Canjaen'cho 22:9 - Cofán: Chiga Tevaen'jen

⁹ Tsa'ma ccaru dyaisi tsu ñama su: —Tsa'caen tsonjama. Que'i'ccu fae'ngae gi Chigambe sema'su. Nane que, que faenga'su Chiga Aya'fama afasundeccu, poiyi'cco va tevaen'choma camba in'jan'chondeccu'qque ñai'ccu fae'ngae Chigambe semasundeccu tsu. Nane Chiga Quitsaveyi in'jamba Tisenga ccarupa ñotsse afaja.

Canjaen'cho 22:9 ပူးပေါင်းရင်းမြစ်များ

Éxodo 34:14

“Faesu chiganga iñajan'fajama. Nane Na'suta tsu ñoa'me sepipa. Tise iniseta tsu Sepipa Chiga.

Mateo 4:9

su: —Que qui ñanga ccarupa iñajan'ninda gi pa'cco va andema quenga afeya que na'suve dapa pa'tssima mandaye.

Lucas 4:7

Que ñanga ccarupa iñajan'ninda tsu pa'cco vaja quembe.

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.

Canjaen'cho 1:1

Chigaja Jesucristonga va attian'choma afe cuintsu Jesúsja tise semasundeccunga condaye. Junde tsoña'chone condase'cho tsu. Jesúsja tisema sefacconi'su shondo'suma moensi tsaja Juanga jipa attian.

Canjaen'cho 1:11

Tsa aya'faja su: —Que atte'choma findi'cho tevaen'jenga tevaenjan. Tevaemba Asia ande'su siete Jesúsve in'jamba bo'fa'chonga moenjan. Nane Efeso canqque'su bo'fa'chonga, toya'caen Esmirna, Pérgamo, Tiatira, Sardis, Filadelfia, Laodicea'su bo'fa'chonga'qque va tevaen'jema moenjan.

Canjaen'cho 14:7

Fundondo'e afapa su: —Dyoe'sui'ccu Chiga Quitsama in'jamba ñotsse afa'faja. Tayo tsu osefaeña'cho a'ta napiji Tise poimbe injama'choma somboeña'cho. Tiseja sefacco, ande, mar, tsa'ccu sombo'je'ttima'qque agattoen'su. Tisema iñajan'faja.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.

Canjaen'cho 22:10

Toya'caen tsu ñama su: —Va jai'ngae tsoña'chone tevaen'choma a'tujama. Nane junde tsu tsa'caen tsoña.

Canjaen'cho 22:18

Candusiamba poiyi'cco va Chiga Aya'fa su'cho tevaen'jema pañasundeccunga gi conda: Majan a'i va su'choma cambiamba ti'tsse afa'ninda Chiga tsu tisema ti'tsse vanaeña. Osha'cho va tevaen'jen su'cho vanaen'jen'choi'ccu tsu tisema vanaeña.

Canjaen'cho 22:7

¡Que canjan! ¡Junde gi jiya! Majan va jai'ngae tsoña'chone Chiga Aya'fa tevaen'choma pañamba in'jan'da ñoa'me tsu avujatssiya.

Canjaen'cho 4:10

Toya'caen tsa'caen settapoensi veinticuatro coenzandeccu'qque dyaipa'choni dyai'sumbe cambajufanga ccui'fa. Tsa'caen ccuipa tsangae canse'cho Chigama ñotsse in'jamba afa'fa. Chigaja ti'tsse'tssia qquen canjaeñe in'jamba tise'pa otifaccuma'qque dyaipa'chonga ttova ccuiñamba qquen settapoen'fa:

Canjaen'cho 9:20

Tsa'ma cca'indeccu, tsa fi'ttiqque'sui'ccu toya pambichondeccuja toya tise'pa egae tsincon'choma catiye in'jan'fambi. Antte'fambi cocoyama iñajañe. Toya'caen ñoña'cho chiga'ca'ma'qque tsu iñajan'fa. Nane cori, totoa cori, cu'a yoshava, patu, quini'ccoma ñoña'choma tsu toya iñajan'fa. Tsa ñoña'cho chigaja barembi tsu. Atteye oshambipa ni pañañe'qque ni jacañe'qque osha'fambi.