Daniel 3:17 - Cofán: Chiga Tevaen'jen

¹⁷ Ingi Chiga, tsa ingi iñajan'jen'cho, tsu osha'choma oque'jeccu'su si'ngeye ccushaemba Que Ti'tsse'tssia ma'caen egae tsoñe injan'cho'ye'qque ingima ccushaeña.

Daniel 3:17 ပူးပေါင်းရင်းမြစ်များ

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Jeremías 1:8

Majameñi'qque dyojojama. Nane ñajan quei'ccu gi can'jeña quema coira'jeye. Ñajan Na'su gi, tansintsse afa'su.”

Daniel 3:26

Tsa'caen supa Nabucodonosorja osha'choma oque'jeye ñoñaccu'sumbe sombo'ttinga catsepa quian'me qquen fundo: —Sadrac, Mesac toya'caen Abednego, ti'tsse joccapitssia Chigama shondosundeccu, ¡sombopa ji'faja vani! Tsa'caen susi tres dusungandeccu si'ngeye sombo'fasi

Daniel 4:35

Va ande'su a'i majan tisia'can'me me'i'on tsu. Tise tsu tson'jen ma'caen tisu in'janqquia'caen, sefacconima, toya'caen andenima'qque. Nane majañi'qque, ti'tsse'tssia qquen in'jamba, tise oshacho'chone toya'caen tise in'jamba ma'caen tson'chone– ¿Jongoesie qui tson? ¿Ma'caen qui tson? –qquen iñajampañaña'chove me'i'on tsu.

Daniel 6:16

Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Daniel 6:23

Tsonsi na'suja avujapa manda cuintsu Danielma tsa chango'ye somboen'faye. Somboemba camba ni fae fuchha'ttiveyi'qque atte'fambi tise Chigama in'jansi tisema mende'yepa ccushaensi.

Daniel 6:27

Tsayi tsu ccushaen'su, toya'caen fetta'su. Tsayi tsu sefacconi toya'caen andeni'qque osha'cho ñotssiama canjaen'su. Tsa tsu Danielma ccushaen ttesi'ye.”

Miqueas 7:7

Tsa'ma ñajan Na'su Chigave in'jamba gi ronda'jeya. Tise ñama pañasi gi ccushaen'su qquen tisema in'jamba canseya.

Lucas 1:37

Nane Chigaja osha'choma oshacho.

Tson'fa'cho 20:24

Tsa'ma mingavieyi'qque gi tsane dyombi. Ni paye'qque gi dyombi. Nane ñoa'me gi in'jan Na'su in'jan'cho sema'bama avujatsse naniñe. Na'su Jesús tsa sema'banga ñama mandasi gi va Chiga ingima in'jan'chone ñotsse condase'choma condase'je.

Tson'fa'cho 21:13

Tsa'ma Pabloja su: —¿Jongoese qui que'ija i'namba ñama ñombi'yan'fa? Na'su Jesús in'jan'ninda gi tisene Jerusaléni tandañeña'cho. Toya'caen fi'tti'fa'ni'qque tisene gi paya'cho.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?

2 Corinto'su 1:10

Ñoa'me paye tson'jen'choma tsu Chigaja ingima ccushaen. Toya tsu Tiseja ingima ccushaen'jen. Tsangae tsu Tiseja ingima ccushaeña. Qquen in'jamba gi canse'fa.

Hebreo'su 7:25

Tsa'camba Jesúsja tsangae nanitsse a'ima ccushaeñe osha. Poiyi'cco majan tise've in'jamba Chiganga catse'nijan tise tsu ccushaeña. Tsangae tsu Jesúsja canse tsendeccune Chigama afaye.

1 Samuel 17:37

Na'su Chigaja ttesi toya'caen oncomari'ye ñama ccushaen fi'ttipa ansa'ne. Tsa'caeñi tsu ñama ccushaeña va filisteo'ye. Tsonsi Saúlja su: —Ñotssi tsu. Na'su Chiga quei'ccu jasi japa fi'ttija.

1 Samuel 17:46

Ja'ño tsu Na'su Chiga quema patsupa ñanga afeya cuintsu quema fi'ttipa que tsovema'qque chattu catiye. Toya'caen filisteo'su sundarondeccu ai'voma gi afeya ccompananga toya'caen ttesinga. Tsa'caen tsonsi tsu poiyi'cco a'i atesu'faya Chiga Quitsa israendeccui'ccu can'jen'chove.