Colosa'su 3:11 - Cofán: Chiga Tevaen'jen

¹¹ Tsa'caen dapa ni israendeccu ni griegondeccu qui jincho'fambi. Ni chhiyitevaen'chondeccu ni tevaembindeqquia, ni a'i, ni ai'pa, ni patrónpa ni patrónme mendeqquia'qque jincho'fambi. Tsa'ma poiyi'cco gi Cristombe'fa. Tiseja osha'chone ti'tsse'tssiapa poiyi'cconi can'jen.

Colosa'su 3:11 ပူးပေါင်းရင်းမြစ်များ

Salmos 117:2

Ñoa'me tsu tiseja ingima ñotsse in'jan. Minguite'qque tsu Na'suja ingima aqque'paya'bi. ¡Ñotssi tsu Na'su Chigaja!

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Oseas 2:23

Tisumbeveyi jonqquia'caen gi ña aindeccuma tise'pa andeni an'biaña. Nane Lo-ruhamama, Lo-amima'qque injama'choi'ccu ñotsse in'jamba gi suya: ‘Que'i israendeccuja ña aindeccu qui.’ Ccane'qque tsu su'faya: ‘¡Queja ingi Chiga qui!’ ”

Amós 9:12

cuintsu israendeccu toya jincho Edom andema ccase an'biamba poi Na'su Chigama atesumbi'choa andema'qque an'bian'faya.” Tsa'caen su'chopa tsu Na'suja tsa'caen tsoña.

Miqueas 4:2

Nane tsain'bio aindeccu tsa'caen bopa su'faya: “Jinge, Na'su ccotta'cconga ansunde'faye. Jinge, Jacob Chigama iñajan'jeni ja'faye. Tseni jasi tise tsu tise ma'caen canse'cho tsaiquima atesiaña'cho cuintsu ingi tsa'caen jacamba canse'faye.” Nane Zión ccotta'cco'ye tsu Na'su in'jan'choma atesiaña. Toya'caen Jerusaléne tsu tise Aya'fama afaya.

Juan 14:23

Jesúsja pañamba Judasnga su: —Majan ñama ñotsse in'jan'da tsu ña aya'fama pañaña. Ña Quitsa'qque tsamajan ñotsse in'jaña. Nane ñajan ña Quitsai'ccu gi tise injama'chonga jipa can'jen'faya.

Juan 15:5

Ña gi na'jian'ca'on. Que'ija ttemba'can'fa qui. Majan ñai'ccu jinchosi ña'qque tisei'ccu jincho'ninda tsu ñotsse naña. Majan ñai'ccu jinchombi'ta nañe oshaya'bi.

Juan 17:23

Nane ñajan tise'pani jinchosi, queja ñani jinchosi, gi ñoa'me fa'e jinchoqquia'caen jincho'faye. Tsayita tsu va andesundeccuja attepa in'jan'faye quema ñame moe'supa, ñame in'janqquia'caen qui ñame in'jan'chondeccuma'qque ñotsse in'jan.

Tson'fa'cho 15:17

cuintsu cca'indeccu Na'suve tta'ttapa in'jan'faye. Nane poiyi'cco israembindeqquia'qque tsu ña aindeccuve da'faya.

Tson'fa'cho 28:2

Tsani can'jensundeccu ingima ñoa'me ñotsse coira'je'fa. Unjin tui'jesi cha'ndiosi tsendeccuja si'ngema setsaemba ingima ttu'se'fa, sa'vuye.

Tson'fa'cho 28:4

Sinsinsioaca'an tsa'caen tise tivema tsai ancansi attepa tseni'su aindeccuja qquen afacco'fa: —¿Unjún? Va a'ita tsu a'ima fi'tti'su. Nane marnga pambi'ni'qque tsu sefacco'su anttembi, tise ti'tsse canseye.

Romanos 1:14

Nane ñajan poiyi'cco a'inga va ñotsse condase'choma condaseya'cho. Griegondeccunga, cca'indeccunga'qque gi condaseya'cho. Injama'pandeqquianga, injamambindeccunga'qque gi condaseya'cho.

Romanos 10:12

Nane israendeccu israembindeqquia'qque fae'nga'fa. Fae na'su tsu israendeccune, israembindeqquiane na'su. Tiseja poiyi'cconga ñotsse afeye atesu, majan Tisema iñajan'nijan.

Romanos 3:22

Chigaja antte cuintsu poiyi'cco a'i majan Jesucristove in'jan'da ño'ame da'faye. Poiyi'cco tsu fae'ngae tsa'caeñi ccusha'fa.

Romanos 3:29

¿Chigata ti aqquia israendeccumbe Chiga? Me'i. ¿Osha'fa ti israembindeqquia'qque “Ingi Chiga” qquen afa'faye? Ju, Chigaja israendeccumbe, israembindeqquiambe Chiga tsu.

1 Corinto'su 12:13

Nane fae Chiga Qquendya'pa tsu ingima feti fae ai'vove da'faye. Majan israendeccu, majan israembindeqquia, majan patrónpa, majan patrónme mendeqquia, fae ai'vove gi da'fa. Nane fae Chiga Qquendya'pa ingima in'jaensi gi poiyi'cco Tisema tteppuqquia'caen isu'fa.

1 Corinto'su 14:11

Tsa'ma ñajan tsa aya'fama atesumbi'ta paña'sune teteteya gi. Tise'qque ñane teteteya tsu.

1 Corinto'su 7:19

Nane chhiyitevaen'choja barembi. Toya'caen chhiyitevaembi'choa'qque barembi. Tsa'ma Chigaja in'jan tise aindeccuja Tise manda'choma pañamba tsa'caen canse'faye.

Galacia'su 2:20

Cristoi'ccu gi fae'ngae avuja'cconga otiyepa paqquia'caen pa. Tsa'camba ñajan ja'ño cansembisi, Cristo tsu ñani canse. Tsa'ma ñajan toya ai'vopa can'jen'ma Chiga Dutssi'yeve in'jamba gi ñoa'me canse. Tiseja ñama in'jamba tisuma afe ñama ccushaeñe.

Galacia'su 5:6

Chhiyitevaemba canjaen'cho, ni chhiyitevaembe can'cho'qque, tsu ingima ccushaeñe oshambi. Tansi Jesucristove in'jamba gi ccusha'fa. Nane Jesucristove in'jamba fuengasuma'qque ñotsse in'jan'choyi tsu ccushaeñe bare.

Efeso'su 1:23

Tise've in'jan'chondeccuja tise ai'vo tsu. Tise'pa ai'voni tsu Jesúsja can'jemba nanitsse injaen'jen. Nane Jesúsja osha'choma in'jaemba tsu Tise've in'jan'chondeccuma ño'ame ti'tsse nanitsse in'jaen.

Efeso'su 2:14

Cristove in'jamba gi opatsse canse'fa. Tayoe israendeccuja israembindeqquiai'ccu chi'gacco'fa. Tsa'ma Cristo ingima ñoquiansi gi ja'ñojan chi'gacco'fambi. Tayo gi fae a'ive da'fa.

Efeso'su 2:15

Cristoja tisu ai'voma afepa osha'cho manda'cho, osha'cho se'pi'choma joqquitssiamba ingima ñoquian. Tsa'cansi israendeccu, israembindeqquia'qque fae'ngae Cristove in'jamba fae cuna a'ive tsu da'fa. Tsa'caen dapa gi opatsse canse'fa.

Efeso'su 3:17

Iñajan gi cuintsu que'i Cristove in'jansi Tiseja que'i injama'choni can'jeñe. Iñajan gi cuintsu que'i Chiganga ca'niqquia'caen ta'etssia've dapa Tise que'ima in'jan'choma in'jan'faye.

Efeso'su 3:6

Chiga voeyi condase'cho tsu qquen: Israembindeqquia'qque ingi'ccu fae'ngae Chiga jai'ngae ñotsse afeya'choma isu'faya. Tise'paja ingi'ccu fae aindeccu tsu. Ingi Cristo Jesúsve in'jan'fasi Chigaja osha'cho ñotssiave inginga tsoña qquen tsu su. Tise'panga'qque tsa'caen ñotssiave tsoña.

Efeso'su 6:8

Nane in'jan'fa qui que'i tsa'caen ñotsse tson'ninda Na'su Cristo'qque que'inga ñotsse tsoña. Na'su Cristo poiyi'cco a'i fae'ngatssi qquen in'jansi poiyi'cco majan sema'su majan na'su'qque tise'pa tsonqquia'caen tsu Na'su Cristone isu'faya.

Colosa'su 2:10

que'i'qque Jesúsi'ccu fae'ngae jinchopa qui pa'cco Chiga in'jan'choma injantsse an'bian'fa. Nane Jesúsja ñoa'me osha'choma manda'sundeccuma ti'tsse na'su tsu.

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.

2 Juan 1:9

Majan a'i Cristo atesian'choma catipa ccaningae atesian'jen'da Chiga Quitsama ñotsse atesumbi'choa tsu. Tsa'ma majan Cristo atesian'choma paña'da Chiga Quitsama, Tise Dutssi'yema'qque tsu atesucho.