Canjaen'cho 20:8 - Cofán: Chiga Tevaen'jen

⁸ Fetta mañasi poi biani'su andeni tsu jaya a'ima qqueñañe. Nane Goga andeni, Magoga andeni'qque japa tise'pama'qque tsu qqueñaña. Tsa'caen qqueñamba ttu'sesi tsu bo'faya geraeñe. Nane tsa'caen ttu'sesi bopa tise sundarondeccuja mar'su sisipa shequeqquia'caen tsain'bio tsu.

Canjaen'cho 20:8 ပူးပေါင်းရင်းမြစ်များ

1 Reyes 4:20

Judándeccu toya'caen israendeccu ñoa'me tsain'bitssipa agattoye oshambi'tssi. Nane mar otafa'su sisipa'can'tssi tsu. Tsa'ma anqque'su toya'caen cuiqque'su'qque shacambisi tsu poiyi'cco a'i avujatssi'fa.

Isaías 10:22

Que'i Israel aindeccuja, tsain'bitssi qui. Nane mar'su sisipama agattoye oshambiqquia'caen que'ima ja'ño agattoye oshambi. Tsa'ma que'i egae tsincon'choma attepa

Hebreo'su 11:12

Tsa'cansi fae a'i'ye tsu injantssia a'i atapa'fa. Abraham'qque tayo coenza ccasheyepa dusungambi. Tsa'ma sefacconi'su o'fema agattoye oshambiqquia'caen ja'ño Abraham omba'su dutssiyendeccuma'qque agattoye oshambi. Nane marni'su sisipa jinchoma agattoye oshambiqquia'caen tsu tise omba'su dutssiyendeccuma'qque agattoye oshambi.

Canjaen'cho 12:9

Tsa'caen tsa rande canjansi, tsa cocoya na'su, Satana, qquen inisecho'cho, andenga catiyesi tisema shondosundeccu'qque andenga catiye'fa. Nane canjansi tsu tayopi'su iyo'ca'en a'ima qqueña'su. Toya tsu can'jen poiyi'ccoma qqueñañe.

Canjaen'cho 16:14

Tsendeccuja cocoya qquendya'pa tsu. Osha'cho agattoemba canjaen'chove tsu canjaen'fa. Poi ande'su nasundeccuma in'jaeñe tsu ja'fa cuintsu bopa geraen'faye. Nane Chigaja osha'choma oshachopa a'i injama'choma tsu somboeña. Tsequi a'ta pan napijisi tsu nasundeccuja Chigai'ccu iyiccoye bo'faya.

Canjaen'cho 20:10

Tsomba tise'pama qqueña'su, tsa cocoya na'suma, indipa asufrei'ccu juru'je'cho si'nge singu'ccunga ttova moen'fa. Dyo'ccoa cocoya, tisema afopoen'su'qque tayo catiyepa tseni can'jen'fa. Tse'tti poiyi'cco tsangae can'jemba a'ta, cose'qque, tsangae tsu iñetsse vana'jen'faya.

Canjaen'cho 20:3

Tandamba ande tsosini'su changonga ttova moen. Ttova moemba piccofin'dima piccopa setsaenqque'sui'ccu pisa setsaen tise sombosa'ne. Nane tsa cocoya na'suma tsu picco cuintsu mil canqque'fave poi ande'su a'ima qqueñambe cañe. Mil canqque'fa pasasi tsu re'riccone tisema fettaya'cho.

Canjaen'cho 7:1

Tsomba tse'i ñajan cuatro Chigama sefacconi'su shondosundeccuma atte. Sefacco já ccutsu'choni'su cuatro tsutopani ccutsupa va ande'su cuatro fingiama tsu indi'fa. Tsa'caen tsu indi'fa cuintsu fingian ni ande ni mar ni quini'ccoma fingiamba oyaeñe oshambiye.

Jueces 7:12

Nane madiandeccu, amalecitandeccu toya'caen faesu chiga sombo'jefa'su aindeccuja jongoesu a'ju shequeqquia'caen tsu tsa sinjunccuni on'batsse can'jen'fa. Tise'pa cameyo'qque tsain'bitssipa mar otafa'su sisipama agattoye oshambi'tssiqquia'ca'on.