Daniel 2:45 - Cofán: Chiga Tevaen'jen

⁴⁵ Tsane tsu tsa patu ccotta'cco'ye a'i ccofettambi'ma battin jipa pa'cco yoshava, cu'a yoshava, apicha, totoacori, toya'caen corima metsse vuvian cati'choja canjaen. Ti'tsse Joccapitssia Chiga tsu Que Ti'tsse'tssianga jai'ngae ma'caen daya'choma tsa'caen canjaen. Tsa ayo'opata tsu ñoa'metsse ayo'o'cho. Toya'caen tsane conda'cho'qque tsu ñoa'metsse su'cho.”

Daniel 2:45 ပူးပေါင်းရင်းမြစ်များ

Génesis 41:26

Tsa siete vaura me'detssiata tsu siete canqque'fave canjaen. Tsa'caeñi tsu siete me'detssia na'si'qque canjaen. Nane fa'eveyi ayo'o'cho tsu.

Génesis 41:28

Nane ña suqquia'caen tsu Chigaja faraónga conda tisu ma'caen tsoña'choma.

Génesis 41:32

Nane Chigaja tsa'caen tsoñe qquen in'jamba toya'caen junde tsa'caen tsoñasi tsu dos se faraónjan tsane ayo'o.

Salmos 2:9

Yoshava'ccoi'ccu quian'me mandapa qui ande nasundeccuma patsuya. Nane apima ochhai doñaqquia'caen qui tise'pama naniaña.”

Daniel 2:24

Tsa'caen afa nanimba Danielja Ariocni can'su ja. Nane tsama tsu na'suja manda cuintsu Babilonia'su atesu'chondeccuma fitti'ttiye. Tsanga japa Danielja qquen su: —Injama'pandeqquia'ma fi'ttimbe'yi ñama na'sunga angaja ña pa'cco tise ayo'ochoma condaye.

Daniel 2:28

Tsa'ma fae Chigayi tsu sefaccone que injan'choma canjaen. Toya'caen tsayi tsu Que Ti'tsse'tssia ma'caen jai'ngae daya'choma conda. Ja'ño gi condaya Que Ti'tsse'tssia anamba ayo'opa atte'choma:

Daniel 2:29

Que Ti'tsse'tssia ana'jen'choni ccuipa jai'ngae ma'caen daya'choma asi'ttaensi tsu tsa Chiga osha'cho atesu'ma'sia'ma canjaen'suja tsane conda.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Zacarías 12:3

Toya'caen gi tsequi a'ta Jerusalénma tssai'a patiacaen tsoña. Nane majan patu tssai'ama joqquitssiañe oshambiqquia'caen tsu poi ande'su sundarondeccu ji'a'qque Jerusalénma geraemba patsuye oshambipa tisuma daño'faya.

Mateo 21:24

Jesús pañamba su: —Ña'qque que'ima iñajampañaña. Ñanga conda'ninda gi que'inga'qque condaya majan in'jaensi ña tsa'caen tsincon'chove:

Mateo 24:35

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Lucas 17:20

Fariseondeccuja Jesúsma iñajampaña'fa: “¿Minga'ni tsu a'ija Chiga aindeccuve da'faya?” Tsa'caen iñajampaña'fasi Jesúsja tise'pama su: —A'i Chiga aindeccuve da'faya'choma que'ija atteye osha'faya'bi.

Canjaen'cho 1:19

Que atte'choma tansintsse tevaenjan. Ja'ño jincho, jai'ngae tsoña'choma'qque tevaenjan.

Canjaen'cho 19:17

Tsomba faesu sefacconi'su shondo'su coejechiganga ccutsu'choma gi atte. Fundondo'e afapa ccompana, pindo, poiyi'cco sefani chhajeqque'suma ttu'sepa su: —Jipa bopa Chiga an'jen'choma an'faja.

Canjaen'cho 4:1

Tsomba tse'i ccase camba gi Chiga sefacconi'su sombo'tti fettaye'choma atte. Attepa gi toe aya'fama ccase paña. Ccase sundaro jeñaqquia'caen afapa tsu ñama su: —Vani ansundeja, jai'ngae tsoña'choma quenga canjaeñe.