Colosa'su 4:5 - Cofán: Chiga Tevaen'jen

⁵ Jesúsve in'jambindeqquiai'ccu can'je'an'qque ñotsse in'jamba canse'faja. Injanga can'jembe'yi poi a'ta ma'caen tsoñe osha'ta tson'faja.

Colosa'su 4:5 ပူးပေါင်းရင်းမြစ်များ

Daniel 2:8

Tsa'caen su'fasi na'suja qquen su: —Tayo gi in'jan, que'ija ña ma'caen tsoñe su'choma pañamba qui ti'tsse'tssi a'tave biañañe in'jan'fa.

Mateo 10:16

Que canjan, opa ovejama mandamoenqquia'caen gi que'ima ega aindeccunga moeñe tson'jen. Tsendeccuja putsa'su ain'caen que'ima noñangian'faya. Noñangia'nijan iyo injama'pa'caen ñotsse in'jan'faja. Ppuppuju'cho egave atesumbiqquia'caen can'jen'faja.

Marcos 4:11

Tsonsi Jesúsja su: —Tayoe ma'caen Chigama na'sian'cho aindeccuve dapa canse'faya'chove Chigaja a'inga condambi. Ja'ño tsu que'inga pañaeñe in'jan. Tsa'ma cca'indeccu toya pañañe osha'fambisi condase'choi'ccu gi tise'pama atesian'jen.

Romanos 16:19

Que'i Jesucristoma pañamba tsa'caen tsonsi poiyi'cco a'i tsane pañamba condasecco'fa. Tsa'cansi gi avujatssi. Tsa'ma in'jan gi cuintsu que'i egae tsincoñe atesumbiqquia'caen ñotsse tsoña'choveyi atesu'faye.

Colosa'su 3:16

Cristo su'cho que'i injama'choni can'jen'ninda ñotsse in'jan'faja. Tsa que'ima manda'ninda osha'choma in'jamba tisupapora ñotsse atesiamba candusiancco'faja. Fae'ngae settapoen'faja. Chigane settapoen'choma settapoen'da qui que'i injama'chone Chiganga ñotsse afa'fa.

1 Tesalónica'su 4:12

cuintsu cca'indeccu que'ima in'jan'faye. Tsa'caen canse'fa'yita qui ñoa'me shaca'faya'bi.

1 Timoteoga 3:7

Nane na'suja Cristove in'jambindeqquiai'ccu ñotsse can'jeña'cho cuintsu tsendeccu'qque tisema in'jan'faye. Tsa'cambiecan'da cca'indeccu tisema afasesi tsu qqueye'can. Tsa'caen tsu cocoya na'su Satana a'ima qqueñañe atesu.

Santiago 1:5

Ma'caen ñotsse canseye atesumbi'ta Chigama iñajaña'cho. Chigaja se'pimbe'yi tsesuma poiyi'cconga ñotsse afeye atesu. Nane iyu'umbe'yi tsu Chigaja iñajan'suma in'jaeña.

Santiago 3:13

¿Can'jembi ti que'i'su majan in'jamba atesu'cho? Tsaja ñotsse in'jamba patsumbe'yi ñotsse canseya'cho tise atesu'choma canjaeñe.

Santiago 3:17

Tsa'ma Chiga in'jaensi atesu'chota o'tie tsu egae tsincombe canse'faya'cho. Toya'caen tsu opatsse canse'faya'cho. Faesuma panshaen mandambe'yi tiseja ñotssia qquen in'jamba tisema paña'faya'cho. Faesuma mende'yepa ñotsse tson'faya'cho. Ñoa'me supa afopoembe'yi tson'faya'cho.

1 Pedro 3:1

Toya'caen pushesundeccu, poiyi'cco tisupa tsa'nduma ñotsse paña'faja. Majan tsendeccuja Chiga Aya'fama pañañe in'jan'fambi. Tsa'ma que'ija afambe'yi dyoe'sui'ccu tise'pama pañamba ñotsse canseya'cho cuintsu tise'pa'qque que'i ñotsse canse'choma attepa Chigave in'jan'faye.