Canjaen'cho 6:17 - Cofán: Chiga Tevaen'jen

¹⁷ Ñoa'me tsu Tise'pa iyicca'yeya'cho a'ta ji. ¿Majan tsu Tise'panga ccutsupa ccushaye osha'faya?

Canjaen'cho 6:17 ပူးပေါင်းရင်းမြစ်များ

Salmos 110:5

Na'suja que tansinfani dyaipa tise iyiccoya'cho a'ta nepisi nasundeccuma patsupa sefaeña.

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Joel 2:31

Toya'caen Na'su jiya'cho a'ta ca'tsa nepiji'nijan coejechiga tsu sintti'e daya. Cose'suchiga'qque tsu anjampaveyi daya.

Malaquías 3:2

Tsa'caen tise jisi ¿majan tsu tisema se'piya? Tise attiansi ¿majan tsu tisenga ccutsuye oshaya? Nane si'ngei'ccu corima tssutssiamba giyaenqquia'caen tsu ingima giyaeñe jiya. Javoin'ccu sarupama mappanqquia'caen tsu ingi egae tsincon'choma ccuchaye jiya.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Romanos 2:5

Tsa'ma que'i injama'cho tsu shacapa que'i egae tsincon'choma chi'gapa Chiganga ji'faye. Tsa'can'fasi Chiga Quitsa tsequi vanaña'cho a'ta a'i injama'choma tansintsse somboe'ninda qui ti'tsse shacapapa vana'faya.

Judas 1:6

Toya'caen majan Chigama sefacconi'su shondosundeccuja tisupa manda'je'choma chi'gapa tisu can'jen'ttima cati'fa. Chigaja tsendeccuma indipa tsangae candenai'ccu tandamba sinttiani an'bian osefaeña'cho a'ta napisi tise'pa injama'choma somboeñe.

Canjaen'cho 11:18

Poi andesundeccu tsu iyicca'ye'fa. Tsa'ma que iyicca'yeya'cho a'ta tayo tsu ji. Nane ja'ño qui pa'chondeccu injama'choma somboeña. Ja'ño qui que Aya'fama afasundeccunga osha'cho ñotssiama afeya. Nane ja'ño qui que ño'a aindeccunga, quema iñajansundeccunga'qque osha'cho ñotssiama afeya. Majan joccapitssia, majan utu'ccoa, poiyi'cco tsu ñotsse isu'faya. Ja'ño qui va andema dañosundeccuma tsangae nepiaña.

Canjaen'cho 16:14

Tsendeccuja cocoya qquendya'pa tsu. Osha'cho agattoemba canjaen'chove tsu canjaen'fa. Poi ande'su nasundeccuma in'jaeñe tsu ja'fa cuintsu bopa geraen'faye. Nane Chigaja osha'choma oshachopa a'i injama'choma tsu somboeña. Tsequi a'ta pan napijisi tsu nasundeccuja Chigai'ccu iyiccoye bo'faya.