Canjaen'cho 21:21 - Cofán: Chiga Tevaen'jen

²¹ Toya'caen doce sombo'tti'su piccofin'di'qque doce marni'su totoa moyo perlama ñoña'cho tsu. Fae perlama tsu fae piccofin'dive ñoña. Canqque enttinge'su tsaiqui'qque tansien coriyi tsu. Nane canccoacaen chandi'tssi tsu.

Canjaen'cho 21:21 ပူးပေါင်းရင်းမြစ်များ

Canjaen'cho 17:4

Tsa pushesuja ñoncca'a na'su inzia, cu'a sarupama ondiccupa, cori andupama an'du. Toya'caen cori sasiyoma, osha'cho ñotsse bare'cho patu jinchoma, tototssia chhariccotssia moyoma'qque an'du. Tise tivenijan cori tasama an'bian. Tsa tasani tsu osha'cho egae jincho'cho jin. Afambipa egae tsincon'cho'qque tsu tsani jin. Nane tiseja ñoa'me in'jangae canse'pa tsa'caen tasani an'bian.

Canjaen'cho 18:16

I'namba tsu fundondo'e afa'faya: ¡Ay, va'cha tsu tsa ti'tsse'tssia canqque! Ñotssia pushesia'caen tototssia sarupama ondiccupa, na'su inzia, cu'ai'ccu opoemba, cori, bare'cho patu, totoa moyoi'ccu veyaratssia've tsu chanjun'jen.

Canjaen'cho 21:15

Ñama afa'su sefacconi'su shondo'suja cori agatto'ccoma an'bian. Tsama an'bian canqquema, canqque ttu'choma, sombo'ttima'qque agattoye.

Canjaen'cho 21:18

Ttu'choja ñotssia jaspe patuma ñoña'cho tsu. Pa'cco canqque'qque tansien coriveyi ñoña'cho tsu. Nane canccoa'caen chandi'tssi tsu.

Canjaen'cho 22:2

canqque tsaiqui enttingeni ai'je. Poi otafani tsu cansiaña'cho quini'ccoja ccutsu'fa. Fae canqque'fanga tsu tsa quini'ccoja doce nafave naña. Nane poi ccovu tise teta'choja naña. Tsa cansiaña'cho quini'cco'su ccaqueje'qque seje'pa tsu poi ande'su a'ima ccushaeñe.

Canjaen'cho 4:6

Dyaipa'cho isevetsse tsu mar'ca'on jin. Nane canccoacamba chandisu'ccoa'caen chanditssi tsu. Enttingeni, toya'caen na'su dyaipa'chonga shonquendi'e tsu cuatro canse'pa jinchondeccu sheque'fa. Nane tsendeccuja tsain'bio tso'feve tsu an'bian'fa. Cambajufanga, sepaccofanga tsu tso'fema an'bian'fa.