Daniel 12:7 - Cofán: Chiga Tevaen'jen

⁷ Iñajampañasi tsu lino sarupama ondiccucho'choja poifa'su tivema sefaningae yasapa su: ‘Na'su tsangae canse'cho Chigaja tansintsse conda tres canqque'fa faesu enttinge canqque'fa pasasi tsu tsa'caen nepiya. Nane Chiga in'jan'cho aindeccu patsuyepa quin'su me'choe da'fasi tsu pa'cco va tsoña'choja nepiya.’

Daniel 12:7 ပူးပေါင်းရင်းမြစ်များ

Daniel 12:6

Tsa lino sarupama ondiccucho'choja toya na'en ombani ccutsusi fa'e tsa'suyi tisema iñajampaña: ‘¿Minga'ni tsu va joccapitssia tsoña'choja nepiya?’

Daniel 12:8

“Ñajan tise su'choma paña'ma atesumbipa iñajampaña: ‘Na'su, tsa'caen tson'cho pasa'ta ¿mingae tsu daya?’

Daniel 4:31

Toya tsa'caen afa'je'ttie tsu na'suja sefaccone tisenga qquen afa'choma paña. “Vama pañajan na'su Nabucodonosor. Que manda'je'chota ja'ñojan quembembi tsu.

Daniel 4:34

“Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Lucas 21:14

Tsa'ma toya tsa'caen tsombi'te asi'ttaen'fajama jongoe qquen supa ccushaya'chove.

Lucas 21:24

Sundarondeccuja matichi'ccu tise'pama fi'tti'faya. Majamanda tsu indipa poi biani'su andeni maña ja'faya cuintsu tseni canse'faye. Toya'caen israembindeqquia tsu Jerusalénma patsupa an'bian'faya tise'pa manda'cho tsangae naningeya'ngae.

Deuteronomio 7:6

Nane que'ija Na'su que'i Chiga in'jan'cho aindeccu qui. Na'suja poi ande'su aindeccu'su'ye que'ima in'jamba attufaen tisumbeve.

1 Pedro 2:9

Tsa'ma que'imajan Chiga in'jamba ttu'sesi qui Tisema afasundeccuve dapa Na'suma shondocan'fa. Que'ija egave mechoa aindeccu qui. Que'ija Chigambe a'i'fa qui Tise ñotsse tson'choma condaseye. Tiseja que'ima ttu'sepa sinttia'ye somboen Tise ñotssia a'tatssiani can'jen'faye.

Canjaen'cho 12:14

Tsa'ma pushesunga tsu dos pindo sanccopa'ca'ma afe cuintsu tsai'ccu chhajepa tise a'i menia can'jeñani ccuyin jaye. Tseni tsu tise'be ñoña'fa cuintsu tres canqque'fa faesu canqque'fa enttingeve tseni an can'jeñe. Tseni jasi cocoya canjansija tisenga catseye oshambi.

Canjaen'cho 12:6

Tsonsi pushesuja a'i menia ccuyapa, mil dosiento sesenta a'tave a'tupa can'jen. Chigaja tise can'jeña'chove ñoña cuintsu pushesuja tseni aña'choma an'biamba ñotsse can'jeñe.

Canjaen'cho 13:5

Tsa'caen cocoya na'su anttesi dyo'ccoa cocoyaja na'suve dapa cuarenta y dos ccovuve manda. Na'suve dapa Chigama afasepa quinsepoemba afa.

Canjaen'cho 4:10

Toya'caen tsa'caen settapoensi veinticuatro coenzandeccu'qque dyaipa'choni dyai'sumbe cambajufanga ccui'fa. Tsa'caen ccuipa tsangae canse'cho Chigama ñotsse in'jamba afa'fa. Chigaja ti'tsse'tssia qquen canjaeñe in'jamba tise'pa otifaccuma'qque dyaipa'chonga ttova ccuiñamba qquen settapoen'fa:

Canjaen'cho 4:9

Tsa'caen settapoemba dyaipa'choni dyai'suma ñotsse afa'fa. Nane dyai'su tsangae cansesi tsu Tisema ñotsse afa'fa. Ñotsse afapa Tise ñotsse tson'chone afa'fa.