Daniel 4:34 - Cofán: Chiga Tevaen'jen

³⁴ “Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Daniel 4:34 ပူးပေါင်းရင်းမြစ်များ

Job 1:21

su: —Chu'cco gi va andenga isuye. Toya'caen pa'ta gi chu'cco jaya. Na'suyi tsu pa'ccoma ñanga afe. Toya'caen Na'suyi tsu ñama itsa. ¡Ñoa'me ñotssia tsu Na'su Chigaja!

Salmos 10:16

Nane tsangae tsu Na'su Chigaja manda'jeya. ¡In'jambindeqquia tsu tise ande'ye joqquitssiange'faya!

Salmos 102:24

Tsa'cansi gi tisema su: “Ña Chiga, toya ña canseya'cho enttingeni ña canse'ni ñama angajama.” ¡Queja tsangae canse!

Daniel 12:7

Iñajampañasi tsu lino sarupama ondiccucho'choja poifa'su tivema sefaningae yasapa su: ‘Na'su tsangae canse'cho Chigaja tansintsse conda tres canqque'fa faesu enttinge canqque'fa pasasi tsu tsa'caen nepiya. Nane Chiga in'jan'cho aindeccu patsuyepa quin'su me'choe da'fasi tsu pa'cco va tsoña'choja nepiya.’

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Daniel 4:2

In'jan gi que'i'qque ñoa'me ti'tsse joccapitssia Chiga ñanga osha'cho camboeni'tssia've tson'choma pañamba atesu'faye.

Daniel 4:26

Tsa setsa'cho toya'caen setsa'fama toe'ttinga antteye manda'cho tsu canjaen Que Ti'tsse'tssia ccase jai'ngae Chiga ma'caen oshacho'choma atesupa na'suve daya'choma.

Daniel 4:3

Ñoa'me ñocca'tssi tsu tise in'jamba canjaen'cho. Tise manda'je'choja tsangae tsu jinchoya. Toya'caen tise oshacho'choma'qque tsu tsangae canjaen'jen'ña.

Daniel 4:32

Nane aindeccu'ye joqquitssipa qui aiña'chondeccui'ccu canseya. Toya'caen siete canqque'fave qui vaura'caen shoshovima amba canseya. Tsa'caen qui canseya joccapitssia Chiga tsu poi andeni cansesundeccuma ma'caen tsoñe oshachopa majama na'suve tsoñe in'jamba tsama na'suve tson'su qquen in'jaña'ngae.”

Daniel 4:36

“Tse'faei'ccuyi gi ñotsse in'jamba tisu joccapitsse manda'je'choma, tisu ñotssiama an'bian'choma, toya'caen tisu ti'tsse'tssia'ma'qque ccase an'bian. Tsonsi tsu ña na'suite ñama shondosundeccu, toya'caen ña ti'tsse'tssiandeqquia've tson'chondeccu ñame ttatta'su ji'fa. Tsomba tsu ñama ccase tsa ande'su na'suve ca'nia'fasi gi tayoe tisu an'bian'choma ti'tsse'tsse an'bian.

Daniel 5:18

“Nane joccapitssia Chiga tsu na'suve tsomba osha'cho jincho'cho ñocca'tssiama, toya'caen ti'tsse'tssia'ma Que Ti'tsse'tssiambe yayaccashe'ye Nabucodonosor'yenga afe.

Daniel 5:21

Tsa'caen joqquitssiansi aindeccu'ye joqquitssipa aiña'cho in'janqquia'caen in'jamba tsampi'su boroi'ccu fae'ngae canse. Nane vaura'caen tsu shoshovima amba canse. Toya'caen suruno'qque tsu tise ai'voma tssipoen'jen. Tsa'caen tsu canse qquen in'jaña'ngae: ‘Joccapitssia Chiga tsu poi va ande'su nasundeccuma ma'caen tsoñe in'jan'da tsa'caen tsoñe osha. Toya'caen tise tsu majama na'suve tsoñe in'jan'da tsama na'suve tson.’

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Jonás 1:14

Tsa'caen pasambi'si dyopa Na'su Chigama qquen su'fa: “Na'su, va a'imbe shacai'ccu ingima fi'ttijama, ni inginga shacama anttejama va a'ima fi'tti'chone tise egae tsombi'ninda. Nane Na'su, que in'jamba tson'cho tsu.”

Lucas 1:33

Tsangae tsu tiseja israe aindeccuma manda'jeya. Tise na'suve da'choja minga'ni'qque pasaya'bi tsu.

Lucas 18:13

Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”

Juan 5:26

Chiga Quitsaja tisutsseyi canseye jincho. Tsa'caeñi Tise Dutssi'yenga'qque antte cuintsu tisutsseyi canseye jinchoye.

1 Timoteoga 1:17

Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

1 Timoteoga 6:16

Chiga Quitsayi tsu ñoa'me pa'masia. Tise ñotssiaye chanjunsi ni majañi'qque Tisenga catse'fambi. Nane a'ija Tisema attembipa ñoa'me atteye osha'fambi. Tisene gi tsangae ñotsse afa'faya'cho. Tsangae tsu Tiseja osha'choma oshacho. Tsangaeyi.

Canjaen'cho 10:6

ñoa'me su'cho qquen canjaeñe. Nane tsangae canse'cho Chiga, tsa agattoen'su Chiga, sefaccove agattoemba pa'cco sefacconi jinqque'suve agattoen. Ande, andeni jinqque'suve, mar, marni jinqque'suve'qque tsayi agattoen. Tsa'caen joccapitssiasi sefacconi'su shondo'suja ñoa'me su'cho qquen canjaeñe Tisema iñajamba qquen afa: —Ti'tsse ron'dambe'yi tsu tayo napiji.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 4:10

Toya'caen tsa'caen settapoensi veinticuatro coenzandeccu'qque dyaipa'choni dyai'sumbe cambajufanga ccui'fa. Tsa'caen ccuipa tsangae canse'cho Chigama ñotsse in'jamba afa'fa. Chigaja ti'tsse'tssia qquen canjaeñe in'jamba tise'pa otifaccuma'qque dyaipa'chonga ttova ccuiñamba qquen settapoen'fa:

Canjaen'cho 4:9

Tsa'caen settapoemba dyaipa'choni dyai'suma ñotsse afa'fa. Nane dyai'su tsangae cansesi tsu Tisema ñotsse afa'fa. Ñotsse afapa Tise ñotsse tson'chone afa'fa.