama toya'caen tise'pa tayopi'su condase'choma'qque atesiaña'cho.

Daniel 2:11

Ti'tsse'tssia na'su, ñoa'me aiye'pave qui iñajan ni majañi'qque condaye osha'masia've ñoa'me chigandeccuma iñajanqquia'caen. Tsa'ma tsendeccuja a'ini can'jen'fambi.

Daniel 2:22

Tsa tsu ñoa'me a'tutsse osha'chove su'choan'qque canjaeña. Tisenejan sinttia'su'qque tsu a'tatssi. Nane tiseni tsu a'tatssia'ja jin.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Daniel 4:5

Tsa'ma fae cose anañe ccuipa anamba gi ñoa'me dyo'tssia've ayo'o. Tsa in'jan'cho toya'caen attian'cho tsu ñoa'me ñama dyoña.

Daniel 4:6

Tsa'caen ayo'opa gi manda cuintsu poiyi'cco Babilonia'su atesu'chondeccu ñani jipa jongoesune tsa'caen ña ayo'ochoma ñanga conda'faye.

Daniel 5:14

Nane paña gi queni Chiga Qquendya'pa can'jemba in'jaensi queja osha'choma a'tatsse in'jamba ñoa'me injama'pa, toya'caen atesu'cho qquen.

Daniel 5:7

Omboe fundopa ttu'se cuintsu poiyi'cco Babilonia'su injama'pandeqquia, jai'ngae ma'caen daya'chove atesu'chondeccu, toya'caen o'fema camba ma'caen daya'chove atesu'chondeccu'qque ji'faye. Tsa'caen fundopa qquen su: —Majan a'i va tevaen'choma camba attepa jongoesune su'choma ñanga conda'ninda gi na'sumbe cu'a sarupa ondiccu'jema tisenga ondiqquiamba tise tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Tson'fa'cho 12:22

Tsa'caen candusiansi aindeccuja fundoye ashaen'fa: —¡Va afa'suja a'imbi tsu! ¡Ñoa'me chiga!

Tson'fa'cho 14:11

Tsa'caen Pablo tsonsi attepa poiyi'cco a'i quia'me afaye ashaen'fa. Qquen tsu tise'pa Licaonia aya'fangae afa'fa: —¡Chigandeccu tsu a'ia'caen attiamba inginga ande'fa!

Tson'fa'cho 16:16

Tsomba fae a'ta ingija Chigama iñajan'jeni jayipa fae chu'a pushesu conda'su cocoya ca'ni'choma cachui'fa. Tsa pushesuja jai'ngae daya'choma condaseye osha. Tsa'caen condasesi tise patróndeccuja ñotsse gana'fa.

Canjaen'cho 3:9

Majan a'ija Satanane atesian'jen'ttisundeccu can'jen'fa. “Israendeccu gi” qquen supa ñoa'me israendeccumbipa aqquia tsu afopoen'fa. Ña gi tise'pama que tsutteccofanga ipa ccuiñaña. Tsa'caen tise'pama patsupa ccuiñasi tsu ña quema in'jan'choma in'jan'faya.