Daniel 2:47 - Cofán: Chiga Tevaen'jen

⁴⁷ Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

Daniel 2:47 ပူးပေါင်းရင်းမြစ်များ

Génesis 41:39

Tsomba Josénga su: —Me'i'on tsu quia'caen injama'papa ñotsse atesu'chove. Nane Chiga tsu quenga tson que pa'cco tsesuma atesuchoye.

2 Reyes 5:15

Ccushapa toequi tisema shondosundeccui'ccu Eliseoma can'su ja'fa. Tiseni ji ccutsupa tsu Naamánjan su: —Ja'ño gi in'jan poi andeni faesu chiga jimbisi fae Na'su Israel Chiga tsu ñoa'me Chiga. Omboe tsu tsain'bio nasundeccu Israel aindeccuma manda'je'fa. Poiyi'cco egae tsincomba Na'su Chigama ñotsse paña'fambi. Judá andeni'qque tsain'bio nasundeccu, David omba'su dutssiyendeccu, manda'jesi fae pushesu'qque manda. Majan tsendeccu'su Na'suma pañamba ñotsse tson'fa. Tsa'ma faesundeccu egae tsincomba Na'su Chigama ñotsse paña'fambi.

Salmos 82:1

Chigaja sefacconi'su nasundeccui'ccu can'jemba ti'tsse joccapitssiapa tise'pama tansiañe qquen su:

Daniel 2:19

Tsequi cose tsa in'jamba tson'jen'choja attian'choi'ccu Danielnga canjaen. Tsa'caen pa'ccoma canjaensi Danielja Na'su Chigama ñotsse afapa

Daniel 2:22

Tsa tsu ñoa'me a'tutsse osha'chove su'choan'qque canjaeña. Tisenejan sinttia'su'qque tsu a'tatssi. Nane tiseni tsu a'tatssia'ja jin.

Daniel 2:28

Tsa'ma fae Chigayi tsu sefaccone que injan'choma canjaen. Toya'caen tsayi tsu Que Ti'tsse'tssia ma'caen jai'ngae daya'choma conda. Ja'ño gi condaya Que Ti'tsse'tssia anamba ayo'opa atte'choma:

Daniel 2:29

Que Ti'tsse'tssia ana'jen'choni ccuipa jai'ngae ma'caen daya'choma asi'ttaensi tsu tsa Chiga osha'cho atesu'ma'sia'ma canjaen'suja tsane conda.

Daniel 2:30

Toya'caen ñanga'qque tsu tsane a'tatsse canjaen. Tsa'ma ñajan poiyi'cco atesu'chondeccuma ti'tsse'tssisi atesuchopa que a'tutsse ayo'ochoma ñanga'qque canjaen qquen in'janjama. Nane ña, Que Ti'tsse'tssia, ayo'ochoma atesupa jongoesune que tsa'caen ayo'ochoma condasi pañamba que atesuye tsu ñanga'qque Chiga tsa'caen canjaen.

Daniel 2:37

Que, Ti'tsse Joccapitssia, qui poi nasundeccuma ti'tsse'tssia. Nane sefacconi'su Chiga tsu quema na'suve tsomba afe cuintsu osha'chove tsomba quin'sui'ccu mandasi aindeccu quema ñotsse afa'faye.

Daniel 3:15

¿In'jan'fambi ti qui ma'caen osha'cho jenqque'suma jeña'fasi junde ña mandasi corima ñoña'chonga ccarupa tsanga iñajaña'choma? Tsa'caen tsombi'ta qui ja'ñoñi oshacho'choma oque'jeye ñoñaccu'su si'nge anchanda'je'chonga ttova caniange'faya. Tsonsita ¿Jongoesu chiga tsu que'ima ccushaen'me'se?

Daniel 3:28

Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 3:29

Ja'ño ñajan manda: Majan a'i, mani'su canqque, mani'su ande, faesu aya'fangae afa'je'chondeccu can'jeñe'qque va dusungandeccumbe Chigama egae afa'ta tsu gettiyepa pasi tise'pa tsa'o'qque osuipa amppipa boñame daya'cho. Nane faesu chiga qquen ccushaeñe osha'chove me'i'on tsu.”

Daniel 4:17

Tsa pa'cco tsu ño'an sefacconi'su shondosundeccu canjaen'cho cuintsu poi aindeccu qquen in'jan'faye: Ti'tsse joccapitssia Chiga tsu pa'cco va ande'su nasundeccuma ma'caen tsoñe oshacho. Toya'caen tise tsu majama na'suve tsoñe in'jan'da tsama na'suve tson. Nane tise tsu utu'ccoa'ma in'jan'da tsama poi ande na'suve tson.

Daniel 4:25

Nane Que, Ti'tsse'tssia qui aindeccu'ye joqquitssipa aiña'chondeccui'ccu canseya. Vaura'caen qui shoshovima amba canseya. Toya'caen que ai'vonga tsu suruno shequepa tssipoen'jeña. Tsa'caen qui siete canqque'fave canseya. Nane Joccapitssia Chiga tsu va ande'su nasundeccuma ma'caen tsoñe oshachopa tsayi majama na'suve tsoñe in'jan'da tsama na'suve tson'su qquen in'jaña'ngae qui tsa'caen canseya.

Daniel 4:32

Nane aindeccu'ye joqquitssipa qui aiña'chondeccui'ccu canseya. Toya'caen siete canqque'fave qui vaura'caen shoshovima amba canseya. Tsa'caen qui canseya joccapitssia Chiga tsu poi andeni cansesundeccuma ma'caen tsoñe oshachopa majama na'suve tsoñe in'jamba tsama na'suve tson'su qquen in'jaña'ngae.”

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Amós 3:7

Nane Na'suja jongoesuve tson'jen'da tsu tise Aya'fama afasundeccunga conda.

1 Corinto'su 14:25

Nane Chiga Aya'faja pa'cco tise'pa injama'cho ma'caen asi'ttaemba in'jan'choma tsu canjaeña. Tsa'caen canjaensi in'jamba tsu ccarupa Chigama iñajan'faya. Chiga ñoa'me que'i'ccu can'jen'chove tsu atesupa conda'faya.

1 Timoteoga 6:15

Chiga Quitsaja maqui a'ta in'jan'da tsu Cristoma ccase vani moeña. Chiga Quitsayi tsu osha'chone Na'su. Tiseja ño'amba poi ande'su nasundeccumbe na'su tsu. Nane poi ande'su mandasundeccuma manda'su tsu.

Canjaen'cho 1:5

Jesucristo'qque tsu tsa'caen chigambian. Nane Jesucristoja tansintsse tsu Chigama inginga canjaen. Papa aisheve ccase qquendya'su tsu. Poi ande'su na'suma manda'su tsu. Jesucristoja ingima ñotsse in'jamba tise anjampai'ccu ingima onjoemba ingi egae tsincon'choma ccucha.

Canjaen'cho 17:14

Tsonsi tsu Ovejai'ccu geraen'faya. Tsa'ma Oveja tsu tise'pama patsuya. Nane Ovejaja poi na'sumbe na'su tsu. Poi manda'suma manda'su tsu. Tsa'camba tsu cocoyandeccuma patsuya. Toya'caen Ovejaja Tise aindeccuma in'jamba ttu'sesi tsendeccu'qque Tise've in'jamba fae'ngae tisei'ccu cocoyama patsu'faya.

Canjaen'cho 19:16

Tise omba'su ondiccu'jenga, toya'caen tise ttena'gonga'qque tsu qquen faesu iniseve tevaen'cho: Poi manda'suma Manda'su; Poi na'sumbe Na'su.