Canjaen'cho 22:6 - Cofán: Chiga Tevaen'jen

⁶ Omboe sefacconi'su shondo'suja ñama su: —Va su'choja ñoa'me tansintssi tsu. Toya'caen pañamba qui tsa'caen tsoña qquen in'jan'faya. Na'su Chiga Tisema afasundeccuma afaensi tsu jai'ngae tsoña'choma conda'fa. Ja'ñojan Tisema sefacconi'su shondo'suma tsu moen cuintsu Tisene semasundeccu junde tsoña'choma atesu'faye. Nane qquen tsu Na'suja su:

Canjaen'cho 22:6 ပူးပေါင်းရင်းမြစ်များ

Génesis 41:32

Nane Chigaja tsa'caen tsoñe qquen in'jamba toya'caen junde tsa'caen tsoñasi tsu dos se faraónjan tsane ayo'o.

Daniel 3:28

Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 6:22

Ña Chiga tsu tisema sefacconi'su shondo'suma ñani moe cuintsu ñama mingae tson'fasa'ne ttesi aya'fama piccoye. Nane Chigata tsu atesu ñajan ño'an a'ive, toya'caen ñajan mingae Que Ti'tsse'tssiama egae tsincombi'choa've.

Mateo 13:41

Sefaccone Ji'cho A'i mandasi tise'be sefacconi'su shondosundeccu japa Chigama na'sian'cho aindeccuma boñamba poiyi'cco cca'indeccuma egae tsincoensundeccuma, poiyi'cco egae tsinconsundeccuma'qque attufaen'faya.

Lucas 1:70

Tayopi Chiga Tisema afasundeccuma in'jaensi tise'paja ingi ccushaya'chone afa'fa.

Lucas 16:16

Chiga manda'cho, Chiga Aya'fa afasundeccu tevaen'jen'qque ingima tayoe atesian. Tsa'ma Juan jipa ma'caen Chiga aindeccuve dapa canseya'chone ñotsse condase'choma candusiañe ashaen. Ja'ño tsain'bio a'i pañamba quia'me in'jan'fa Chiga aindeccuve daye.

Tson'fa'cho 12:11

Tsa'caen tisema catipa jasi Pedroja ñoa'me in'jamba su: —Ja'ño gi in'jan ñoa'me tsu na'su Chiga Quitsaja Tisema sefacconi'su shondo'suma mandamoemba ñama ccushaen Herodes tsoña'cho'ye toya'caen israendeccu in'jamba ronda'je'cho'ye'qque.

Tson'fa'cho 3:18

Tsa'ma Chiga tsu tsa'caen antte cuintsu Tise tayopi suqquia'caen tsa'caen tson'faye. Nane tayopi Tise Aya'fama afasundeccuja qquen su'fa: “Chiga in'jan'cho Cristota tsu vanaña'cho.”

Romanos 1:2

Tayopi Chigaja Tise Aya'fama afasundeccuma in'jaen cuintsu Tise ñotssia aya'fama tevaen'faye. Tayopi tsa'caen tevaensi ja'ño'qque Chigaja va ñotsse condase'choma condase

1 Corinto'su 14:32

Nane Chigaja a'ima in'jaemba antte cuintsu tsa a'ija injanga afambe'yi ñotsse tansintsse in'jamba condaye.

1 Corinto'su 7:29

Faengasundeccu, ñoa'me gi su, re'ricco tsu shaca ingima vanaeña'cho. Ja'ño tsu pushe'pandeqquia pushe mechoa'caen canse'faya'cho.

2 Tesalónica'su 1:7

Toya'caen que'i vanasundeccuma'qque ingi'ccu fae'ngae ño'faemba tsu tansintsse tsoña. Nane tsequi a'ta Na'su Jesús tise quin'an sefani'su shondosundeccui'ccu sefaccone attiamba tsu si'nge anchanda'je'choi'ccu jipa

Hebreo'su 12:9

Toya'caen va andeni cansepa gi ingi yayandeccuma ñotsse in'jamba paña'fa. Ingima nafattaiamba iyu'upa vanaensi gi pañamba tise'pama ti'tsse ñotsse in'jan'fa. Tsa'caen tise'pama pañasi ingi sefacconi'su Yaya ingima nafattia'ninda gi ti'tsse Tisema pañamba ñotsse in'jan'faya'cho. Tsayita gi ñoa'me canseye ashaen'faya.

2 Pedro 1:21

Nane tayopi'su Chiga Aya'fama afasundeccuja tise'pa in'jan'choma afa'fambi. Tsa'ma Chiga Qquendya'pa tise'pama in'jaensi tsu ñoa'me Chiga Aya'fama afa'fa.

2 Pedro 3:2

Injan'jen'faja tayopi'su Chiga Aya'fama afasundeccu jai'ngae tsoña'chone su'choma. Na'su Ccushaen'su manda'choma'qque injan'jen'faja. Nane Na'sune afasundeccuja tsane que'ima atesian'fa.

Canjaen'cho 1:1

Chigaja Jesucristonga va attian'choma afe cuintsu Jesúsja tise semasundeccunga condaye. Junde tsoña'chone condase'cho tsu. Jesúsja tisema sefacconi'su shondo'suma moensi tsaja Juanga jipa attian.

Canjaen'cho 18:20

Tsa'ma Chiga sefacconi can'jensundeccu ¡avujatssi'faja! Chigambe aindeccu'qque ¡avujatssi'faja! Chiga Aya'fama afasundeccu, Jesucristone afasundeccu'qque, tsa canqque tsangae nepi'nijan ¡poiyi'cco avujatssi'faja! Nane tise que'ima vanaensi Chiga tise injama'choma tayo somboe'nijan ¡avujatssi'faja!

Canjaen'cho 19:9

Tsonsi sefacconi'su shondo'su ñama su: —Vama tevaenjan. “¡Poiyi'cco majan Chigambe Oveja pushe'jepa fiestaen'jen'chonga ttuseye'chota tsu avujatssi'faya!” Toya'caen tsu su: —Qquen tsu Chiga Quitsaja ñoa'me tansintsse su.

Canjaen'cho 21:5

Tsonsi na'su dyaipa'chonga dyai'suja su: —Ja'ño gi osha'choma cuname agattoeña. Toya'caen tsu su: —Va su'choma tevaenjan. Ñoa'me tansintssi tsu. Toya'caen pañamba qui tsa'caen tsoña qquen in'jan'faya.

Canjaen'cho 21:9

Tsonsi tsu fa'e Chigama sefacconi'su shondo'su, tsa siete Chiga iyicca'yepa a'ima vanaeña'cho tasama i'su'chondeccu'su ñani jipa su: —Jija. Chigambe Oveja tayo pushesi gi tise pushema quenga canjaeña.

Canjaen'cho 22:1

Tsonsi sefacconi'su shondo'suja na'ema ñanga canjaen. Tsaja cansiaña'cho tsa'ccu tsu. Canccoa'caen veyaratssia've tsu ai'je. Chiga dyaipa'cho'ye, tsa Oveja dyaipa'cho'ye sombopa

Canjaen'cho 22:16

—Ña, Jesús gi ñama sefacconi'su shondo'suma moen va canjaen'choma quenga canjaeñe. Quema canjaen cuintsu queja poiyi'cco ñame in'jamba bo'fa'chondeccunga condaye. Ñajan agattoen'supa gi tayopi'su Davidma otien'su. Toya'caen gi David omba'su dutssi'ye. A'tatssia've chanjumba ataje'cho gi.

Canjaen'cho 22:7

¡Que canjan! ¡Junde gi jiya! Majan va jai'ngae tsoña'chone Chiga Aya'fa tevaen'choma pañamba in'jan'da ñoa'me tsu avujatssiya.

Canjaen'cho 4:1

Tsomba tse'i ccase camba gi Chiga sefacconi'su sombo'tti fettaye'choma atte. Attepa gi toe aya'fama ccase paña. Ccase sundaro jeñaqquia'caen afapa tsu ñama su: —Vani ansundeja, jai'ngae tsoña'choma quenga canjaeñe.