Colosa'su 2:14 - Cofán: Chiga Tevaen'jen

¹⁴ Chiga manda'choja osha'choma mandasi shacapa gi osha'fambi. Tsa'ma Jesúsma avuja'cconga otipa fi'ttiqquia'caen Chigaja ingi shacama'qque avuja'cconga fi'tti.

Colosa'su 2:14 ပူးပေါင်းရင်းမြစ်များ

Salmos 51:1

Chiga Quitsa, que pa'cco in'jan'choi'ccu ñama anttembe'yi in'jamba mendeyeja. Que ñama mendeye'choi'ccu ña in'jangae tsincon'choma joqquitssianjan.

Salmos 51:9

Ña egae tsincon'cho'ye joqquitssipa cambe canjan. Pa'cco ña egae tson'choma ccucha catija.

Lucas 1:6

Tsendeccuja Chigave in'jamba ño'a'fa. Pa'cco Chiga manda'choma ñotsse pañamba shaca mecho canse'fa.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

Colosa'su 2:20

Que'i Cristoi'ccu pasi va ande'su in'jamba nafattian'choja ja'ño que'ima mandambi. Tsa'can'ma ¿ma'caen qui toya va ande'su a'ia'caen canse'fa? Nane toya qui tise'pa manda'choma paña'jen'fa.

2 Tesalónica'su 2:7

Nane tayo tsu tsa egae tsincon'suja a'tutsse tson'jen. Toya'caen tsa'caen tsu a'tutsse tsoña tisema se'pi'su joqquitssiaña'gae.

Hebreo'su 7:18

Tsa'cansi gi in'jan'fa o'tien'su Chiga manda'choja oshambi a'ima ccushaeñe cuintsu Chiga in'janqquia'caen tsangae ño'ame da'faye. Nane tsa manda'choja shacapa oshambisi tsu tsama cati. Catisi gi bove ñotsse ccushaeña'chone paña'fa. Tsai'ccu gi ño'ame dapa dyombi'tsse Chiganga catse'fa.

Hebreo'su 8:13

Na'su Chigaja tsa'caen tise a'i'ccu cuname fae'ngae injancco'fa'choma condasepa tayo'su a'i'ccu fae'ngae injancco'fa'choja tssoruve dasi tayo joqquitssian qquen tsu su. Nane tsangae can'jembi'choa tsu joqquitssiqque'su. Junde tsu tsaja tsangae catiyeya.

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.