Daniel 4:32 - Cofán: Chiga Tevaen'jen

³² Nane aindeccu'ye joqquitssipa qui aiña'chondeccui'ccu canseya. Toya'caen siete canqque'fave qui vaura'caen shoshovima amba canseya. Tsa'caen qui canseya joccapitssia Chiga tsu poi andeni cansesundeccuma ma'caen tsoñe oshachopa majama na'suve tsoñe in'jamba tsama na'suve tson'su qquen in'jaña'ngae.”

Daniel 4:32 ပူးပေါင်းရင်းမြစ်များ

Job 42:2

In'jan gi queja osha'choma oshacho. Nane me'i'on tsu que oshambi'choa've.

Job 9:12

Tise jongoesuma itsa'ni'qque ¿ma'caen gi tisema se'piya? Nane oshambi gi tisema iñajampañañe “¿micon'jen qui?”

Éxodo 8:10

Tsonsi faraónjan su: —Tu'iyi iñajaña'chove gi in'jan. Tsonsi Moisésja su: —Tsa'caen tsu tsoña faesu ingi Na'su Chiga'can'me me'i'on qquen que in'jañe.

Éxodo 9:14

Nane ja'ñonda gi pa'cco ña vanaeqque'suma quenga, quema shondosundeccunga toya'caen que aindeccunga'qque moeña. Tsa'caen tsonsi qui in'jan'faya majañi'qque ña'can va andeni can'jembi'choave.

Éxodo 9:29

Tsonsi Moisésja su: —Pan va canqque'ye sombopa japa gi ña tivema sefaningae yasapa Na'su Chigama iñajaña. Tsonsi tsu tsandapandaquima pasaemba tsandama'qque pasaeña cuintsu que'i pa'cco va andeja Na'su Chigambe qquen in'jan'faye.

Isaías 40:15

Nane Chiganejan poi andesundeccu tsu fae se tsa'ccu su'duqquia'can'cho'cco. Toya'caen ande'su ccuttopa'si dusianccuma oyaembiqquia'can'cco tsu poi andesundeccu. Mar'su anttepo'chosundeccuja sisipa sheque'fo'choacan'cco tsu.

Isaías 40:17

Chiganejan poi andesundeccu tsu me'i'en daqquia'caen jinchombi. Nane ñoa'me tisenejan barembi tsu.

Daniel 2:21

Tsayi tsu canqque'fa, ccovu, a'ta, cose, coejefa, sanfane'qque cambiamba na'suma somboemba ca'niañe'qque osha. Atesu'chondeccunga tsu atesuqque'suma afe. Toya'caen injama'pandeccunga tsu ti'tsse in'jan'faya'chove afe.

Daniel 4:31

Toya tsa'caen afa'je'ttie tsu na'suja sefaccone tisenga qquen afa'choma paña. “Vama pañajan na'su Nabucodonosor. Que manda'je'chota ja'ñojan quembembi tsu.

Daniel 5:21

Tsa'caen joqquitssiansi aindeccu'ye joqquitssipa aiña'cho in'janqquia'caen in'jamba tsampi'su boroi'ccu fae'ngae canse. Nane vaura'caen tsu shoshovima amba canse. Toya'caen suruno'qque tsu tise ai'voma tssipoen'jen. Tsa'caen tsu canse qquen in'jaña'ngae: ‘Joccapitssia Chiga tsu poi va ande'su nasundeccuma ma'caen tsoñe in'jan'da tsa'caen tsoñe osha. Toya'caen tise tsu majama na'suve tsoñe in'jan'da tsama na'suve tson.’

Josué 4:24

Tsa'caen tsu tson cuintsu poi ande'su aindeccu atesu'faye Na'su Chiga osha'choma oshacho'chove. Toya'caen tsu tsa'caen tson cuintsu ingija tsangae dyoe'sui'ccu Na'su Chigama injan'jeñe.’ ”