Daniel 2:48 - Cofán: Chiga Tevaen'jen

⁴⁸ Tsa'caen supa omboe Danielma ti'tsse joccapitssia've tsomba osha'cho ñotssiama afe. Toya'caen Babilonia'su provinciambe na'suve tisema ca'niamba poi tsa ande'su atesu'chondeccumbe ti'tsse joccapitssia na'suve tson.

Daniel 2:48 ပူးပေါင်းရင်းမြစ်များ

2 Reyes 5:1

Fae a'i tsu can'jen tise inise Naamán. Tiseja Siria ande'su sundaro na'su. Na'su Chiga Siriama fuitepa anttesi Naamán ñotsse geraemba patsusi tsu ande na'su tisema ñotsse in'jan. Tsa'ma Naamánjan na congomba paqque'sunga dañonge'cho tsu.

Job 1:3

Toya'caen siete mil ovejambe na'su. Nane tres mil cameyo, mil qquitssa'je'cho vaura, quiniento boro, toya'caen tsain'bio semasundeccuve tsu an'bian. Nane pa'cco chiga sombo'jefa'su aindeccuma ti'tsse rico tsu.

Daniel 2:6

Tsa'ma ña ayo'ochoma condapa, jongoesune ña tsa'caen ayo'ochoma conda'ta qui ña afe'cho ñocca'tssiama injan'tsse isupa joccapitssia've da'faya. Tsa'cansi conda'faja ma'caen ña ayo'ochoma, toya'caen jongoesune ña tsa'caen ayo'ochoma.

Daniel 3:1

Omboe na'su Nabucodonosorja manda cuintsu corima a'ia'can'me ñoña'faye. Nane treinta metro bia'su, toya'caen tres metro rande'suve ñoña'faye tsu manda. Tsa'caen ñoñamba cuintsu Babilonia ande'su Dura qquen inisecho'chombe fae'ngatssia andenga ccutsian'faye tsu manda.

Daniel 3:12

Tsa'caen tsoña'chove manda'ma tsu majan judá'su aindeccu, Que Ti'tsse'tssia in'jamba Babilonia'su nasundeccuma manda'suve tson'chondeccu, Que Ti'tsse'tssiama paña'fambi ni que chigandeccunga iñajan'fambi. Toya'caen Que Ti'tsse'tssia mandasi corima ñoñamba ccutsian'chonga'qque iñajan'fambi. Tsendeccu tsu Sadrac, Mesac, toya'caen Abednego.

Daniel 3:30

Tsa'caen supa omboe na'suja tsa tres dusungandeccuma ti'tsse'tssia Babilonia'su nasundeccuve tson.

Daniel 4:6

Tsa'caen ayo'opa gi manda cuintsu poiyi'cco Babilonia'su atesu'chondeccu ñani jipa jongoesune tsa'caen ña ayo'ochoma ñanga conda'faye.

Daniel 4:9

‘Beltsasar, jai'ngae ma'caen daya'chove atesu'chondeccumbe na'su qui. In'jan gi quemajan joccapitssia Chiga Qquendyapa tsu angacan. Toya'caen qui osha'cho ma'caen atesu'ma'sia'a'qque tayo atesu. Ña ayo'opa atte'choma pañamba ñanga condaja jongoesune tsa'caen ña ayo'ochoma.

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Daniel 5:16

Nane queja osha'cho aiye'pa atesupa conda'masia'ma'qque condaye osha qquen gi paña. Ja'ño que oshapa va su'choma camba jongoesu qquen su'choma ñanga conda'ninda gi na'sumbe cu'a sarupa ondiccu'jema ondiqquiamba que tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Daniel 5:29

Tsa'caen condasi tse'faei'ccuyi na'su Belsasarja manda cuintsu Danielnga na'su cu'a sarupa ondiccu'jema ondiqquiamba tise tsi'fonga'qque cori candenama andian'faye. Toya'caen tsu junde poiyi'cconga conda ma'caen Daniel tise manda'je'cho'su tercer na'suve da'choma.

Daniel 5:7

Omboe fundopa ttu'se cuintsu poiyi'cco Babilonia'su injama'pandeqquia, jai'ngae ma'caen daya'chove atesu'chondeccu, toya'caen o'fema camba ma'caen daya'chove atesu'chondeccu'qque ji'faye. Tsa'caen fundopa qquen su: —Majan a'i va tevaen'choma camba attepa jongoesune su'choma ñanga conda'ninda gi na'sumbe cu'a sarupa ondiccu'jema tisenga ondiqquiamba tise tsifonga'qque cori candenama andiaña. Toya'caen ña manda'je'cho'su tercer na'suve gi tsoña.

Números 24:11

¡Bove ñotssi tsu que tsaoni junde jaye! ¡Ñajan ñotssiama quenga afeye qquen susi tsu que ‘Na'suja’ se'pi ña tsa'caen afeye!

1 Samuel 17:25

su'fa: “¡Ay! ¿Atte'fambi ti qui va ja'ño sombo'cho a'i, israendeccuma noñangiamba afaseye ji'choma? ¿Majan tsu tisema patsuye osha? Nane majan jovama patsu'ninda tsu na'su Saúlja tsama ricove tsomba tise onque'ngema'qque tisenga antteya cuintsu pusheye. Toya'caen tsu tsa a'imbe antiandeccuja pasa'faya jongoesuveyi'qque goviernonga afepoen'jen'chove metssia've.”