Daniel 3:30 - Cofán: Chiga Tevaen'jen

³⁰ Tsa'caen supa omboe na'suja tsa tres dusungandeccuma ti'tsse'tssia Babilonia'su nasundeccuve tson.

Daniel 3:30 ပူးပေါင်းရင်းမြစ်များ

Salmos 1:3

Tsa a'ija naifa'su quini'jian'can tsu. Nane na'en otafanga jonsi tise naite nambe pasa'jembi ni tise najen'qque pandipa sheque'jembi. Pa'cco tise tson'jen'cho tsu ñotsse sombo.

Salmos 91:14

Nane Na'suja su: “Tise ñama ñotsse in'jansi gi tisema ccushaeña. Tise ñame in'jansi gi coiraya cca'i tisema dañosa'ne.

Daniel 1:7

Tsesu inisendeccuma tsu na'su tsa'oma coira'suja ccaningae ini'sian: Danielmajan Beltsasar; Ananíasmajan Sadrac; Misaelmajan Mesac; toya'caen Azaríasmajan Abednegove.

Daniel 2:49

Daniel iñajanqquia'caen na'suja Sadrac, Mesac, toya'caen Abednegoma'qque ca'niansi tsu tise Babilonia'su provinciane in'jan'choma tson'jen'fa. Tsa'ma Danielja na'sui'ccu fae'ngatsse manda'je.

Daniel 3:1

Omboe na'su Nabucodonosorja manda cuintsu corima a'ia'can'me ñoña'faye. Nane treinta metro bia'su, toya'caen tres metro rande'suve ñoña'faye tsu manda. Tsa'caen ñoñamba cuintsu Babilonia ande'su Dura qquen inisecho'chombe fae'ngatssia andenga ccutsian'faye tsu manda.

Daniel 3:12

Tsa'caen tsoña'chove manda'ma tsu majan judá'su aindeccu, Que Ti'tsse'tssia in'jamba Babilonia'su nasundeccuma manda'suve tson'chondeccu, Que Ti'tsse'tssiama paña'fambi ni que chigandeccunga iñajan'fambi. Toya'caen Que Ti'tsse'tssia mandasi corima ñoñamba ccutsian'chonga'qque iñajan'fambi. Tsendeccu tsu Sadrac, Mesac, toya'caen Abednego.

Juan 12:26

Majan ña a'ive dapa shondocañe in'jan'da ñama tsu paña'faya'cho. Mani ña can'jen'ni'qque tseni tsu ñama shondo'su'qque can'jen'faya. Majan ñama shondocansi tsama tsu ña Yayaja ñotsse in'jan.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?