Canjaen'cho 7:10 - Cofán: Chiga Tevaen'jen

¹⁰ fae'ngatsse fundondo'e afa'fa: Chiga Quitsaja ingima ccushaen'su tsu. Tise tsu dyaipa'choni dyai. Nane Oveja'qque tsu ingima ccushaen'su.

Canjaen'cho 7:10 ပူးပေါင်းရင်းမြစ်များ

Jonás 2:9

Tsa'ma ñajan chigatsuafepaenján qquen in'jamba gi quenga afe'choma afeya. Pa'cco ña quenga jai'ngae ñotsse tsoña'choma gi tsoña. ¡Na'su, jo'su queyi qui ccushaeñe osha!”

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Lucas 3:6

Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Juan 1:36

Jesús tse'fae jayisi Juanjan tisema attepa inginga su: —Que canjan: Tsa a'ija Chiganga afe'cho oveja tsu.

Juan 4:22

Nane que'i samariasundeccuja Chigama atesumbipa qui injanga iñajan'fa. Tsa'ma ingi israendeccuja Chigama atesupa gi iñajan'fa. Israelne tsu ccushaen'suja jiya.

Efeso'su 2:8

Tisuyi qui ccushaye osha'fambi. Tsa'ma Chigave in'jansi Tiseja que'ima in'jamba ccushaen tsangae canse'faya'chove. Nane Chiga aqquia afe'cho tsu.

Canjaen'cho 12:10

Tsonsi gi sefaccone afa'choma paña. Quia'me afapa tsu su: Ja'ño tsu ingi Chiga osha'choma oshapa ingima ccushaen. Tiseja na'susi gi tise aindeccuve da'fa. Ja'ño tsu Tise Cristoja manda'su. Nane tayoe Satana Chiganga ccutsupa pa'cco a'ta, pa'cco cose'qque ingi faengasundeccuma afase. Tsa'ma sefaccone joqquitssipa amppisi tsu Cristo ja'ñojan manda.

Canjaen'cho 19:1

Tsomba tse'i tsain'bio a'i Chiga sefacconi bopa afasi gi paña. Qquen tsu quia'me afa'fa: ¡Aleluya! Chiga ingima Ccushaen'suja Osha'choma tsu Oshacho. Tisema ñotsse afa'faya'cho.

Canjaen'cho 21:5

Tsonsi na'su dyaipa'chonga dyai'suja su: —Ja'ño gi osha'choma cuname agattoeña. Toya'caen tsu su: —Va su'choma tevaenjan. Ñoa'me tansintssi tsu. Toya'caen pañamba qui tsa'caen tsoña qquen in'jan'faya.

Canjaen'cho 22:3

Chiga tise agattoen'choma dañoite tayo pasasi tsaite dañonge'choja tsa canqqueni can'jeña'bi. Tsa'ma Chigambe dyaipa'cho, Oveja dyaipa'cho tseni can'jensi Tisema shondosundeccuja Tisema ñotsse in'jamba shondo'faya.

Canjaen'cho 4:6

Dyaipa'cho isevetsse tsu mar'ca'on jin. Nane canccoacamba chandisu'ccoa'caen chanditssi tsu. Enttingeni, toya'caen na'su dyaipa'chonga shonquendi'e tsu cuatro canse'pa jinchondeccu sheque'fa. Nane tsendeccuja tsain'bio tso'feve tsu an'bian'fa. Cambajufanga, sepaccofanga tsu tso'fema an'bian'fa.

Canjaen'cho 5:7

Tsa ovejaja na'su dyaipa'chonga catsepa dyai'sumbe tansinfa'su tive'suma findi'cho tevaen'jema isu.