Canjaen'cho 8:13 - Cofán: Chiga Tevaen'jen

¹³ Omboe ccase camba gi rande pindoma atte. Sefacconi chhaje'jepa quia'me afasi gi qquen paña: —¡Ay, ay, ay! ¡Va'cha tsu poi ande'su aindeccu! Nane omboe tres jeñaqque'suma jeñasi tsu ñoa'me vana'faya.

Canjaen'cho 8:13 ပူးပေါင်းရင်းမြစ်များ

Salmos 103:20

¡Chigama sefacconi'su shondosundeccu, Na'su Chigama ñotsse afa'faja! Que'i quin'sui'ccu Na'su manda'choma pañamba tsonsundeccu qui.

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Canjaen'cho 11:14

Tayo tsu dos vanaña'cho pasa'fa. Tsa'ma junde tsu faesu vanaeña'cho jiya.

Canjaen'cho 12:12

Tsa'cansi Chiga sefacco, poiyi'cco tseni can'jensundeccu'qque avuja'faja. Tsa'ma ande, marni can'jensundeccuja ¡va'cha'fa qui! Ñoa'me qui vana'faya. Nane cocoya na'su, Satana, tiseja junde naniñe tson'jen, qquen in'jamba iyicca'yepa que'ini ande.

Canjaen'cho 14:3

Tse'tti Na'su dyai'ttie tsu cuna settapoen'choma settapoen'fa. Tsa cuatro canse'pa jinchondeccu pañasi veinticuatro coenzandeccu'qque paña'fa. Nane cca'indeccuja tsa settapoen'choma atesupa settapoeñe osha'fambi. Tsa'ma tsa ciento cuarenta y cuatro mil aindeccu'yi tsu tsa settapoen'choma atesupa settapoen'fa. Nane tsendeccuja poi ande'su aindeccu'suma ccushaensi tsu tsa'caen cansepa settapoen'fa.

Canjaen'cho 14:6

Tsonsi faesu Chigama sefacconi'su shondo'suma gi atte. Tsaja sefaccone chhaje'je Chigambe tsangae ñotsse condase'choma poi ande'su aindeccunga condaye. Nane poi na'su manda'cho, poi a'i, poi aya'fa'su, poi andesundeccu pañañe tsu shondo'suja condaye ja.

Canjaen'cho 19:17

Tsomba faesu sefacconi'su shondo'su coejechiganga ccutsu'choma gi atte. Fundondo'e afapa ccompana, pindo, poiyi'cco sefani chhajeqque'suma ttu'sepa su: —Jipa bopa Chiga an'jen'choma an'faja.

Canjaen'cho 3:10

“Vana'je'an'qque dyombi'tsse canseja” qquen ña mandasi qui pañamba tsa'caen tson. Tsa'cansi gi ñoa'me vanaeña'cho napisi quema ñotsse coiraya. Nane ñoa'me vanaeña'cho tsu pa'cco andeni napiye tson'jen poi ande'su a'i injama'choma atesuye. Tsa napisi gi quema coiraya.

Canjaen'cho 8:2

Omboe Chiganga ccutsucho siete sefacconi'su shondosundeccuma gi atte. Tise'panga tsu siete sundaro jeñaqque'suma afe.

Canjaen'cho 9:1

Quinto sefacconi'su shondo'su jeñasi faesu o'fe amppi'je'choma gi atte. Tayo sefaccone andenga amppisi fetta'je'cho yavema tisenga afe.

Canjaen'cho 9:12

O'tie vanaña'choja tayo tsu pasa. Tsa'ma toya dos vanaeña'cho tsu shaca.