Canjaen'cho 6:1 - Cofán: Chiga Tevaen'jen

¹ Tsa'caen ña caña'jen'ni tsu Ovejaja fa'e tuño setsaen'choma battian, tsa siete setsaen'cho tevaen'jema fettaye. Battiansi gi aya'fama paña. Tsanda quia'me afaqquia'caen fa'e tsa cuatro canse'pa jinchondeccu'su tsu qquen su: —¡Jipa canjan!

Canjaen'cho 6:1 ပူးပေါင်းရင်းမြစ်များ

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Tson'fa'cho 4:20

Nane ingi pañamba atte'chone afa'je'chomanda gi antteye osha'fambi.

Canjaen'cho 11:19

Qquen susi Chigambe sefacconi'su etti sombo'ttima fetta'fa. Fettasi gi tse'tti Chiga etti'suma Chiga a'i'ccu injancco'fa'cho cafoma atte. Tse'faei'ccuyi tsanda'qque afapa veyaen. Osha'cho tsu jen'jen. Ande oyasi rande tsandapandaqui tsu amppi.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Canjaen'cho 14:2

Tsendeccuma attepa gi sefacconi'su jen'choma paña. Nane na'en bo'epa jenqquia'caen quia'me jen'choma gi paña. Tsanda quia'me afaqquia'caen jen'choma gi paña. Toya'caen tsain'bio a'i rande guitara'ca'ma jeñaqquia'caen jen'choma paña.

Canjaen'cho 19:6

Toya'caen tsain'bio a'i bopa fundoqquia'caen gi paña. Na'en bo'epa jenqquia'caen, tsanda quia'me afaqquia'caen afasi gi qquen paña: ¡Aleluya! Tayo tsu Na'suja mandaye ashaen. Chiga ingi Na'suja osha'choma tsu oshacho.

Canjaen'cho 4:8

Poi canse'pa jinchondeccu tsu seis sanccopave an'bian'fa. Ombafa'fani, tsosiccu'fani, enttingeni'qque tsu tsain'bio tso'fe sheque'fa. Pa'cco a'ta, pa'cco cose'qque anttembe'yi tsu qquen settapoen'fa: Ñotssia, ñotssia, ñotssia tsu Na'su Chiga Quitsaja. Tsaja osha'choma oshacho. Tiseja tayopi jinchopa, ja'ño'qque jincho. Jai'ngae'qque tsu tsangae jinchoya.

Canjaen'cho 5:1

Ñajan camba gi na'su dyaipa'choni dyai'sumbe tansinfa'su tivema findi'cho tevaen'jema atte. Tsa tevaen'jenjan poifanga tevaemba siete tuño setsaen'choi'ccu picco'cho.

Canjaen'cho 5:12

Tsendeccuja quia'me afapa tsu qquen settapoen'fa: Tsa Oveja fi'ttiye'cho tsu ñoa'me ñotssia. Ñotssi tsu na'suve dapa osha'choma an'biañe. Ñotssi tsu osha'choma atesupa osha'choma oshachoye. Ñotssi tsu cuintsu poiyi'cco tisema ñotsse in'jamba ñotsse afa'faye.

Canjaen'cho 5:8

Tevaen'jema isusi tsa cuatro canse'pa jinchondeccu, veinticuatro coenzandeccu'qque Ovejanga catsepa andenga amppi ccui'fa. Poi coenzandeccu guitaracan'cho'ccoe an'bian'fa. Toya'caen cori apisho'ttonga ñome'bama'qque i'fa. Tsa ñome'baja Cristove in'jan'chondeccu Chigama iñajan'cho tsu.

Canjaen'cho 6:3

Tsonsi Oveja segundo tuño setsaen'choma battiansi faesu canse'pa jincho afasi gi paña: —Jipa canjan:

Canjaen'cho 6:5

Tsonsi Oveja tercer setsaen'choma battiansi faesu canse'pa jincho afasi gi paña: —¡Jipa canjan! Camba gi si'an cavayoma atte. Tsani dyai'suja dusianccuma tiveni an'bian.

Canjaen'cho 6:7

Tsonsi Oveja cuarto setsaen'choma battiansi faesu canse'pa jincho afasi gi paña: —¡Jipa canjan!

Canjaen'cho 8:1

Tsomba tse'i Ovejaja septimo setsaen'choma battiansi pa'cco sefacconi'su tsu ziya'fa. Nane enttinge hora'ca'en tsu tsa'caen ziya'fa.