Daniel 12:6 - Cofán: Chiga Tevaen'jen

⁶ Tsa lino sarupama ondiccucho'choja toya na'en ombani ccutsusi fa'e tsa'suyi tisema iñajampaña: ‘¿Minga'ni tsu va joccapitssia tsoña'choja nepiya?’

Daniel 12:6 ပူးပေါင်းရင်းမြစ်များ

Daniel 12:5

“Tsonsi ña Daniel gi faesu dos a'ima atte, fa'e na'en vaofani ccutsu'choma, faesuja na'en jovofani ccutsu'choma.

Daniel 12:8

“Ñajan tise su'choma paña'ma atesumbipa iñajampaña: ‘Na'su, tsa'caen tson'cho pasa'ta ¿mingae tsu daya?’

Mateo 24:3

Olivo ccotta'cconi japa Jesús tisuyi dyaisi tisema shondosundeccu catsepa a'tutsse iñajampaña'fa: —Chigáne inginga condaja ¿minga'ni tsu que suqquia'caen tsoña'cho? ¿Jongoesuma attepa gi que na'suve dapa jiña'chove atesu'faya? ¿Jongoesuma attepa gi osefaeña'cho a'ta napiji'chove atesu'faya?

Marcos 13:4

—In'jan'fa gi que inginga condaye, ¿minga'ni tsu que suqquia'caen napiya? ¿Jongoesuma attepa gi osefaeña'cho a'ta napiji'chove atesu'faya?

Efeso'su 3:10

Tayoe condambipa ja'ño Jesúsve in'jan'chondeccui'ccu Tise in'jan'choma tansintsse canjaen. Nane Chigaja osha'choma in'jamba tsa'caen canjaen cuintsu poiyi'cco sefacconi'su nasundeccu'qque ja'ño Tise in'jan'choma atesu'faye.

1 Pedro 1:12

Tsa'ma Chiga tise'pama in'jaensi tsu atesu'fa tise'pa afa'chomajan tise'pa can'jeinte tson'faya'bi. Tsa'ma ingi can'jeinte tsu tson'faya'cho. Tayoe tise'panga condaqquia'cañi tsu ja'ño que'inga condase'cho'qque. Nane Chigaja Tise Qquendya'pama sefaccone moemba a'ima in'jaen cuintsu Tise a'ima ccushaeña'chone ñotsse condase'choma que'inga condase'faye. Chigama sefacconi'su shondosundeccu'qque tsesuma atesumbipa atesuye in'jan'fa.

Canjaen'cho 15:6

Fettayesi tsu tsa'ye siete Chigama sefacconi'su shondosundeccuja sombo'fa. Tsendeccuja Chigambe siete paqque'suma angasundeccu tsu sombo'fa. Giya'tssia chhariccotssia sarupama ondiccupa cori utuqui'fama tise'pa utu'chonga utuquicho'fa.

Canjaen'cho 19:14

Poiyi'cco Chiga sefacconi'su sundarondeccuja tise sepaccofae jiña'fa. Tsendeccu'qque ñotssia tototssia sarupama giya'tsse ondiccupa totoa cavayondeccunga dyaipa jiña'fa.

Canjaen'cho 6:10

Tsendeccuja fundondo'e tsu afa'fa: —Poimbe na'su, Que qui ñotssia; Que qui tansintssia. ¿Minga'ni qui andeni can'jensundeccu injama'choma somboeña? ¿Minga'ni qui ingima fi'ttisundeccuma ccane'qque fi'ttiya?