Daniel 1:8 - Cofán: Chiga Tevaen'jen

⁸ Tsa'ma Danielja israe'supa na'su anqque'suma amba vinoma'qque cu'ipa tisu in'jan'choma dañosa'ne chi'ga. Tsa'caen in'jamba na'su tsa'oma coira'suma iñajan cuintsu tsesu aña'choma tise'panga afeye mandambe cañe.

Daniel 1:8 ပူးပေါင်းရင်းမြစ်များ

1 Reyes 5:5

Tsa'cansi gi in'jamba Na'su ña Chigama iñajan'jen'cho tsa'ove tsao'ñañe tson'jen. Nane tayoe tsu Na'suja ña yaya David'yenga conda cuintsu tise dutssi'yema tisema omboe na'suve tsonsi Na'su Chigama iñajan'jen'cho tsa'ove tsao'ñañe.

Salmos 106:28

Cansembi'choa chigandeccunga afe'cho aña'choma amba Baal-peorve in'jamba tsambe aindeccuve da'fa.

Daniel 1:5

Toya'caen tsu na'su Nabucodonosorja manda cuintsu tsa dusungandeccungaja pa'cco a'ta tise na'su anqque'su, tise na'su cuiqque'su vinomeñi ofian'jeñe. Nane tres canqque'fave tsu atesiaña'cho tisema shondosundeccuve daya'cho nepiya'ngae.

Daniel 5:4

Tsa'caen cui'jepa poiyi'cco tise'pa ñoña'cho chigandeccunga iñajan'fa. Nane majan cori chiga, majan totoacori, majan cu'a yoshava, majan yoshava, majan quini'cco chiga, toya'caen majan patuma ñoña'cho chiganga tsu iñajan'fa.

Tson'fa'cho 11:23

Antioquíani japa Bernabéja Chiga tsenisundeccunga ñotsse tson'choma attepa avuja. Tsa'caen avujapa poiyi'cconga candusian cuintsu anttembe'yi Na'suve tansintsse in'jamba canse'faye.

Tson'fa'cho 15:20

Tsa'ma tise'panga qquen tevaeñe tsu ñotssi: Osha'cho jongoesuma a'i ñoña'cho chiganga afe'cho tsu an'masia. Tsandienga pushesuma anttembi'choai'ccu can'jen'masia. Anjampama catimbe'yi fi'tti'cho aña'choja an'masia. Anjampa'qque an'masia.

1 Corinto'su 7:37

Tsa'ma faesu pushesumbe yaya tisu injama'cho ta'etssipa tisu onque'ngema antteye se'pi'ta tsa'qque ñotssi tsu. Nane tsa'caen in'jamba ni ccaningae asi'ttaembi'ta tisu onque'ngema anttembe'yi coiraye ñotssi tsu.

2 Corinto'su 9:7

Poiyi'cco tise'pa injama'cho in'janqquia'caen tsu afe'faya'cho. Nane in'jambi gi se'pi'ma afeye ni faesu que'ima mandasi afeye. Nane avujatsse afesi Chigaja que'ima ñotsse in'jaña.