Daniel 3:28 - Cofán: Chiga Tevaen'jen

²⁸ Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 3:28 ပူးပေါင်းရင်းမြစ်များ

Génesis 9:26

Toya'caen tsu Noéjan su: “Na'su ña Chiga tsu Semnga ñotsse tsoña. Nane Sem tsu Canaánma semoeña.

Esdras 1:3

Ñama tsa'caen mandasi gi in'jan cuintsu poiyi'cco a'i majan Na'su Chigave in'jan'chondeccu Judá ande'su Jerusaléni japa Na'su Chiga tsa'ove tsao'ña'faye. Nane Chiga que'ima fuitesi japa Na'su Israel Chigambe tsa'ove tsao'ña'faja Na'su can'jen'cho Jerusalén canqqueni.

Salmos 103:20

¡Chigama sefacconi'su shondosundeccu, Na'su Chigama ñotsse afa'faja! Que'i quin'sui'ccu Na'su manda'choma pañamba tsonsundeccu qui.

Salmos 34:22

¡Tsa'ma Na'suja tise've in'jamba shondosundeccuma ccushaemba tise'pa injama'choma somboeña'bi! Nane tsendeccuja tise've in'jamba paña'fa.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Daniel 2:47

Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

Daniel 3:25

—Nane cuatro a'i tayo ccupayepa mingae dambe'yi si'nge enttinge'ye tsui ja'je'fa'choma gi atte. Fae'ccoja ñoa'me sefacconi'su a'i ai'voa'can tsu.

Daniel 4:34

“Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Daniel 6:16

Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Tson'fa'cho 4:19

Tsa'ma Pedro, Juan'qque pañamba su'fa: —¿Jongoesu tsu Chigane ti'tsse ñotssi, qquen qui in'jan'fa? ¿Que'ima ti pañañe o Chigama ti pañaña'cho?

Tson'fa'cho 5:19

Tsa'ma cosesi Chigama sefani'su shondo'su jipa picco'je'cho etti'su sombo'ttima fettapa tsendeccuma somboemaña qquen supa:

Romanos 12:1

Faengasundeccu ñajan que'ima iñajamba su: Chiga que'ima mende'yepa ccushaen'ninda tisuma tsu Tisenga afe'faya'cho cuintsu Chiga ma'caen tsoñe in'jan'da tsoñe. Chiga in'janqquia'caen cansepa qui egae jincho'chove mechopa Tisenga afe'faya'cho. Tsa'caen tsu Chigaja in'jan Tisema ñotsse iñajañe.

1 Corinto'su 13:3

Osha'cho ña an'bianqque'suma va'chandeccunga o'fiañe aqquia afepa, toya tisupapora ñotsse in'jambi'ta Chigane ñotsse isuya'bi gi. Toya'caen Cristone condasesi cca'indeccu iyicca'yepa ñama ju'rian fi'ttiye tson'jensi se'pimbe'yi tisuma afepa, toya tisupapora ñotsse in'jambi'ta Chigane ñotsse isuya'bi gi.

Filipo'su 1:20

Jai'ngae ansangeye in'jambi gi. Ñoa'me gi ansangeya'bi. Tsa'ma in'jamba gi ronda'je ja'ñoa'caen dyombi'tsse Jesucristone condasé canseye. Canse'ta, pa'ta gi ña ai'voi'ccu Tisene ñotsse canjaeñe in'jan.

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Hebreo'su 11:37

Patui'ccu ttovaccoemba majama fi'tti'fa. Majamanda serochoi'ccu tise ai'voma doña gettipa fi'tti'fa. Majamanda dyo'tsse vanaemba “Chigave in'jan'choma cati'faja ccushaye in'jan'da” qquen tsu su'fa. Majamanda matichi'ccu fi'tti'fa. Tsa'ma cca'i Chigave in'jan'chondeccuja buttopa japa ccuya'fa. Nane sarupave me'i'onsi oveja ttono, chivo ttonoma'qque ondiccu'fa. Noñangiañemba va'chapa aña'cho me'i'onsi qquipoe'supa vana'jen'fa. Nane va ande'su aindeccu tise'pama chi'gapa egae tsincon'fa.

1 Pedro 1:21

Chigaja Cristoma pa'chondeccu'ye qquendyaemba ti'tsse'tssia've tsonsi qui Cristove in'jamba Chigave'qque in'jan'fa. Nane Chigaja tsa'caen in'jamba tson cuintsu que'i Tise've in'jamba ronda'je'faye.

Canjaen'cho 12:11

Nane Chigambe Oveja anjampai'ccu tsu ingi faengasundeccuja Satanama patsu'fa. Toya'caen Chiga tansintssia Aya'fama in'jamba tsane condasepa afase'suma patsu'fa. Nane dyombi'tsse condasepa ni paye'qque dyojombi. Tsa'caen paye dyombi'tssipa afase'suma patsu'fa.