Canjaen'cho 9:2 - Cofán: Chiga Tevaen'jen

² Afesi japa ande tsosinima can'jen'cho chango sombo'ttima fetta. Tsama fettasi tsu onfen'baja sombo. Nane rande ju'ruqque'su si'ngema oque o'rae'ma'caen onfen'baja sombopa piccosi coejechiga, sefacco'qque si'ame da'fa.

Canjaen'cho 9:2 ပူးပေါင်းရင်းမြစ်များ

Génesis 15:17

Tsonsi chiga amppipa tayo si'en dasi oro'je'cho si'ngema angaqque'su api, si'nge anchanda'je'cho'qque attiamba tsa gettipa ccuiña'cho enttinge'ye panshan'fa.

Génesis 19:28

can Jordán na'en'su sinjunccunima, toya'caen Sodoma, Gomorranima. Camba onfen'bama atte. Nane pa'cco sinjunccu tsu si'nge ju'ruqquia'caen oro'je.

Éxodo 19:18

Tsonsi si'nge enttinge'ye Chiga Sinaí ccotta'cconga andesi tsu tsa ccotta'cco'ye onfen'ba sombo. Nane onfen'bata tsu panme matssan'jen'cho'ye somboqquia'caen oro'je. Toya'caen pa'cco ccotta'cco tsu dyo'oe oya'je.

Daniel 3:6

Poiyi'cco majan tsa ñoña'chonga ccarupa tsanga iñajambi'ta tsu jundeyi osha'choma oque'jeye ñoñaccu'su si'nge anchanda'je'chonga ttova caniange'faya'cho.”

Joel 2:30

Toya'caen gi sefacconima canjaeña osha'cho camboenitssia'ma. Nane andeni'qque gi anjampa, si'nge, onfen'ba, osha'choma canjaeña:

Tson'fa'cho 2:19

Tsonsi gi sefacconima canjaeña osha'cho camboenitssia'ma. Andenga'qque osha'choma gi canjaeña: Anjampa, si'nge, onfen'bama.

Canjaen'cho 14:11

Tsa'caen si'nge anchanda'je'chonga oquepa vanaen'jensi tsangae tsu onfen'baja ansunde'je. Nane vuiquimbe'yi poi a'ta, poi cose'qque tsangae tsu vana'faya. Poiyi'cco majan cocoyama, tise ñoña'cho cocoyama'qque iñajan'da tsa'caen tsu tsangae vana'faya. Toya'caen poiyi'cco majan cocoya inise tevaen'choi'ccu tevaenge'ta tsa'caeñi tsu vana'faya.

Canjaen'cho 16:10

Tsonsi quinto sefacconi'su shondo'su japa tise tasa'suma dyo'ccoa cocoya na'su dyaipa'chonga zaiña. Tsa'caen zaiñasi pa'cco tsa cocoya manda'je'cho tsu sinttiave da. Aindeccuja ñoa'me iñetsse vana'jemba tise'pa menzanza'fama tsai'fa.

Canjaen'cho 8:12

Cuarto Chigama sefacconi'su shondo'suja jeñasi coejechiga'qque, fae tercera'su enttingeccoyi tsu si'ame da. Nane cose'suchiga, o'fe'qque, fae tercera'su enttingeccoyi tsu si'ame da'fa. Tsa'caen da'fasi a'ta cose'qque fae tercera'su enttingeccoyi tsu sinttia've da'fa.

Canjaen'cho 9:1

Quinto sefacconi'su shondo'su jeñasi faesu o'fe amppi'je'choma gi atte. Tayo sefaccone andenga amppisi fetta'je'cho yavema tisenga afe.

Canjaen'cho 9:11

Tise'pa na'suja ande tsosinima can'jen'tti chango na'su tsu. Hebreo aya'fangae tise iniseja Abadón. Griego aya'fangae tsu Apolión. “Tsangae cati'su” qquen tsu su.

Canjaen'cho 9:17

Ña atte'cho cavayondeccu, tise'pani dyaipa jacan'cho sundarondeccu'qque tsu qquen: Majandeccuja tise'pa utu'cho yoshava si'ngia'ca'en cu'a tsu. Majandeccuja sefacco inzia tsu. Toya'caen majandeccu asufre'caen quiopa tsu. Tise'pa cavayo tsoveja ttesi tsove'ca'on tsu. Cavayo aya'fa'ye tsu si'nge, onfen'ba, ju'ruqque'su asufre patu'qque sombo'je.