Canjaen'cho 3:9 - Cofán: Chiga Tevaen'jen

⁹ Majan a'ija Satanane atesian'jen'ttisundeccu can'jen'fa. “Israendeccu gi” qquen supa ñoa'me israendeccumbipa aqquia tsu afopoen'fa. Ña gi tise'pama que tsutteccofanga ipa ccuiñaña. Tsa'caen tise'pama patsupa ccuiñasi tsu ña quema in'jan'choma in'jan'faya.

Canjaen'cho 3:9 ပူးပေါင်းရင်းမြစ်များ

Éxodo 11:8

Tsa'caen dasi tsu poiyi'cco quema shondosundeccu jipa ccaru dyaipa ñama iñajamba su'faya: ‘¡Junde que, toya'caen que aindeccui'ccu jaja'faja!’ Tsa'caen susi gi ja'faya. Tsomba Moisésja ñoa'me iyicca'yepa faraón dyai'ttie sombopa ja.

Juan 17:23

Nane ñajan tise'pani jinchosi, queja ñani jinchosi, gi ñoa'me fa'e jinchoqquia'caen jincho'faye. Tsayita tsu va andesundeccuja attepa in'jan'faye quema ñame moe'supa, ñame in'janqquia'caen qui ñame in'jan'chondeccuma'qque ñotsse in'jan.

Canjaen'cho 2:9

Que tson'choma gi atesu. In'jan gi que vana'jen'choma. Vana'jemba qui me'cco can'jen. Tsa'ma ñoa'me qui rico Chiga quema in'jansi. Toya'caen majan a'i israendeccu qquen su'a'qque aqquia afopa'chondeccu tsu. Tsendeccu quema afase'choma gi atesu. Tsendeccuja ñoa'me Sataname in'jamba bo'fa'chondeccu tsu.