Canjaen'cho 9:4 - Cofán: Chiga Tevaen'jen

⁴ Poiyi'cco aindeccuma majan Chiga pisa tevaen'choma tsovejunga an'biambindeccuma pporaemba da'ñoñe tsu manda antte. Tsa'ma tsa'caen ccu'ccuye anttepa tise'pama se'pi cuintsu ni shoshovi ni jomba sho'yoqque'su, ni quini'ccoma da'ñombe can'faye.

Canjaen'cho 9:4 ပူးပေါင်းရင်းမြစ်များ

Job 1:10

Tsa'ma que tisema fuitesi majañi'qque tisema dañoñe oshambi; ni tise antiandeccuma, ni tise an'bian'choma. Nane queja tisema ñotsse fuitesi pa'cco osha'cho tsu ñotsse naniñe. Tsa'cansi tiseja osha'choma tsain'bitsse atapoemba poiyi'cco tsa ande'su a'ima ti'tsse rico.

Job 1:12

Tsonsi Na'su Chigaja Satanama su: —Ju, ñotssi tsu. Que in'janqquia'caen tsonjan pa'cco osha'cho Job an'bian'choma. Tsa'ma tisema mingae pporaenjama. Tsonsi Satanajan Na'su'ye joqquitssin ja.

Job 2:6

Tsonsi Na'su Chigaja Satanama su: —Ñotssi tsu. Tisema ma'caen in'jan'da pporaencanjan, tsa'ma fi'ttimbe'yi.

Éxodo 12:23

Tsa'caen tson'fasi tsu Na'su Chigaja egiptondecuma fittitti'jepa sombo'tti'su utufa toya'caen ombafa'fa'su onjoen'choma atte'ta tsa ettima anttepa panshaña. Tsayita tsu Na'su Chigaja se'piya tsa fi'tti'su que'i tsa'onga ca'nisa'ne.

Mateo 24:24

Nane afopa'cho cristondeccu, afopa'cho “Chiga Aya'fama afasundeccu” tsu attian'faya. Attiamba ñoa'me ti'tsse'tssia canjaen'cho, osha'cho agattoen'choma'qque tsu canjaen'faya a'ima qqueñañe. Nane osha'ta tsu Chiga ttu'se'chondeccuma'qque qqueña'faya.

Efeso'su 4:30

Egae canse'fajama Chiga Qquendya'pa ingine ñombi'yesa'ne. Nane ingija Cristove in'jansi Chiga Qquendya'pa ingima angacan'su tsu. Ingima qqueñambe'yi angacañe tsu in'jan ccushaeña'cho a'ta napiya'ngae.

Canjaen'cho 14:1

Tsonsi camba gi Chigambe Ovejama atte. Tiseja Zión Ccotta'cconi ccutsusi cca'indeccu, ciento cuarenta y cuatro mil aindeccu tisei'ccu ccutsu'fa. Tsendeccuja tsovejunga Chiga Quitsa inisema, Ovejambe inisema'qque tevaen'cho'fa.

Canjaen'cho 6:6

Tsonsi tsa cuatro canse'pa jinchondeccu ccutsu'ttie qquen afa'choma paña: —Fae a'ta semamba fae libra harinameñi qui chavaye osha'fa. Fae a'ta semamba qui tres libra máchicaveyi chavaye osha'fa. Tsa'ma yayapa, vinoma'qque pporaenjama sefaensa'ne.

Canjaen'cho 7:1

Tsomba tse'i ñajan cuatro Chigama sefacconi'su shondosundeccuma atte. Sefacco já ccutsu'choni'su cuatro tsutopani ccutsupa va ande'su cuatro fingiama tsu indi'fa. Tsa'caen tsu indi'fa cuintsu fingian ni ande ni mar ni quini'ccoma fingiamba oyaeñe oshambiye.

Canjaen'cho 8:7

O'ti'su sefacconi'su shondo'su jeñasi tsandapandaqui, si'nge'qque anjampai'ccu echho'chhoemba a'i can'jen'cho andenga amppi'fa. Amppisi ande, fae tercera'su enttingeccoyi tsu ju'ru sefa. Quini'cco'qque fae tercera'su enttingeccoyi tsu ju'ru sefa. Toya'caen pa'cco inzia shoshovi'qque ju'ru sefa.